Dat lett so, as wenn disse Artikel nich so akraat is as de ween schull. Kiek ok op de Diskussionssiet vun den Artikel.
De
reformeerte Kark
is en tosammenfatend Utdruck for de protestansch Karken, de up dat Warken un Lehren van
Johannes Calvin
un
Ulrich Zwingli
in de
Swiez
torugg gahn. Daarum worden reformeerte Karken ok faken
Calvinistisch Karken
nomt.
De Calvinismus is en van de beid grote Utrichtens, de bi'd
Reformatschoon
rutkomen sund. De anner bund de
Lutheraners
. Dat gift en paar luttje Unnerscheden in de Gloov. So hebben de Refoormeerten de Upfaten, dat dat hilig Abendmahl blot en symboolsche Hanneln is. Un dat gift de so nomt
Pradestinatschoonslehr
. De seggt ut, dat all Minschen vor dat Leven al vun Gott ten Hil oder Daud bestimmt sund. Man dat is in de enkelde Karken maal mehr, maal minner en Saak van Belang.
In Dutschland gift dat de
"Evangeelsch-reformeerte Kark ? Synode van de reformeerte Karken in Bayern un Noordwest-Duutschland"
un welke
Freekarken
, ten Bispeel de Altreformierte Kirche un de
Bund evangelisch-reformierter Kirchen in der Bundesrepublik Deutschland
. Mennig Lanneskarken in Duutschland hebben ok reformeerte
un
luthersche Gemeenten. De worden meest
Unierte Karken
nomt.
Wenn ok tusken Luthersche un Reformeerte luttje Unnerscheden bestahn, so hebben beid Karken en Karkengemeenskupp siet de Leuenberger Konkordie (
Gemeenskupp van evangeelsche Karken in Europa
). Wenn en Lutherscher Christ in en Oort wahnt, waar dat blot en refoormeerte Gemeente gift, denn hort he daarto. Un annersrum is dat nett so. So waard dat to'n Bispool in
Oostfreesland
faken maakt, umdat daar in luttje Dorpen meest blot en Kark, en luthersche
of
refomeerte, steiht.
In de
Nedderlannen
sund de meesten protestansch Christen reformeert. Vordem suk dree protestansch Karken tosammensluten hebben, wassen de beid Grottsten reformeerte Karken.