Nabo vun de
Santa Maria
Nabo vun 1893 ut de USA
De
Santa Maria
weer dat
Flaggschipp
op
Christoph Kolumbus
sien eerste Expeditschoon vun
1492
bet
1493
, op de he en Weg na
Indien
overn Westen soch. Mit vun de Partie weren de duudlich lutteren Scheep
Nina
un
Pinta
. En Seeweg na Indien hett Kolumbus nich opdeckt, vun wegen dat de Kontinent
Amerika
in’e Moot keem un den he dormit for
Europa
opdeckt harr (Nadem al annere for em dat harrn, wat aver keen so grote Utwarken harr).
An’n Wiehnachtsdag 1492 is de Santa Maria op en
Plaat
vor dat hudige
Haiti
oplopen un kunn nich mehr reddt warrn. Dat Holt hebbt de Seefohrers denn bruukt, mit
La Navidad
de eerste spaansche Siedlung op amerikaanschen Bodden to boen, in de Kolumbus 30 bet 35 vun siene Landsluud truchlaten hett.
De Bowies is nich so nau bekannt. To vermoden is, dat dat Schipp ene um un bi 25 Meter lange un over acht Meter brede
Karacke
weer. Kolumbus schreev in siene Opteken, dat dat Schipp, ok wenn dat negen
Knoten
maken dei, temlich traach weer un for so’ne Expeditschoon egentlich nich good to bruken weer.