John Akii-Bua (* 3. Dezember 1949 in Lira ; † 20. Juni 1997 in Kampala ) weer en ugandschen Lichtathlet.

Bi de Olympschen Spelen 1972 in Munchen hett Akii-Bua den 400-Meter-Hinnernloop bi de Mannsluud in de Weltrekord -Tiet vun 47,82 Sekunnen wunnen. He weer dormit de eerste Minsch ut Uganda, de bi Olympsche Spelen ene Goldmedallje wunnen hett.

Bi de Regeren vun Diktater Idi Amin weer he aver nich good ansehn un se versoken runnertospelen, wat Akii-Bua doon harr. He kreeg sogor Huusarrest. Bi de Olympschen Spelen 1976 in Montreal kunn he nich antreden, alle afrikaanschen Lanner hebbt de Spelen boykotteert. Later is he denn ok noch in Haft kamen. Na siene Flucht ut dat Gefangnis kunn he dat Land verlaten un keem na Duutschland. Hier hett he bet 1983 leevt.

As Akii-Bua 1997 doodbleven is, hett he in siene Heimat en Staatsgraffnis kregen.