Terry Pratchett

Sir Terence David John Pratchett , OBE (* 28. April 1948 in Beaconsfield , Buckinghamshire ; † 12. Marz 2015 in Broad Chalke , Wiltshire ) weer en britischen Fantasy - Schriever . Sien bekanntsten Warken sund de Schievenwelt-Romanen , de in 37 Spraken oversett weern. Weltwiet sund ruchweg 60 Millionen vun sien Boker verkofft worrn.

Leven un Wark [ annern | Bornkood annern ]

Pratchett hett al mit dorteihn Johren sien eerst Wark publiek maakt. Dat sweer de Kortgeschicht The Hades Business , de toeerst in dat Scholerblatt un later in’t Science Fantasy Magazine rutkamen is.

As he 1965 vun de School afgahn weer, hett he dat glieke Johr en Utbilln as Journalist bi en oortlich Dagblatt anfungen. Wiel sien Arbeit hett he bi en Interview mit Peter Bander van Duren, de en lutten Verlag leiden de, dat he ok en Roman schreven harr ( The Carpet People ). 1968 hett he sien Fro Lyn Marian Purves heiraat. Jemehr Dochter Rhianna (* 1976) arbeit huut ok as Schrieversche.

Dat Johr 1980 is Pratchett Pressesnacker vun dat Central Electricity Generating Board (CEGB) worrn. Dat weer en Staatlichen Bedrief in Grootbritannien, dat for’t Verdeelen vun de Stroomprodukschoon op verschedene Orden vun’t Tugen tostannig weer. As em kloor weer, dat he vun sien Boker leven kunn, hett Pratchett 1987 de Arbeit bi’t CEGB afbroken un vun nu an ruchweg jeed Johr twee Romanen publizeert.

2007 hett Pratchett bekannt maakt, dat he unner en rore Form vun de Alzheimer-Krankheit lieden de, de froh anfangt ^[1]. He snack over sien Krankheit an’n 13. Marz 2008 in en Interview in de Radio-Sennen Today Programme vun de BBC . He meen, dat he sien Fohrerschien afgeven harr un em dat Schrieven mit de Maschien nich mehr so goot vun de Hand gung. Siet de Tiet hett he sien Texten mit Hulp vun Software to’n Kennen vun de Spraak schreven. He hett een Million Dollar an den Alzheimer Research Trust spennt un kritiseer, dat for’t Utforschen vun Demenzkrankheiten to wenig Geld utgeven weer ^[2]. In’n Tosamenhang mit de Krankheit hett he ok en Positschoon for de Starvhulp betogen ^[3]. So hett he ok en Kampagne anfohrt gegen dat Verbott vun de Starvhulp in Grootbritannien. He hett en BBC-Dokumentarfilm produzeert, bi den he twee Minschen to’n Freedoot in de Swiez begleiten de ^[4].

Pratchett weer 1998 to’n Officer vun’t Order of the British Empire (OBE) maakt ^[5]. An’n 31. Dezember 2008 is he wegen sien Verdeensten um de Literatur vun de Queen to’n Knight Bachelor maakt worrn un droff vun nu an den Titel Sir Terry Pratchett hebben ^[6]. An’n 28. April 2010 kreeg he vun’n Clarenceux King of Arms en egen Wapen tospraken, wat en Ankh un en Morpork-Uul wiest, dat ut dat Wapen vun de Stadt Ankh-Morpork ut sien Schievenwelt-Romanen nahmen weer. Ok de Wahlsprook ?Noli timere Messorem“ ( Wees nich bang for den Knakenkerl ) ^[7], wat op den leven Charakter vun den Doot as Figur in vele vun sien Roman in de Schievenwelt anspeelt. 2008 is he mit den Locus Award , 2011 mit den Karl Edward Wagner Special Award un dat glieke Johr ok mit den Margaret A. Edwards Award vun de American Library Association uttekent worrn. Pratchett weer butendem mit den Ehrendokter vun negen Universitaten uttekent.

Terry Pratchett is an’n 2. Marz 2015 in’t Oller vun 66 Johren in sien Huus in Borad Chalke in de Graffschop Wiltshire an de Naklapp vun sien Krankheit doodbleven ^[8] .

Literarisch Wirken [ annern | Bornkood annern ]

Pratchett harr en teemlich egene Schrievoort. Butendem tekent sik sien Boker dor den rieken Bruuk vun Footnoten ut. De nedderlaansche Oversetten vun Good Omens , dat he tosamen mit Neil Gaiman schreven hett, fangt mit en ironisch Vorwoort vun den OVersetter an, in dat de versekern deit, dat he keen tosatzliche Footnoten inboet harr, um moogliche unkloore Saken to verduutlichen. Dat Vorwoort weer afrunnt mit Footnoten vun Omen un Crowley.

