Lisa Peters
, boren Prigge (*
17. Dezember
1933
in
Pippens
; †
9. Mai
2010
in
Buxthu
) weer en duutsche Politikerin von de
FDP
.
Peters is 1933 in Pippens boren un harr en Meester for Huusweertschop. Se hett in de Bueree arbeidt op’n Hoff von de Familie. Mehr as 25 Johr lang weer se Vorsittersche von de Meisterinnenarbeitsgemeinschaft in’n
Landkreis Horborg
, twolf Johr lang in’n Kreisvorstand von de
Landfroon
un lange Johren im Landfroonutschuss bi de Landweertschopskamer. Bet 1991 weer se Richterin in’t Ehrenamt an dat
Oberverwaltungsgericht Lumborg
.
In’n August 1972 is Peters in de FDP ringahn. Se weer Oortsvorsitter von’n Oortsverband Buxthu. 1972 is se Raadsfro in’n Stadtraad von Buxthu worrn un hett dor bet to ehren Dood tohoort. Se weer dor denn ok Vorsitter von de FDP-Frakschoon. Von 1978 bet 1991 weer se eerste Viez-Borgermeesterin von de Stadt Buxthu un von 1981 af an bet to ehren Dood 2010 in’n Kreisdag von
Landkreis Stood
. Ok dor weer se Viez-Vorsitter von de Frakschoon. Von 1990 bet 1998 weer se in’n
Duutschen Bundsdag
un weer Viez-Sprekerin for Verkehrspolitik in de FDP-Frakschoon.
