Paschalis II. , oorsprunglich Raniero di Bieda (* in Bleda di Santa Sofia , Forli ; † 21. Januar 1118 in Rom ), weer tuschen 1099 un 1118 Paapst vun de kathoolsch Kark .

Leven [ annern | Bornkood annern ]

Raniero wurr in Bleda (oder Galeate) in de Gegend vun Forli boren. Sien eerst beduuden Funktschoon hett he as Abt vun San Lorenzo fuori le mura utoovt. Vun Gregor VII. 1078 to’n Kardinalpreester vun San Clemente nommt, hett he van 1089 bit 1090 dat Amt vun en Legaten in Frankriek un Spanien ween.

An‘ 14. August 1099 wurr he Paapst. He weer de eerste bi sien Inthronisatschoon kroont Paapst. ^[1] In den Investiturstriet folg he de Politik vun sien Vorganger Gregor VII. 1102 hett he den Bann gegen Kaiser Heinrich IV. nee utspraaken. 1104 gelung hum dat, den tweeten Sohn vun Heinrich IV., den lateren Heinrich V. , to en Upstand gegen den Vader to bewegen. De Inladen vun den Rieksdag to Mainz vun‘ Januar 1106, over de Investitur to verhanneln, hett he utslahn. An Stae vun dat wurr up de Synode vun Guastalla de Investitur dor den Kaiser weer verboden. In dat sulvig Johr gelung dat Paschalis II. aber, den Investiturstriet in England tuschen Anselm von Canterbury un de engelschen Konig Heinrich I. to schlichten.

An‘ 9. Februar 1111 wurr in en Verdrag tuschen den Paapst un Heinrich V. in Sutri fastleggt, dat de duutsche Konig vun dat Investiturrecht affsehn un in‘ Gegentoog Paschalis II. Heinrich V. to’n Kaiser kroont un de Regalien toruch gifft. Dree Daag later is de Verdrag scheitert, wiel de weltlichen un de geistlichen Fursten nich tostimmen deen. Doruphen nehm Heinrich V. den Paapst un mehrere Kardinale fangen. Twee Maand later stimm Paschalis unner Dwang den Vertrag vun Ponte Mammolo to, in de den Kaiser dat Investiturrecht tospraaken un Heinrich de Kaiserkronung toseggt wurr.

En Laterankonzil in dat dorupfolgen Johr 1112 hett den Verdrag aber for nichtig verklort, wiel he unner Dwang slooten wurrn weer. In‘ Oktober 1112 wurr de Kaiser exkommunizeert . 1117 truck Heinrich V. weer gegen Rom. Mathilde von Tuszien harr for hor Dood hor wietlopig Besitzungen in de Toskana de Kark vermaakt. As se 1115 storven weer, hett de Kaiser disse Rebeeden aber as to dat Riek horrnd beansprookt. Paschalis muss ut Rom fluchten un kunn eerst nah de Afreis vun den Kaisers Anfang 1118 toruchkehren, is aber wenig Daag later storven.

Literatur [ annern | Bornkood annern ]

• Georg Gresser : Die Synoden und Konzilien in der Zeit des Reformpapsttums in Deutschland und Italien von Leo IX. bis Calixt II. 1049?1123. Patterbuorn 2006.

Weblenken [ annern | Bornkood annern ]

Paschalis II. . Mehr Biller, Videos oder Audiodateien to’t Thema gifft dat bi Wikimedia Commons .

• Pope Paschal II in Catholic Encyclopedia (1913) (engelsch)

Enkeld Nahwiesen [ annern | Bornkood annern ]

1. ↑ Le Goff, Jacques (Hrsg.): Fischer Weltgeschichte Band 11: Das Hochmittelalter , Frankfort an‘n Main, 205, S. 94