Linda Brown Buck

Linda Diane Brown Buck (* 29. Januar 1947 in Seattle , Washington ) ist en US-amerikaansch Neurophysiologin . For dat Utforschen vun dat Rooksystem wurr se 2004 gemeensam mit Richard Axel mit den Nobelpries for Physiologie oder Medizin uttekent.

Siet 2003 is Buck Perfessersche for Physiologie an de University of Washington in Seattle. Se is Liddmaat vun de Basic Sciences Division an dat Fred Hutchinson Cancer Research Center as ok Perfessersche for Physiologie und Biophysik an dat Howard Hughes Medical Institute . Tovor harr se all en Professur an de Harvard Medical School inne.

1991 hett se gemeensam mit Richard Axel opdeckt, up welker Wies Minschen un Deerten in de Laag sund, Duusende vun verscheeden Smacks- un Rookstoffe wohrtonehmen un utnanner to hollen. Dorb´neben hett se de Grundlaag for de molekulargenetische Utforschen vun den Rooksinn schafft. Up disse Wies kunnen Inblicke schafft wurrn, wu de Sinneswohrnehmen vun Gerook un deren Umwanneln in Nervenimpulse un sluutend Gefohlsantworten in dat Gehirn vor suck geiht.

All as Postdoktorandin bi Richard Axel hett se de Gene opdeckt, de de Vorlagen for de Rezeptoren vun den Rooksinn enthollen.

Wark [ annern | Bornkood annern ]

De Forschung vun Linda Buck befaat suck mit de Fraag, wu Reize an da Gehirn overdragen wurrn. Dorbi konzentreert se suck, gemeensam mit Richard Axel, up den Beriek vun de olfaktorschen Reize, also up de Verarbeitung vun Gerooksreizen. Se unnersocht dat Enstahn un de Etwicklung vun de Gerook rezeptoren as ok de Verarbeitung vun Gerooksreizen in’t Gehirn un deren Umwanneln in Reaktschonen, Gedanken un Verhollen.

De Arbeitsgrupp kunn en Genfamilie von etwa 1000 Genen identifizeeren, de mit de Gerookswohrnehmen to doon hemm, indem se for verscheeden Gerooksrezeptoren codieren . All disse Rezeptoren liggen dorbi in de Ruukschliemhuut un sund over Nerven direkt mit den Bulbus olfactorius , also de Gehirnregion , de for dat Wohrnehmen vun Rook tostannig is, verbunnen. Disse Region leit de Indrucke to’n eenen in de Groothirnrinde wieder, wo se for Denkprozesse to Verfugung stahn, to’n annern an dat Limbisch System , dat vor allen unbewusst Gefohle un Stimmungen beinflooten deiht.

Dor unafhangige Studien kunnen Axel un Buck nahwiesen, dat jedes Neuron blots en Rezeptortyp anstuert un dat in de Ruukschliemhuut de gliek upbaut Rezeptoren nah en tofallig Muster verdeelt sund, in’ Bulbus olfactorius aber all in de glieker Region wohrnommen wurrn. Up disse Wies entsteiht in dat Hirn en tosommensett Rookampfinnen ut verscheeden Berieken vun de Schliemhuuten.

Neben disse Arbeiten befaat suck hor Arbeit mit dat Utforschen vun dat Ollerwurrn un de genetisch Beinflooten vun de Levensspann an dat Bispeel vun den Fadenworm Caenorhabditis elegans .

2008 un 2010 truck Buck dree Upsatze torucjh, nahdem se un hor Mitarbeiter de Ergevnisse vun en vormalig Arbeitsgruppenliddmaat nich reproduzeeren kunnen. De Nobelpriesverleehn hett aber up anner Arbeiten foot. ^[1]