Motten sund lutte Fleerlings ( Bottervagels ) mit smale Flogels, de se sowat bi 1 cm utspannen doot. Se hoort to de Insekten mit to. De Rupen vun de geelwitten Kleder- oder Pelzmotten befallt just so as de vun de Tapetenmotten , de nich so faken vorkaamt, Wullsaken, Kledaasch, Pelzwark, Teppiche un Pulstermobel. In Boom un Struker leevt de Gespinstmotten un de Miniermotten . De ehre Rupen fraat Gange in dat grone Blattgeweve vun Eken , Larchen un Aavtboom. To disse hoort ok de Koornmotten un de Lichtmotten .

Mottenmiddel sund chemische Middel, de de Eiwitt-Faserstoffen (besunners Wull , Sied un Pelz ) for de Rupen vun de Motten ungeneetbar maakt oder de in de Kisten, wo de Saken in upbewahrt weert, enen Gestank maakt, in den de Rupen nich leven koont. Socke Middel sund to'n Bispeel Paradichlorbenzol , Kampfer un Naphthalin . Linnen un Boomwullfasern weert vun Mottenrupen nich befullen.