En Wiki (vun hawaiiaansch wiki gau) is ene Software for dat gemeensame Tohoopstellen vun Texten dor ene Grupp vun Luud in en Reekner-Nettwark. Bi en Wiki hett nich blots en lutte Grupp Luud dat Recht, de Texten to annern. Bi en Wiki rekruteert sik de Schrievers ut de Lesers, ahn dat twischen Leser un Schriever en groot Hinnernis liggt. Dat Wiki hett dorbi mehrsttiets ene egene Textutteknungssyntax, mit de de Texten formateert warrn koont.

Historie [ annern | Bornkood annern ]

Al Tim Berners-Lee , de Utfinner vun dat World Wide Web , harr de Idee hatt, all Sieden in dat WWW for jedereen annerbor to maken. Eerst mit Ward Cunningham keem aver 1994 dat eerste echte Wiki un de Naam Wiki op, dat WikiWikiWeb . Sietdem sund in’t WWW vele Wikis opkamen, dorto hoort ok de Wikipedia .