John Herschel Glenn, Jr. (* 18. Juli 1921 in Cambridge , Ohio , USA ; † 8. Dezember 2016 in Columbus , Ohio, USA) ^[1] weer en ehmalger US-amerikaansch Marineinfanterist , Testpilot , Astronaut un US-Senator. He weer 1962 de eerste Amerikaner, de de Eer in en Ruumschipp umflagen hett.

Leven [ annern | Bornkood annern ]

Glenn is 1943 dat United States Marine Corps bitreden un deen in' Tweeten Weltkrieg un later in' Korea-Krieg as Kampfleeger un bleev as Testpilot bi den Marines. In' Juli 1957 hett he en nee Geschwindigkeitsrekord upstellt, as he mit en Vought F8U-1P in dree Stunn un 23 Minuten vun Los Angeles nah New York flagen is, de eerste Transkontinentalfloog in Overschallgeschwindigkeit. (Dorsnittsgeschwindigkeit Mach 1,1).

Af April 1959 hett he for de NASA as Astronaut in' Rahmen vun dat Mercury-Programm arbeit. For de suborbitalen Fluug vun Mercury-Redstone 3 un Mercury-Redstone 4 weer he Ersatzpilot un hett dorbi de Astronauten Alan Shepard un Gus Grissom , unnerstutt, de he hulpen hett, in dat lutt Mercury-Ruumschipp intostiegen un letzte Tests dorfuhren dee. An' 20. Februar 1962 is he as Pilot an de Tipp vun en Atlas-Rakeet vun de Cape Canaveral Air Force Station in Florida ut to de Mercury-Atlas 6 Mission ?Friendship 7“ start. He hett dormit as eerst Amerikaner de Eer dreemal umflaagen. De gesamte Mission duer veer Stunn, 55 Minuut un 23 Sekunn.

Nah den Floog wurr Glenn to en amerikaansch Idol upbaut. Prasident John F. Kennedy pleeg en apenlichkeitswirksame Fruendschap mit hum, hett aber stillkens anordnt, dat Glenn kien wiedere Ruumfluug maken druff, um dat Leven vun dat Idol nich up't Speel to setten. 1964 hett Glenn de NASA verlaaten un wurr Geschaftsfuhrer vun en Getrankefirma. ^[2]

1970 hett he bi de Wahl to'n Senator in den Senat vun de USA verloren, kunn aber 1974 de Wahl for suck entscheeden. 1980 wurr he mit groot Mehrheit wedderwahlt, ebenso 1986 un 1992. Glenn hett de Interessen vun sien Heimatbundsstaat Ohio bit 1999 vertreden. 1984 hett he suck ahn Spood as Prasidentschapskandidat vun de Demokraatsch Partei bewurben.

Van' 29. Oktober bit 7. November 1998 weer Glenn in' Rahmen vun de Space-Shuttle -Mission STS-95 mit de Ruumfahre Discovery nochmals in' Weltruum. Kommandant vun dat Unnernehmen weer Curtis Brown , Pilot weer Steven Lindsey . As Missionsspezialisten weern Scott Parazynski , Stephen Robinson un Pedro Duque ut Spanien an Bord. Chiaki Mukai ut Japan un John Glenn weern de Bruuklastspezialisten. Ditmal umkreis he de Eer 134-mal. Dorbi sull unnersocht wurrn, wu suck de Swoorlosigkeit up olt Minschen utwarken deiht. Mit 77 Johren hollt Glenn dormit den Rekord vun den oldsten Ruumfohrer in' Orbit as ok mit 36 Johren de grottste Tietspann tuschen twee Ruumfluug. Nah den Dood vun Scott Carpenter is he siet den 11. Oktober 2013 de eenzig noch leven Mercury-Astronaut.

An' 1. Marz 1999 wurr dat NASA John H. Glenn Research Center at Lewis Field nah hum nommt.

Tosommenfaaten vun sien Ruumfluug [ annern | Bornkood annern ]

Besunnerheiten un Rekorde [ annern | Bornkood annern ]

• Eerster Transkontinentalfloog mit Overschallgeschwindigkeit
• Eerster US-Amerikaner in en Eerdumloopbahn (Mercury-Atlas 6)
• Oldst Minsch in' All (STS-95)
• Oldst noch leven Ruumfohrer (bit to sien Dood)
• Langste Tietperiood tuschen twee Fluug

Ehrungen [ annern | Bornkood annern ]

Glenn wurr as veerten Astronauten de Congressional Space Medal of Honor verleeht un 1976 wurr he as eerst Ruumfohrer in de National Aviation Hall of Fame upnommen. 2012 wurr Glenn dor Prasident Barack Obama mit de Presidential Medal of Freedom uttekent, en vun de beid hoochst zivilen Utteknungen vun de USA. ^[3] 2013 wurr he to'n Liddmaat vun de American Academy of Arts and Sciences wahlt.

Privatleben [ annern | Bornkood annern ]

John Glenn hett an' 6. April 1943 in New Concord sien Leevste ut sien Joogdtiet, Anna Margaret Castor (* 17. Februar 1920), heiraadt. De beid hemm suck all siet hor Kindheit kennt. Se harrn twee Kinner: Sohn John David (* 13. Dezember 1945) un Dochter Carolyn Ann (* 19. Marz 1947).

John Glenn weer Freemuerer ( Concord Lodge # 688 New Concord , Ohio ). ^{[4] [5]}

Enkeld Nahwiesen [ annern | Bornkood annern ]

1. ↑ John Glenn, American hero, aviation icon and former U.S. senator, dies at 95 , The Columbus Dispatch, 8. Dezember 2016
2. ↑ Peter Maxwill: US-Weltraumpionier John Glenn - Das Idol, das aus der Kapsel kam , Spiegel online, 16. Februar 2012
3. ↑ The White House: President Obama Names Presidential Medal of Freedom Recipients (engelsch, 26. April 2012, afropen an' 30. Mai 2012)
4. ↑ Kupperberg, Paul (2003). John Glenn. New York: The Rosen Publishing Group. p. 96. ISBN 9780823944606 . Retrieved July 24, 2009.
5. ↑ Jon Glenn Freimaurer up de Websteed vun de Lodge St. Patrick No.468 , afropen an' 9. Dezember 2016.

Weblenken [ annern | Bornkood annern ]

John Herschel Glenn . Mehr Biller, Videos oder Audiodateien to’t Thema gifft dat bi Wikimedia Commons .

• JSC Oral History Project: Niederschrift eines NASA-Interviews von 1997 , 27 Seiten, 65 KB im Portable Document Format (PDF) (engelsch)
• NASA: Biografie (engelsch)
• spacefacts.de: Kortbiographie