Paul Janes (* 11. Marz 1912 in Kuppersteg (huudtodag Leverkusen ); † 12. Juni 1987 in Dusseldorp ) weer en duutsch Footballspeler .

Janes weer utbildt Muerkergesell. He speel for Fortuna Dusseldorp un wurr mit disse Vereen 1931 Westduutsch- un 1933 Duutsch Meester , 1936 Viez-Meester un 1937 stunn he mit de Vereen in’t Pokalendspeel.

Tuschen 1932 und 1942 hett he 71 Mal for de duutsch Football-Natschonalmannschap speelt un dorbi 7 Doren schaten. Dormit is he Rekordnatschonalspeler vun dat Duutsch Riek. Vun 7. Dezember 1941 bit 9. September 1970 un dormit meest 29 Johr - so lang as vor un nah hum numms anners - weer he Rekordnatschonalspeler vun den DFB un wurr denn vun Uwe Seeler aflost.

Janes horr to de Mannschap, de 1937 in Breslau Daanmark mit 8:0 slahn hett un as Breslau-Elf in de duutsch Football-Historie ingahn is. Sien grottste sportlich Erfolg weer de darte Platz bi de Football-Weltmeesterschap 1934 in Italien.

De Tweete Weltkrieg hett sien Karriere unnerbraken. He keem to de Rieksmarine un wurr Bademeester in Willemshaven , ofschoons he nich swemmen kunn. Aber he kunn bi de Marine wiederhen Football spelen.

Nah de Krieg hett he eerst noch wat bi Fortuna Dusseldorp speelt is dornah denn aber Trainer wurrn, aber dormit harr he nich so vol Spood. In Leverkusen hett he nahst denn noch en Sportlerklause upmakt. In Apenlichkeet is he aber nich mehr so vol uptreden. Storven is he an en Hartinfarkt.

Nah hum hett man in Dusseldorp en Footballstadion nommt.