ISO 639
is en internatschonalen Standard vun de
Internatschonale Organisatschoon for Normen
. Dor weert
Kennungen
for Naams vun Spraken in
Spraakkoods
mit fastleggt. Dusse Standard hett en Reeg vun Unnerdelen. Dree Delen for Kennungen mit twee Bookstaven (ISO 639-1) un dree Bookstaven (ISO 639-2 un ISO 639-3) sund al rut un weert wiethen bruukt. Anner Delen (ISO 639-4 bit -6) schollt dor up upboen un sund al in Arbeit (Stand: August 2007).
De Kennungen, de in de Norm fastleggt sund weert bruukt in de
Lexikographie
,
Linguistik
, in Bokereen, Informatschoonsdensten un bi den Datenverkehr. Se schollt dorfor sorgen, dat eendudig seggt weern kann, um wat vun Spraak dat geiht un dat se in
Dokumenten
ok ohn Twiefel betekent weern konnt. De Kennungen konnt nich as Afkorten verstahn weern
[1]
, vunwegen dat de Kennung nich in jeden Fall mit de Spraak, de betekent warrt, ahnlich is. De Koods konnt groot oder lutt schreven weern.
De Spraakkoods vun dusse Norm gellt for
natuurliche Spraken
un
Plaanspraken
, man nich for Spraken, de maschinell bruukt weern schollt, as
Programmeerspraken
.
- ↑
Frequently Asked Questions (FAQ) - Codes for the representation of names of languages (Library of Congress)
,
Kongressbibliothek
, ISO 639-2 Registration Authority,
[1]
