Jennifer Jason Leigh

Jennifer Jason Leigh (* 5. Februar 1962 in Hollywood , USA ) is en US-amerikaansch Schauspelerin. Leigh hett in al in duchtig veel Filmen mitspeelt un kreeg dorfor jummer wedder bannig gode Kritik . Veele beropen Kritiker un Filmmagazinen snackt vun ehr as een vun de besten amerikaanschen Schauspelerinnen to Tiet. Se sulvst socht sik gern eernste Rullen, mit de se sik denn lang utenennsett, um sik dorop vortobereeden.

Biografie [ annern | Bornkood annern ]

Boren weer se unner den Naam Jennifer Lee Morrow in Hollywood, Kalifornien , as Dochter vun den Schauspeler Vic Morrow ( Blackboard Jungle ) un de Dreihbookschriverin Barbara Turner ( Pollock ). Se hett en Dag ehrn Naam annert, wobi se den Naam ?Jason“ to Ehren vun en Frund vun de Familie Jason Robards, Jr. annahmen harr, de dood bleven weer.

Mit veerteihn Johren hett se an Schauspeel- Workshops vun Lee Strasberg deelnahmen un is mit sossteihn Liddmaat bi de Screen Actors Guild worrn in en Folg vun de Fernsehshow Baretta . Dorna keem en Folg bi de Waltons un veele wietere Fernsehfilmen un -folgen, dorunner en utermaten starke Dorstellen as en anorex’sch Deern in The Best Little Girl in the World . For de Rull harr se sik unner medizinsch Opsicht op ganze 86 Pund runnerhungert.

Ehr Lienwand-Debut harr Leigh 1980 mit Eyes of a Stranger , un speel darno faken in Filmen. As se oller worrn is, hett se sik op Rullen vun breeklich, angrepen oder nervlich swache Luud konzentreert, wat se dor en runnerkamen, poppenhaftig Utsehn schapen de. So speel se en anfaat Deern, en unschullig Kellnerin, de op de scheefe Bahn kummt, oder en junge Fro, de unner Dwang in en Nachtclub arbeiten mutt un psychisch tohopenbrikt.

Ehr Dorbrook in de Loopbahn keem 1990, as se mit en Pries as best Nevendorstellerin uttekend woorn is for ehr Rullen as twee vullkamen unnerscheedlich Horen in Last Exit to Brooklyn un Miami Blues . Dorna harr Leigh keen Problemen mehr, Rullenanbotten to kriegen. Man ok an’t Thater hett Jennifer Jason Leigh al arbeidt. Unner anner’n harr se en Hooftrull in an’n Broadway in dat beropen Musical Cabaret .

Trivia [ annern | Bornkood annern ]

De Rull, de Leigh an’n wenigsten gefallen hett, weer as en gewohnlich Leefste in den Film Backdraft . To den Speelbaas Ron Howard schall se seggt hebben, de eenzig Rull, de se in den Film spelen wull, weer dat Fuer.
Se harr ok en Rull in den Stanley Kubrick Film Eyes wide shut deriht, man as Kubrick en poor Szenen nochmol nadreihen wull, harr Leigh keen Tiet un de ganze Rull is streken worrn.
Jennifer Jason Leigh hett aflehnt in eenige Filmen mittospelen, as in Sex, Lies, and Videotape , Pretty Woman oder A League of Their Own . Un ok de Rull as Sarah Conner in The Terminator harr se sik verknepen.
Leigh is bekannt dorvor, veel Rullenarbeit to maken, bevor se en Rull speelt, t. B. ok Daagboker as de Luud to schrieven, de se speken will. Se hett ok faken mit Psychiaters un Patienten, mit Horen oder Telefonsex-Arbeiters snackt, um sik in Rullen intoarbeiten.

