Een Schoolmeester is een Lehrer an de Grundschool , an de Hauptschool , de Gesamtschool un de Realschool . Un wenn dat een Fruunsminsch is, denn is dat een Schoolmeestersch.

De Schoolmeesters an de hooge School heeten Persepter , un an de Hoogschoolens Perfesser .

Wo dat losgung [ annern | Bornkood annern ]

Al in dat ole Agypten harrn se Bruuk for Lu, de lesen un schriewen kunnen. Un so keem dat to de eersten Schoolen un de eersten Schoolmeesters. Ook in Mesopotamien weer dat so. Bi de Romers weer dat tomeist Saak vun plietsche Slaven , de Kinners dat rechte Latiensch un dat Lesen un Schriewen un Reken bitopuhln. In dat Medeloller weern dat de Monken vun de Klosters. Later geev dat denn ook Schoolen in de grotteren Steden. So um dat 17. un 18. Johrhunnert keem dat denn, dat dat ook op de Dorpen Schoolen geev. Un dormit Schoolmeesters. Faaken weern dat obers Lu, die meist bloots een beeten sulven Lesen un Schriewen un Reken kunnen un nich blots op de Kinners passen mooten, man ook op de Swien un de Schaapen un dat Rindveeh vun dat Dorp. Un de ole Fritz harr faaken sien ole Suldoten to Schoolmeesters mookt.

In dat 19. Johrhunnert keem dat denn, dat de Schoolmeesters ook duchdig wat leern mooten, for dat se op de Kinners loslaaten weern. Dat weer denn op een Schoolmeester-Seminor. In dat 20. Johrhunnert mooten de Schoolmeesters ersmol op de padagogsche Hoogschool gahn. Un in Hamborg studeern de angahn Schoolmeesters denn op de Universitat.