En Soundmodul oder Expander , is en elektroonschen Klangmaker ahn Snittsteed um dorop to spelen, as to’n Bispeel en Klaviatur . Um dorop spelen to kunnen, mutt dormit en Reedschop anstuert warrn, de for MIDI utleggt. Dat kann en Controller wesen as en Masterkeyboard oder en Sequenzer .

Vele Synthesizers , Hardwaresamplers , E-Drums oder Instrument-Emulaters gifft dat ok as Soundmodulen. Dat is vor allen en Vordeel for Studiomusikers, vunwegen dat se al en MIDI-Keyboard hebbt un mit dat Soundmodul Geld un Platz sporen kunnt.

De Mehrtall vun Soundmodulen hebbt en Norm-Breed un Schruuvgewinnen, dat een jem in en Rack inboen un dormit stapeln kann. Dat is en sunneren Stander for musikaalsche Reedschoppen. Man dat gifft ok enkelte Soundmodulen, de sik an en normalen PC ansluten laat, as to’n Bispeel de Synthesizer Waldorf Microwave PC , de in en Schacht for Disketten oder CD-Loopwarken insett warnn kann. Enige Modellen sund ok for den Live-Insatz vorsehn un wiets dorfor Reglers un Stuerelementen for sunnere Funkschonen op. En Bispeel is de Hammond-Orgel -Emulater VK-8M vun Roland .

Soundmodulen weern in de eersten Halft vun de 1990er Johren an’n wietsten verbreedt. Dorna hett sik de Produkschoon jummer mehr op den Reekner sulvst verlagert ( Native Processing ). Hardware-Soundmodulen warrt huut faken ok Software-Faten op’n Markt brocht, vunwegen dat de Reeken-Leistung jummer grotter warrt. Se hebbt vundaag meist de glieke Klangtugen as de Reedschopen sulvst.

Deelwies gifft dat op’n Markt ok so noomte Hybrid-Systemen, de man just so for en Reekner as ok alleen for sik ? to’n Bispeel op de Buhne ? bruken kann. En Bispeel for en Hybrid-System is de Roland Fantom-Reeg, de over’n USB -Ansluss mit den Reekner verbunnen warrn kann un dormit ok Total-Recall mooglich maakt.

Literatur [ annern | Bornkood annern ]

• Helmut Hofmuller: Handbuch Homerecording. 1. Oplaag, Elektor-Verlag, Aaken, 1998, ISBN 3-89576-044-7
• Michael Dickreiter: Handbuch der Tonstudiotechnik . 6. Oplaag, K.G. Saur Verlag KG, Munchen, 1997, ISBN 3-598-11320-x

Weblenken [ annern | Bornkood annern ]

Soundmodulen . Mehr Biller, Videos oder Audiodateien to’t Thema gifft dat bi Wikimedia Commons .