August Philipp Leopold von Vangerow (* 15. April 1831 in Herwede ; † 22. Juni 1881 in Bremerhoben ) weer en duutschen Verleger un Bremerhobener Kommunalpolitiker.

Vangerow stamm ut en ole pommersche Adelsfamilie un weer de Sohn von’n koniglich pruußschen Hauptmann August von Vangerow (1797?1862) un de Koopmannsdochter Justine Sophie Schroder (1800?1857) ut Herwede. He hett en Lehr as Bookhandler maakt. 1852 keem he von Herwede na Bremerhoben um en Filiaal von de Bookhandlung Heyse ut Bremen optoboon. He hett mit’n Bookdrucker Otto Remmler tohooparbeidt. De beiden hebbt dat Wochenblatt an der Unterweser grunnt un 1855 de Heyse-Bookhandlung overnahmen. Siet 1856 hett he dat Correspodenzblatt fur Bremerhaven rutgeven. 1857 (na annere Borns 1855) weren he un Remmler Rutgevers von de Provinzial-Zeitung in Leh . 1864 keem dat Bladd as prohannoversch, later natschonalliberal Daagbladd in Geestmunn rut. Sien Verlag hett tosatzlich Boker un Broschuren rutbrocht.

1862 is Vangerow Maat von’n Gemeenraad von Bremerhoben worrn. He weer von 1867 bet 1879 Vorsitter von’n Gemeenraad un hett sik gegenover den Senat in Bremen for en grote Egenstannigkeit von Bremerhoben insett. 1873 is op siene Initiative de Stadtbibliothek entstahn. De Utenannersetzungen bi dat Infohren von de Stadtverfaten weren dat Enn von sien polietsche Loopbahn. Sien Anliggen, dat Bremerhoben en sulvstannige Gemeen in dat Land Bremen warrt, is aver dor de Annahm von de Stadtverfaten von’n 1. Oktober 1879 un dat Bestellen von en hauptamtlichen Stadtdirekter 1880 wohr worrn.

Vangerow hett an’n 24. September 1857 in Herwede Anna Engelbrecht (28. Juli 1834?30. September 1904) freet, de Dochter von Heinrich Engelbrecht, Goodsbesitter un Wiengroothandler in Ahmsen bi Herwede, un Henriette Charlotte Sengstake. De beiden harrn twee Dochter un dree Sohns, von de August von Vangerow (1863?1935) den Verlag wiederfohrt hett.