Daten vun de Reeg
Plattduutsche Titel:	?
Duutsche Titel:	How I Met Your Mother
Originaltitel:	How I Met Your Mother
Produkschoonsland:	USA
Produkschoonsjohr(en):	2005-2014
Produzent(en):	20th Century Fox Television , Bays Thomas Productions
Episodenlang:	~22 Minuuten
Episodentall:	208 in 9 Staffeln
Originalspraak:	Engelsch
Musik:	John Swihart
Titelleed:	The Solids ? Hey Beautiful
Idee:	Carter Bays , Craig Thomas
Genre:	Kummedie , Sitcom
Eerst Sennen:	19. September 2005 op CBS
Eerst Sennen (D):	13. September 2008 op ProSieben
Dorsteller
Dorstellers : kiek Afsnitt in’n Artikel

How I Met Your Mother (op platt so veel as: ?Woans ik joon Mudder drapen heff“) is en US-amerikaansche Sitcom - Reeg , de for den Senner CBS produzeert worrn is. De Reeg weer vun 2005 bit 2014 produzeert un umfaat 208 Folgen in negen Staffeln. In Duutschland is de Reeg op ProSieben toeerst sennt worrn. De Geschicht speelt Anfang vun de 2000er Johren un warrt ut de Sicht vun Ted Mosby vertellt, de sien Kinner in’t Johr 2030 vertellt, woans sien Leven as jungen Architekt op de Sook na en duersome Leev in New York City verlopen is un welke Begeevnissen dorto fohrt hebbt, dat he opletzt jemehr Mudder drapen hett. De Sitcom weer spoodriek all de Johren un is mehrfack mit Feernsehpriesen uttekent worrn.

Inholt [ annern | Bornkood annern ]

Vertellrahmen [ annern | Bornkood annern ]

De Rahmen vun How I Met Your Mother is, dat Ted Mosby in’t Johr 2030 sien beiden Kinner Penny un Luke vertellen will, woans he jemehr Mudder drapen hett. Dorfor holt he bannig wiet ut.

Sien Vertellsel geiht in’t Johr 2005 los, as he mit dormols 27 Johren in New York City leevt. He hett just sien Studium vun de Architektuur fardig un hett Arbeit in en Buro, wiel sien besten Frund Marshall Eriksen kort dorfor steiht, sien Jura -Studium aftosluten. De beiden deelt sik en Wahnung. Marshall is to disse Tiet al negen Johr lang mit de Kinnergoornersche Lily Aldrin tohopen. All dree sund se mit Barney Stinson befrunnt. Wat Barney nipp un nau arbeiten deit blifft bit kort vor’t Enn vun de Reeg apen, man he is vun sik bannig overtuugt, driggt jummer en Antogg un lopt jummerto de Fronsluud na. Barney versocht Ted bitobringen, woans een ? na sien egen Ansicht ? leven deit, un snackt mit em regelmatig Fornsluud an. Op disse Oort un Wies dropt Ted Robin Scherbatsky , en junge Fro, de goot utsutt, ut Kanada kummt un anfangs as Reportersche for en oortlichen Feernsehsenner arbeit. Ted verkiekt sik foorts in Robin un vertellt ehr dat ok gliek bi’t eerste Rendezvous . Man, dat is Robin to vell, vunwegen dat se gor keen faste Binnen ingahn will. Liekers moogt sik de beiden un besluut Frunnen to blieven. So warrt Robin Deel vun de Grupp.

De wieteren Folgen vun de Reeg dreiht sik um dat Leven vun de fief Frunnen, woneem in’n Achtergrund jummer de Fraag steiht, wanneer Ted de Mudder vun sien Kinner dropt un wokeen dat wesen mag. In’n Verloop vun de Episoden warrt jummer wedder Henwiesen un Anduden maakt, man to sehn kriggt man de Fro eerst in de letzten Staffel.

