Iestappens an en Dack
En
Iestappen
oder ok
Iesjokel
billt sik, wenn temlich koolt Water (to’n Bispeel Smoltwater vun
Ies
oder
Snee
) jummer an desulve Steed daldruppt un dorbi wedder afkohlt, dat dat wedder frust. Besunners an de Spitz aver ok de Sieden vun’n Tappen lagert sik so Ies an un de Tappen warrt jummer langer.
Besunners an de Ranner vun Dacker billt sik faken Iesjokels. De Sunn, de op dat Dack schient un de Warms vun binnen dat Huus, doot Snee, de sik op dat Dack sammelt hett, smolten un Water loppt dat Dack dal. An de Kant billt sik denn gau grote Iestappens. Wenn dat later wedder warmer warrt un de Iestappens smolt, denn koont se licht afbreken un beduudt en groot Gefohr, wenn grote Iestappens dalstorten doot.