Bit op wenige Utnahmen sund Pratchett sien Warken nich in Kapitels unnerdeelt. In en Interview segg he as Grund dorfor, dat sik dat Leven normalerwies ok nich in Kapitels afspelen de. Afsehn vun den Bruuk in Kinnerboker kunn he in Kapitels ok keen rechten Sinn sehn ^[9]. So gifft dat vor allen in Pratchett sien Joogdboker Kapitels, man ok in de Romanen um de Figur Moist von Lipwig . Dor hebbt se aver en Sinn, de over en rein Indeelen vun den Text rutgeiht: Jeed Kapitel fangt mit en Reeg vun Overschriften an, de op Deelen vun’n Inholt vorgriepen doot un dorum sunnere Saken verwachten laat.

Pratchett harr bito en groot Intresse an Orang-Utans . Dat wies sik nich blots in de Figur vun den Bibliothekar in sien Schievenwelt-Romanen, man ok in sien Arbeit for de Orang-Utan Foundation . To’n Bispeel hett he Borneo besocht mit en Kru vun Channel 4, um dor en Episood vun ?Jungle Quest“ to dreihn, in de Orang-Utans in jemehr naturlich Umfeld wiest warrt. Wenbn Pratchett op en Convention gahn is, geev dat jummer ok en Aukschoon, bi de sien Fans dorop beden kunnen, dat jemehr Naam in’n nachsten Roman noomt warrt. De Gewinn vun disse Aukschonen gung direkt an de Orang-Utan-Foundation.

Schievenwelt-Boker [ annern | Bornkood annern ]

Sien weltwiete Bekanntheit hett Pratchett sien Romanen in de Schievenwelt to verdanken, de en grote Fangemeen tosamenbrocht hebbt. De Geschichten speelt op de Schievenwelt , de flach is un vun veer Elefanten dragen warrt, de sulvst op’n ruch vun en resenhafte Schildpatt staht, de dor dat Weltall rodert.

Bi disse Romanen hannelt sik dat nich blots um klass’sche Fantasy -Romanen in en fiktive Welt, man vele klass’sche Fantasy- un Science-Fiction -Motiven warrt in de Boker parodeert. Just so as ok enkelte Themenrebeden as Rock ’n’ Roll , de Filmkunst , Religion, Philosophie, Weertschop, chines’sche un agyptische Historie, Wohrhaftigkeit vun de Presse, Politik, Krieg un toveel mehr.

Warken [ annern | Bornkood annern ]

Schievenwelt-Romanen [ annern | Bornkood annern ]

Hooftartiel : List vun de Schievenwelt-Romanen

Annere Warken [ annern | Bornkood annern ]

1972: The Carpet People (dt.: Alarm im Teppich-Reich )
1977: The Dark Side of the Sun (dt.: Der Sonne dunkle Seite )
1983: Strata (dt.: Strata oder die Flachwelt )
1991: Good Omens (dt.: Ein gutes Omen. Die freundlichen und zutreffenden Prophezeiungen der Hexe Agnes Spinner )
1991: The Unadulterated Cat (dt.: Echte Katzen tragen niemals Schleifen )
1992: Truckers (dt.: Trucker. Roman der Nomen-Trilogie )
1992: Diggers (dt.: Wuhler. Roman der Nomen-Trilogie )
1992: Wings (dt.: Flugel. Roman der Nomen-Trilogie )
1994: Only You Can Save Mankind (dt.: Nur du kannst die Menschheit retten )
1995: Johnny and the Dead (dt.: Nur du kannst sie verstehen )
1997: Johnny and the Bomb (dt.: Nur du hast den Schlussel )
2004: The Science of Discworld (dt.: Die Gelehrten der Scheibenwelt ), tosamen mit Ian Stewart un Jack Cohen
2004: The Science of Discworld II: The Globe (dt.: Die Philosophen der Rundwelt. Mehr von den Gelehrten der Scheibenwelt ), tosamen mit Ian Stewart un Jack Cohen
2006: The Science of Discworld III: Darwin’s Watch (dt.: Darwin und die Gotter der Scheibenwelt ), tosamen mit Ian Stewart un Jack Cohen
2007: Once More* With Footnotes (dt.: Der ganze Wahnsinn. Storys )
2009: Nation (dt.: Eine Insel )
2013: The Long Earth (dt.: Die Lange Erde )
2013: Dodger (dt.: Dunkle Halunken )
2013: The Long War