Jef Denyn
Jef Denyn
(*
19. Maart
1862
in
Mechelen
; †
2. Oktober
1941
in Mechelen) warrt ankeken as de Mann, de de Technologie utfunnen hett, de dat moderne Speel vun dat
Carillon
mooglich maakt. He hett dat Klockenspeel en Platz twuschen de annern echten Musikinstrumente geven.
He folg in dat Johr
1887
sien Vadder na as Stadt-Klockenspeler (
stadsbeiaardier
) in Mechelen.
1892
fung he an mit de Speeltieden an'n Maandagavend in jede Week, de dat hudigendags noch geven deit. Vunwegen datt he dat Klockenspeel technisch verbetern do, hett he wußt, de Klockenspeel-Musik wedder ehrn Platz mank de echte Musik to geven. Vun wiet her sund de Lude kamen, um em to to lustern. An'n
26. Juni
1952
hett de Gemeenderaat vun siene Vaderstadt den
Jef Denynplein
na em nommt.
Mechelen, aantrekkelijkeden
(up Platt:
Wat in Mechelen de Lude antrecken deit
), de Vorweser vun den
Dienst voor Toerisme
(Turisten-Deenst) mook de Konzerte bekannt, Hotels hefft Arrangements anbaden rund um dat Beiaardspeel un sunnerliche Klockenspeel-Toge sund anfohrt. In de Daagbloer sund de neen Konzerte jeden Dag kunnig maakt wurrn, just nadem en Konzert vorbi weer. Bit na de
USA
hen hefft de Lude vun Denyn hoort un sund wegen em na Mechelen kamen. Dat duur nich lang un Mechelen harr sien Roop weg as Klockenspeel-Stadt.
De Klockenspeel-School vun Mechelen
[
annern
|
Bornkood annern
]
Denyn hett sik ok Gedanken maakt um de Tokumst vun dat Klockenspeel. He hett sik dor for insett, en School for den Unnerricht in dat Klockenspeel up to maken. To sien 35-johrig Amtsjubilaum is
1922
de
Mechelse Beiaardschool
(Klockenspeel-School vun Mechelen) upmaakt wurrn.
- 1892
Jef Denyn,
Stadsbeiaardier
vun Mechelen siet
1887
, fangt an mit siene berohmten Summeravendkonzerte. Vun dor af an hefft veele Stader dusse Idee upnahmen un hudigendags to en fast Ritual maakt. Um desulvige Tied rum verbetert he en luttje Reeg vun Saken bi dat Anslag-System vun de
Klocken
. He hett sik bovenhen sunnerlich for dat so nommte
Tuimelaarsystem
(Trusel- oder Kippsystem) insett. As Raatgever for Klockenspeel hett he siene Ideen in en unbannige Reeg vun Stader anbrocht.
- 1897
fangt Jef Denyn an un organiseert mit Frunnen en Internatschonalen Klockenspeel-Wettstriet. Dusse Wettstriede gifft dat noch hudigendags un se sund ok in annere Stader overnahmen wurrn. Dat seeg so ut, as wenn dat, wat dor bi rutkamen do, stark afhangen do vun de Traktur vun dat Klockenspeel, wo up speelt wurrn is. De tweete Wettstriet hett
1910
in
Brussel
statt funnen. In de
Nedderlannen
gifft dat so'n Aart Wettstriede vun
1927
af an.
- 1915
maakt Jef Denyn en Rundreis dor de Nedderlannen un gifft dor Raatslage over en Reeg vun Klockenspeele bi. Unner annern sprickt he sik dor leifig for ut, dat so nommte
Broeksystem
(Boxensystem) gegen dat
Tuimelaarsystem
(Kippsystem) ut to tuuschen. In de Nedderlannen brickt de so nommte
Broek- oder Tuimelaarstriet
ut mit de Fraag, wat vun Aart vun Speel beter anstreevt weern schall: Dat Flaamsche leifige Speel mit siene veelen Tremolos, de blot man dor dat Tuimelaar-System mooglich weern, oder dat eenfache, sture hollannsche Speel mit dat Broeksystem. De Striet scholl bit in de 1950er Johre hen duern. Amenne hett dat Flaamsche Speel in matige Form de Boverhand kregen.
- 1919
is dat
Hemony
-Klockenspeel an de
Sint-Eusebiuskerk
in
Arnem
dat eerste Carillon in de Nedderlannen ween, dat na Jef Denyn siene Ideen inricht' wurrn is. Man dat Publikum hett sik dor, anners as dacht wurrn weer, nich sunnerlich um scheert.
- 1922
warrt nu de ?Koninklijke Beiaardschool 'Jef Denyn'“ inricht' mit Jef Denyn as eersten Baas. An un for sik scholl dat mit dusse School al
1914
losgahn, man denn is de
Eerste Weltkrieg
utbraken un so wurrn dor nix vun. In datsulvige Jahr 1922 is de eerste internatschonale Klockenspeel-Kongress afholen wurrn.
1925
weer de tweete in
’s-Hertogenbosch
an'e Reeg. Eerst
1972
is denn de drudde Kongress tostanne kamen.
