Leah Jean Poulos
(*
5. Oktober
1951
in
Berwyn
, Illinois, USA) is en ehmalge US-amerikaansch Iesflinkloperin.
Leah Poulos weer besunners in’ Sprint spoodriek un wunn all 1970 bi de Sprint-Weltmeesterschapen en Sulvermedaille over de 500 Meter. Bi de Olympisch Winterspelen 1972 is se over 1500 un 3000 Meter antreden, ahn aber en Medaille to winnen. 1974 wurr se denn Sprintweltmeesterin.
Bi de Olympisch Winterspelen 1976 in
Innsbruck
keem se over 1500 Meter up den 6. Platz, over 500 Meter up den 4. Platz un wunn denn over 1000 Meter de Sulvermedaille. Bi de Sprint-Weltmeesterschapen in dat glieker Johr wunn se denn noch en Sulvermedaille achter
Sheila Young
. In dat Johr drup keem se bi de glieker Veranstaltung weer up den tweeten Platz, dit mal achter
Sylvia Burka
. In dat glieker Johr hett se den US-Iesflinkloper
Peter Mueller
heiraadt un is (vorovergahnd) vun den aktiven Sport toruchtreden. De Ehe is laterhenn schett wurrn.
Aber all weer 1979 ia Poulos-Mueller, as se nu heeten de, wedder antreden un wurr glieks Sprint-Weltmeesterin. 1980 wurr se noch mal Viezweltmeesterin un bi de denn folgend Olympisch Winterspelen in
Lake Placid
kunn se over 500 Meter un 1000 Meter nochmals en Sulvermedaille winnen.