Verloop [ annern | Bornkood annern ]

Eerste Staffel [ annern | Bornkood annern ]

In’n Verloop vun de eersten Staffel warrt vele Begeevnissen wiest, in de Ted moogliche Droomfronsluud dropt. Man he fangt mit keen dorvun wat an, vunwegen dat he jummer wedder blots Ogen for Robin hett. In de twolften Episood dropt he op en Hochtiet Victoria , mit de he en schonen Avend tobringt. He verkiekt sik in ehr un wohrhaftig kamt de beidne tosamen. Man, Victoria geiht na Duutschland , woneem se studeren will. Un so geiht dat mit jem gau wedder vorbi, as Ted doch wedder wat for Robin fohlen deit un mit ehr wat anfangen will. An’t Enn vun de letzten Folg warrt Robin un Ted opletzt en Poor. Ted sien besten Frund Marshall maakt dorgegen sien Bruut Lily in de eersten Folg en Heiraatsandrag, den se ok annehmen deit. De Hochtiet kost aver veel Geld un so nimmt Marshall en Steed in dat Unnernehmen an, woneem ok Barney arbeit. Dat Unnernehmen produzeert Stoffen, de to Lasten vun de Umwelt gaht, wat nu got nich to Marshall sien Ansichten steiht. Sien Afsicht weer egentlich, Afkaat oder Richter to warrn, um de Umwelt to schulen. An’t Enn vun de eersten Staffel is sik Lily op mal nich mehr seker, wat se wohrhaftig Marshall heiraten will. Ehr Droom weer de Maleree, de se blangento as Hobby bedreven hett, aver egentlich jummer studeren wull. Se geiht dorophen weg vun New York un nimmt en Kunst stipendium in San Francisco an.

Tweete Staffel [ annern | Bornkood annern ]

Wiel Ted un Robin nu en fast Poor sund, is Marshall boos an’t Lieden, vunwegen dat Lily weggahn is. Se kummt aver wedder toruch na New York, mellt sik eerst aver nich bi Marshall. Korte Tiet later kamt se aver wedder tosamen. Robin un Ted dorgegen hebbt af un an Striet wegen Saken ut verleden Tieten, an de Gedanken an frohere Partners knutt sund. Robin gifft dorophen ehr Hunnen weg, de se mit frohere faste Frunnen tohopen kofft harr. Laterhen plaant de beiden tohopen en Wahnung to nehmen, fohlt sik opletzt aver doch nich in de Laag, de egenen Anwennsels un Freeheiten optogeven.

De Frunnen wunnert sik over Robin ehrn Weddersinn gegen Inkoopszentren un stellt egene Theorien op, woneem dat herkummt. Marshall un Barney sluut over jemehr beiden Theorien en Backswett af, wobi Lily as ?Beopdragte for de Backswett“ insett warrt. Marshall gloovt, dat Robin inst in Kanada in en Shoppingmall heiraat hett, wiel Barney gloovt, dat se mol in en Pronofilm mitspeelt hett, de in en Mall dreiht weer. As sik Marshall sien Theorie as verkehrt rutstellt, kriggt he en Backs vun Barney. Man denn warrt se wies, dat Robin in de 1990er Johren mit dat Leed Let’s Go To The Mall en kanaadschen Teeniestar weer. Marshall winnt dorophen fief Backsen, de he over de hele Reeg an Barney verdeelt.

Barney is nu wegen Ted sien Verbanneln mit Robin nich langer sien ?Wingman‘. Dorum laadt he sien homosexuellen Broder James for en poor Daag na New York in. Just as Barney weer ok James froher blots an One-Night-Stands intresseert. Dorum is Barney bannig daalslahn, as James em vertellt, dat he nu en faste Verbinnen ingahn hett un ok bald heiraden will. Dat Poor hett sogor vor en Kind to adopteren , worophen sik Barney mit den Gedanken anfrunnen deit un opletzt ok James sien Trotuug warrt.

De Staffel geiht dormit to Enn, dat Marshall un Lily heiraden doot. Intwuschen sund Robin un Ted wedder ut’neengahn vunwegen dat jemehr Ansichten over de Tokumst to verscheden weern. Man, se hebbt dat numms vertellt, um de Hochtiet nich mit disse Informatschoon to storen. Later in de veersten Staffel gifft Lily to, dat se naholpen hett, dat Poor ut’nennanner to bringen.