Privatleven [ annern | Bornkood annern ]

Leigh hett an’n 3. September 2005 ehrn Frund, den Dreihbookschriever un Speelbaas Noah Baumbach heiraadt, mit den se al veer Johren tohopen weer. Se is siet 25 Johren goot befrunnt mit Phoebe Cates . Wietere Frunnen sund u.a. Jennifer Beals , Alan Cumming un John C. Reilly

Filmrullen (Utwahl) [ annern | Bornkood annern ]

Johr	Titel	Synchroonsnacker
1981	Eyes of a Stranger dt.: Die Augen eines Fremden
1982	Fast Times at Ridgemont High dt.: Ich glaub’ ich steh’ im Wald	Maud Ackermann
1983	Easy Money dt.: Monty, der Millionenerbe	Madeleine Stolze
1983	Death Ride To Osaka , Feernsehfilm dt.: Operation Osaka
1984	Grandview, U.S.A.
1985	Flesh & Blood dt: Fleisch & Blut	Marina Kohler
1986	The Hitcher dt.: Hitcher, der Highway Killer	Madeleine Stolze
1987	Sister, Sister dt.: Das Hotel im Todesmoor	Maud Ackermann
1988	Heart of Midnight dt.: Heart of Midnight ? Im Herzen der Nacht	Simone Brahmann
1990	Miami Blues	Dorette Hugo
1990	Last Exit to Brooklyn dt.: Letzte Ausfahrt Brooklyn	Katrin Frohlich
1991	Rush dt.: Fieberhaft ? Undercover in der Drogenholle	Katrin Frohlich
1991	Backdraft dt.: Backdraft ? Manner, die durchs Feuer gehen	Maud Ackermann
1992	Single White Female dt.: Weiblich, ledig, jung sucht...	Alexandra Ludwig
1993	Short Cuts	Alexandra Ludwig
1994	Mrs. Parker and the Vicious Circle dt.: Mrs. Parker und ihr lasterhafter Kreis	Alexandra Ludwig
1994	The Hudsucker Proxy dt.: Hudsucker ? Der große Sprung	Alexandra Ludwig
1995	Georgia	Alexandra Ludwig
1995	Dolores Claiborne dt.: Dolores	Alexandra Ludwig
1996	Kansas City	Gundula Liebisch
1997	A Thousand Acres dt.: Tausend Morgen	Maud Ackermann
1997	Washington Square dt.: Die Erbin vom Washington Square	Ulrike Sturzbecher
1999	eXistenZ	Alexandra Ludwig
2000	The King Is Alive
2000	Skipped Parts dt.: Mittendrin und voll dabei	Alexandra Ludwig
2001	The Anniversary Party dt.: Beziehungen und andere Katastrophen	Alexandra Ludwig
2002	Road to Perdition	Alexandra Ludwig
2003	In the Cut	Alexandra Ludwig
2004	Palindromes dt.: Palindrom	Alexandra Ludwig
2004	Childstar
2005	The Jacket	Alexandra Ludwig
2007	Margot at the Wedding dt.: Margot und die Hochzeit	Alexandra Ludwig
2008	Synecdoche, New York	Maud Ackermann
2009-12	Weeds , Feernsehreeg dt.: Weeds ? Kleine Deals unter Nachbarn	Alexandra Ludwig
2013	The Spectacular Now	Anne Moll
2013	Kill Your Darlings dt.: Kill Your Darlings ? Junge Wilde	Alexandra Ludwig
2013	The Moment
2013	Jake Squared
2014	Welcome to Me dt.: Willkommen bei Alice	Alexandra Ludwig
2015	The Hateful Eight dt.: The Hateful 8	Vera Teltz
2016	LBJ
2017	Amityville: The Awakening
2017	Twin Peaks , Feernsehreeg	Alexandra Ludwig
2018	Annihilation dt.: Ausloschung	Alexandra Ludwig

Utteken [ annern | Bornkood annern ]

Jennifer Jason Leigh is bannig faken for Filmpriesen nomineert wesen un hett ok dorteihn dorvun wunnen. Een Utwahl dorvun:

1991: den BSFC Award as Best Nevendorstellerni in Miami Blues (un ok for Last Exit to Brooklyn )
1993: den MTV Movie Award as Best Booswicht in Single White Female
1994: en Special Award vun bi de Golden Globe -Verlehen for dat Ensemble vun Short Cuts .
1995: den NYFCC Award as Beste Schauspelerin for Georgia
1995: den NSFC Award as Beste Schauspelerin for Mrs. Parker and the Vicious Circle
2000: den Best Actress Award vun’t Tokyo International Film Festival for The King Is Alive
2005: den Genie Award as Best Nevendorstellerin in Childstar

Websteed [ annern | Bornkood annern ]

Jennifer Jason Leigh in de Internet Movie Database (engelsch)