Jacques Hanegraaf

Jacobus Johannes Henricus ?Jacques“ Hanegraaf (* 14. Dezember 1960 in Rijsbergen ) is en ehmalger nedderlannsch Radrennfohrer un later Sportlich Baas.

Sportlich Loopbahn [ annern | Bornkood annern ]

1980 is Jacques Hanegraaf, en Enkel van den Radrennfohrer Marinus Valentijn , bi de Olympisch Spelen in Moskau antreeden; he keem dorbi sowohl in dat Straatenrennen as ok mit de Mannschap jewiels up den 15. Platz.

Loopbahn [ annern | Bornkood annern ]

1981 is Hanegraaf denn Profi wurrn. Glieks in sien eerst Profi-Johr wurr he nedderlannsch Straatenmeester, wat he 1985 noch mal wurrn is. 1982 wunn he dat Rennen Paris?Brussel as ok 1984 dat Amstel Gold Race un de Acht van Chaam . Dreemal hett Hanegraaf an de Tour de France deelnommen un 1984 droog he dorbi twee Daag lang dat Geel Trikot van den Gesamtfuhrenden.

Nah sien Loopbahn [ annern | Bornkood annern ]

1992 muss Hanegraaf sien aktive Radsport-Karriere nah en swooren Unfall bi dat Training, bi de he suck mehrere Ruggwirbel braaken harr, afsluuten. Nahdem he suck dorvan lang Tiet verhaalt harr, hett he de PR-Arbeit for dat ? Team Telekom “, for dat he toletzt ok fohren weer, overnommen, weer for de ASO , de Organisatorin van de Tour de France tatig, un hett Rennrood importeert. Af 2000 weer he sportlich Baas van ? Farm Frites “, af 2003 van ? Bianchi “, dat Team um Jan Ullrich , as ok 2009 van ? Cycle Collstrop “. Ansluutend weer he Manager for Rennfohrer, dorunner Thomas Dekker un Stef Clement .

2016 hett de ehmalge Rennfohrer Thomas Dekker gemeensam mit den Journalisten Thijs Zonneveld sien Autobiografie Mijn Gevecht herutbrocht, in de he Hanegraaf beschuldigen dee, hum to’n Doping upmuntert as ok mit den Madrider ?Dopingdokter“ Eufemiano Fuentes bekannt maakt to hemm. Todem harr Hanegraaf hum tegenover inruumt, sulvst mit Drogen experimenteert to hemm. Hanegraaf hett dat as ?totalen Quatsch und reine Verleumdung“ beteekent. Dekker stunn bi hum noch mit vol Geld in’n Kried un harr versocht, hum to erpressen, so Hanegraaf, de Dekker up en Betallen van 90.000 Euro verklaagen dee. ^[1] Dat Gericht hett de Klaag in’n Marz 2017 afwiest un hett in dat oordeel faststellt, dat Zonneveld de Angaaven van Dekker over Hanegraaf grundlich verifizeert harr un dat ?die journalistische Recherche, einschließlich der Verzweigungen, hinreichend sorgfaltig“ ween weer. ^[2]