Dit Woort hett noch annere Beduden: kiek dorfor unner Reykjavik (Manitoba) .
Reykjavikurborg
Reykjavik is ene Hooftstadt in Europa un liggt in’n Westen vun de Insel Iesland . De Stadt liggt bannig wiet in’n Noorden vun Europa bi 64° 08′ N, 021° 56′ W , un dormit is se de noordlichste Hooftstadt vun de Welt. Reykjavik is 274,5 km² groot und harr in 2007 117.800 Inwahners (58.800 Mannsluud un 59.000 Fruunsluud ). Dormit is Reykjavik de grottse Stadt vun Iesland. Reykjavik liggt bannig dicht bi den Polaarkries (Arctic Circle). Dorum is dat in’n Winter fast 20 Stunnen duuster un in’n Sommer gifft dat binoh kene Nacht wiel dat jummers Licht gifft.