Roy Schuiten (* 16. Dezember 1950 in Zandvoort ; † 19. September 2006 in Praia do Carvoeiro , Portugal ) weer en nedderlannsch Radrennfohrer.
Sien grottste Erfolge hett Schuiten up de Bahn haalt: 1974 un 1975 wurr he Weltmeester in de Eenerverfolgung . 1975 hett he in Mexiko-Stadt tweemal Anloop nommen, den dormals van Eddy Merckx hollen Stunnenweltrekord to verbetern, is aber scheitert. [1]
Ok in Straatenrennen gung Schuiten an den Start; so nehm he tweemal an de Tour de France deel, muss aber beid Mal upgeeven, un veermal an‘ Giro d’Italia . 1974 wunn he dat britisch Milk Race un 1975 in Frankfort dat traditschonsriek Rennen Rund um den Henninger-Toorn , 1974 un 1975 den Grand Prix des Nations . Nah dat Enn‘ vun sien aktiv Loopbahn weer he 1985 Sportlich Leiter van dat nedderlannsch Radsportteam PDM-Concorde . Later is he nah Portugal utwannert, wo he in de Horeca -Branche tatig wurr. Roy Schuiten is in sien Wahlheimat an en Magenblooden storven.