Roh Moo-hyun

Roh Moo-hyun ( Hangeul : 盧武鉉; * 6. August 1946 in Gimhae ; † 23. Mai 2009 ok dor ^[1]^[2]) weer en suudkoreaanschen Politiker . He weer vun’n 25. Februar 2003 bit to’n 25.Februar 2008 Prasident vun Suudkorea . In de Tiet, vordem he in de Politik gahn is, weer he en bekannten Afkaat for Minschenrechten . He weer bekannt dorfor, dat he sik for de Demokratiseeren , for de Minschenrechten un for de armen Luud in’t Land insetten de. He wull sik butendem dorfor insetten, dat sik dat Land mit Noordkorea wedder beter verstahn de.

Utbilln un Leven [ annern | Bornkood annern ]

Roh weer 1946 in Gimhae , in’n Suudoosten vun Suudkorea, boren. 1960 weer he de Anfohrer vun Protesten an sien School gegen de Plicht Opsatz to schrieven, in de de dormolige Prasident loovt warrn muss.

As he mit Spood de Highschool achter sik laten un sien Wehrdeenst bi de Armee afleist harr hett he in verschedene Jobs arbeit un sik in’t Sulvststudium op de juristischen Staatsexamen vorbereit, de he 1975 afslaten hett. He is 1977 Bezirksrichter in Daejeon worrn un weer af 1978 Afkaat for Stuerrecht . 1981 hett he Studenten verdeffendeert, de vun de Militarregeeren ahn Haftbefehl fastnahmen un foltert worrn sund, vun wegen dat se verboden Literatur in jemehrn Besitt harrn. Roh schall 2003 dorover seggt hebben: ?As ik jemehr verstorten Ogen un de sehn heff, un dat jem de Footnagels fehlen deen, weer mien leeftallig Leven as Afkaat to Enn.“

He hett sik gegen dat dormolige autokratische Regime in Suudkorea insett. In’n September 1987 weer he as Anfohrer vun de prodremokratischen Organisatschoon Juni-Kamp for dree Weken in’t Gefangnis.

Roh Moo-hyun weer mit Kwon Yang-sook ( Hangeul 권양숙) verheiraadt un harr mit ehr twee Kinner: Sien Sohn Geon-ho (健豪) weer 1973, sien Dochter Jeong-yeon (Hangeul 정연) is 1975 boren.

Politische Loopbahn [ annern | Bornkood annern ]

Roh is 1988 in de Politik gahn un hett swore Anschulligungen gegen de Regeeren vorbrocht, sunners Korrupschoon un dat Gwangju-Massaker in’t Johr 1980. Dat glieke Johr weer he for de Verennigte Demokraatsche Partei (統一민주당) in’t Kukhoe , also dat suudkoreaansche Parlament, wahlt. Soss Johren weer he dor binnen. In’t Johr 2000 harr he as Kandidat for’t Kukhoe keen Spood, weer aver bit 2001 Minister for Fischeree. An’n 19. Dezember 2002 hett he as Kandidat vun de regeeren Milleniumspratei ] de Prasidentschopswahl wunnen un is an’n 25. Februar 2003 Nafolger vun sien politischen Tehvadder Kim Dae-jung worrn.

Gegen em is an’n 12. Marz 2004 en Verfohren inleidt worrn, um em dat Amt wegtonehmen, vun wegen dat he in sien Amt de Neutralitatsplicht nich acht harr. Dat Verfohren is aver an’n 14. Mai vun suudkoreaansche Verfatengericht ophoven worrn. In de Grunnen vun’t Oordeel hett dat heten, dat de in’t Parlament vorbrochten Grunnen nich recken deen, um em ut sien Amt to nehmen. As Overgangsprasident hett de dormolige Premierminister Goh Kun amteert.

Roh weer na Kim Dae-jung de tweete suudkoreaansche Staatsprasident, de ? in’n Oktober 2007 ? to en Drapen mit den noordkoreaanschen Staatsbaas Kim Jong-il na Pjongjang reist is. Dor hebbt de beiden Politiker en ?Fredensverkloren“ unnerschreven.

An’n 23. Mai 2009 hett sik Roh wohrschienlich dor’n Sprung vun en Barg in de Neeg vun sien Huus sulvst dat Leven nahmen. For sien Familie schall he en Breef toruch laten hebben. Gegen Roh loop en Ermiddeln, vun wegen dat he wiel sien Prasidentschop 6 Millionen US$ Smeergeld annahmen hebben schall ^[3], ^[4].

Borns [ annern | Bornkood annern ]

Weblenken [ annern | Bornkood annern ]

Literatur vun un over Roh Moo-hyun in de Duutschen Natschonalbokeree

Roh Moo-hyun . Mehr Biller, Videos oder Audiodateien to’t Thema gifft dat bi Wikimedia Commons .

[1] ttp://english.yonhapnews.co.kr/national/2009/05/23/95/0302000000AEN20090523001500315F.HTML

[2] ttp://nachrichten.t-online.de/c/18/81/11/62/18811162.html

[3] Ex-Prasident Roh Moo Hyun sturzt sich in den Tod Badische Zeitung vun’n 23. Mai 2009

[4] ttp://edition.cnn.com/2009/WORLD/asiapcf/05/22/roh.dead/index.html

[1]

[2]

[3]

[4]