De
IUCN
, afkort‘ for
International Union for Conservation of Nature and Natural Resources
(oversett ?Internatschonale Union to’n Bewohren vun de Natur un de Natur ehre Ressourcen“), ok
Weltnaturschutzunion
, is en
internatschonale Nich-Regeerungsorganisatschoon
. Se hett sik vornahmen, de Minschen sensibel to maken for
Naturschutz
un
Aardenschutz
un will dor so Infloot up nehmen, datt de Ressourcen bloß
langtiedig
un vorsichtig bruukt weert.
Unner annern stellt de IUNC de
Rode List
vun Aarden up, de vun dat Utstarven bedroht sund. Mit Holp vun de
World Commission on Protected Areas
(?Weltkommischoon for schuulte Rebeden”) verklaart se ok
Schuulrebeden in Natur- un Landschopschuul
.
In dusse Klassen sorteert de IUCN de bedrohten Aarden vun 2011 af an:
EX
Extinct (nah dat Johr 1500
[1]
utstorven
)
EW
Extinct in the Wild (in de Natur utstorven)
RE
Regionally Extinct (in sunnerliche Regionen utstorven)
CR
Critically Endangered (akut vun'n Utstarven bedroht)
EN
Endangered (in Gefohr)
VU
Vulnerable (hett al wat afkregen)
NT
Near Threatened (Nich wiet af vun Gefohr)
LC
Least Concern (Gor keen Sorgen)
DD
Data Deficient (mehr Daten nodig)
NE
Not Evaluated (nich unnersocht)
De IUCN is an’n
5. Oktober
1948
up en inernatschonale Kunferenz in
Fontainebleau
in
Frankriek
grunnt wurrn. Dormols hett se
International Union for the Protection of Nature
(IUPN) heten.
1956
is de Naam annert wurrn in
International Union for Conservation of Nature and Natural Resources
(IUCN). Dusse Naam gellt hudigendags noch, man bruukt warrt vun de IUCN sulms bloß de kottere Form
International Union for Conservation of Nature
.
Sitten deit de IUCN hudigendags in
Gland
in de
Swiez
.
[2]
Bovenhen is se vertreden in 62 Lanner.
- ↑
Klassifizierungstandards der IUCN
- ↑
IUCN Schweiz
