한국   대만   중국   일본 
Marwan I. ? Wikipedia Zum Inhalt springen

Marwan I.

Vun Wikipedia

Marwan I. , (????? ?? ?????, utspraken marw?n ibn al-?akam , (* 623 ; † 7. Mai 685 ) weer de veerte Kalif vun de Umayyaden ( 684 -685).

Marwan ibn al-Hakam weer toeerst Sekretar unner Kalif Uthman ibn Affan . He hett an en Kriegstog gegen Ifriqiya ( 648 ) deelnahmen. As Uthman an'e Siet brocht wurrn weer, hett he sik toeerst an Aischa siene Sieten gegen Ali ibn Abi Talib stellt. Unner Muawiya I. is he denn to'n Stattholler vun den Hedschas in Medina upstegen. Na den Dood vun Kalif Yazid I. 683 hett he vunwegen upsternatsche Lude in den Hedschas na Syrien utbuxen musst. Nadem ok Muawiya II. storven weer, konn he de jungen Sohns vun Yazid I. an'e Sieten schuven un sik mank de Ummayyaden as Throonfolger insetten. So is de Sietenlinie vun de Marwaniden mank de Umayyaden an'e Herrschop kamen.

As he so wiet weer, hett he gegen den Gegenkalifen Abdallah ibn az-Zubair (684-691) Krieg fohrt. In de Slacht bi Mardsch Rahit (Juli 684) hefft de Anhangers vun Abdallah bi Damaskus swaar up'n Dotz kregen. So bleev Marwan de Baas in Syrien un hett dor ok noch Agypten tokregen. Man de Umayyaden hefft Medina nich in'e Hannen kregen. Marwan I. is al an'n 7. Mai 685 an de Pest storven. He moss dat sien Sohn un Nafolger Abd al-Malik (685-705) overlaten, den Krieg to Enne to bringen.

Literatur [ annern | Bornkood annern ]

  • Heinz Halm (Rutg.) (grunnt vun Ulrich Haarmann): Geschichte der arabischen Welt. Munchen 2004. ISBN 3-406-47486-1
  • Gernot Rotter: Die Umayyaden und der zweite Burgerkrieg. Wiesbaden 1982.