50 In ← Tinn → Sb Ge ↑ Sn ↓ Pb Periodensystem
Allgemeen
Naam , Teken , Atomtall	Tinn, Sn, 50
Cheemsch Serie	Metall
Kloor	glannig sulvergrau
Atommass	118,710 u
Elektronenkonfiguratschoon	[ Kr ]4d 10 5s 2 5p 2
Elektronen je Schaal	2, 8, 18, 18, 4
Physikaalsche Egenschoppen
Phaas	Faststoff
Dicht	(grau) 5,769 (witt) 7,265 g·cm ?3 (bi RT )
Smoltpunkt	505,08  K (232  °C )
Kaakpunkt	2875 K (2.602 °C )
Atomare Egenschoppen
Kristallstruktur	tetragonal
Ionisatschoonsenergien	1.: 708,6 kJ/mol
	2.: 1411,8 kJ/mol
	3.: 2943,0 kJ/mol
Atomradius	145 pm
Annere Egenschoppen
Isotopen (Utwahl)
Hooftartikel: Isotopen vun Tinn Iso VN t ½ VO VE ( MeV ) VP 112 Sn 0,97 % Sn is mit 62 Neutronen bestannig. 114 Sn 0,65 % Sn is mit 64 Neutronen bestannig. 115 Sn 0,34 % Sn is mit 65 Neutronen bestannig. 116 Sn 14,45 % Sn is mit 66 Neutronen bestannig. 117 Sn 7,68 % Sn is mit 67 Neutronen bestannig. 118 Sn 24,23 % Sn is mit 68 Neutronen bestannig. 119 Sn 8,59 % Sn is mit 69 Neutronen bestannig. 120 Sn 32,59 % Sn is mit 70 Neutronen bestannig. 122 Sn 4,63 % Sn is mit 72 Neutronen bestannig. 124 Sn 5,79 % Sn is mit 74 Neutronen bestannig. 126 Sn nee ~10 5 a β - 0,380 126 Sb

Tinn is en cheemsch Element ut dat Periodensystem mit de Atomtall 50, dat to de Grupp vun de Metallen tellt. Dat Atomteken is Sn ? afleddt vun’t latiensche stannum , wat Tinn beduut. Vun dor kummt ok de Naam Stanniol for dunne Metallfolie, de froher ut Tinn weer, huut aver tomeist ut Aluminium .

Historie un Vorkamen [ annern | Bornkood annern ]

Tinn weer al in ole Tieden bruukt, so vun 2500 v. Chr. an. As Bimengen to Kopper , for dat denn Bronze rutkummt. Un for sick allen. Tinn keem sunners ut Britannien , neemlich ut Cornwall . Aver ok annerwegens geev dat Tinnierzen.

Eegenschapen [ annern | Bornkood annern ]

Tinn is een temlich edlet Metall , wat nich so licht reageert as anner Metallens, ma nich so edel as de Eddelmetallens . Wat opfallt is besunners de laage Smoltpunkt. Dorum is Tinn een vun de ersten Metallens ween, de de Minschen bruukt harrn, sunnerlich for de Bronze , ober ook for Tellers un Kroog de licht to geeten weern. Un ook as Lot wor un ward dat bruukt, vun de Klemptneree bit na de Elektronik.

Herstellen [ annern | Bornkood annern ]

Tinn kummt besunners as Tinndioxid, SnO ₂ vor. Dat ward ook Kassiterit naamt un is een tomeist swattbrunen Steen. Dat Tinndioxid ward lutt maakt un denn mit Kohle reduzeert .

SnO ₂ + C ⇒ Sn + CO ₂

Denn ward dat knapp bet over den Smeltpunkt hitt maakt un fleet denn rut.

Chemie [ annern | Bornkood annern ]

Tinn heurt to de veerde Grupp vun dat Periodensystem . Dor is dat denn unner Kohlenstoff , Silizium , Germanium un vor Blie . Dorum kummt dat in Verbinnungen tomeist ook in de Oxidationsstufe +IV vor. Tinn as Element is nich giftig, obers Verbinnungen vun dat Tinn konnt giftig sien.

Bruuk [ annern | Bornkood annern ]

Huut ward dat Tinn besunners as Lot bruukt. Vun wegen dat dat so good fleet un denn anner Metallens, sunnerlich Kopper good verbinnen deit. For dat normole Lot ward 30-40 % Blie tomixt. For Elektroniklot gifft dat verscheeden Rezepten, ook mit Sulver . Un for de Klemptneree ward reinet Tinn bruukt: Dat Fittingslot (heet so vun wegen dat dor mit de Fittinge mit dat Kopperrohr verbunnen warn) hett 97% Tinn un blots noch 3 % Kopper.