Drudde Staffel [ annern | Bornkood annern ]

Robin kummt toruch vun en Reis na Argentinien , woneem se ehrn ne’en Frund Gael drapen hett. Se blifft mit em aver nich lang tohopen. Marshall un Lily hebbt den Plaan ut de gemeensome Wahnung mit Ted uttotehn, nu wo se verheiraat sund. Dorbi kummt rut, dat Lily wegen en Koopsucht ’n Barg Schullen hett, liekers kopt se sik en Wahnung, de aver scheef is un dordor noch mehr kost. Dorum kunnt se in de drudden Staffel noch nich umtehn. Ted verkiekt sik in de Dermatoloogsche Stella Zinman , bi de he in de Praxis is, um sik en Tatoweren wegmaken to laten, de he sik in’n dunen Kopp steken laten hett. Stella hett en Dochter, Lucy, de Ted in’n Verloop vun de Staffel drapen deit.

Robin is twuschendor wedder mi ehrn Frund ut de Joogd tosamen, warrt vun em aver gau wedder sitten laten. Bi den Versook ehr Trost to spennen, speelt Barney ehr dat tweete Leed vun ehr frohrere Loopbahn vor (?Sandcastles in the Sand‘), wat dorto fohrt, dat de beiden tohopen in’t Bett lannt. Um de Frundschop mit Ted nich to belasten, vertellt se nix dorvun un versookt den Vorfall to vergeten. Liekers vertellt Robin Ted dorvun, un as Barney em an sien 30. Geboortsdag ok dorvun vertellen will, beent Ted de Frundschop. An’t Enn vun Staffel dree sund Ted un Barney beide wegen Unfall in’t Krankenhuus, woneem se jemehr Frundschop nee maken doot. Nadem sik Stella in’t Krankenhuus vun Ted splitt harr, socht Ted ehr in en Speelhalle op un maakt ehr en Heiraatsandrag.

Veerte Staffel [ annern | Bornkood annern ]

Barney fohlt wohrhaftig wat for Robin und Stella nimmt den Andrag vun Ted an. Man twuschen Stella und Ted gifft dat bald Striet, vunwegen dat Stelle nich mit ehr Dochter in Ted sien Wahnung intehn will. Ted dorgegen kann Stella ehrn Wahnoort New Jersey nich lieden. Man, opletzt seggt Ted to, dat he na de Hochtiet na New Jersey umtehn will. Stella ehr Suster geiht kort vor ehr egen Hochtiet mit ehrn Bruudgaam ut’nanner, so dat Ted un Stella den fre’en Termin overnehmen doot. Jemehr Hochtiet finnt denn aver doch nich statt, vunwegen dat Stella kort for’t Troen utneiht un wedder mit den Vadder vun ehr Dochter tosamenkummt.

Robin arbeit to Anfang vun de Staffel as Narichtensprekersche in Japan . De Arbeit is aver anners, as se sik dat dacht harr, un so brickt se dat gau af. Se tutt bi Ted in, vunwegen dat se keen Wahnung mehr hett in New York. Mit de Hulp vun Barney finnt se kort dorna en ne’e Arbeit bi’t Frohstucksfeernsehn. Robin un Ted kriegt sik faken in de Wull in jemehr WG un fangt an, jemehrn Striet jeedmol mit Sex bitoleggen. Dat funkschoneert ok good bit to den Dag as Ted markt, dat Barney wat for Robin fohlt. Ut den Grund hoort he dormit op.

Ted sien Loopbahn geiht bargop, as he den Opdrag kriggt de ne’e Hooftverwaltung vun de Goliath National Bank uttoklamustern. Man, al na en poor Folgen warrt de Opdrag wedder toruchtogen un Ted steiht ahn Arbeit dor. He versocht dorophen sik mit en egen Buro sulvststannig to maken, wat aver nich recht ingang kummt. In de letzten Episood gifft he den Plaan op. Stella ehr Ehmann Tony, de wegen Ted en slecht Geweten hett, vermiddelt em en Steed an de Universitat. Bito kamt sik Barney un Robin langsom neger.

Foffte Staffel [ annern | Bornkood annern ]

Barney un Robin fangt an to jemehr Gefohlen to stahn un warrt en Poor. Aver ok disse Verbinnen overduert nich de Tiet, wobi ok ditmol wedder Lily nahulpen deit. Barney finnt dorna gau wedder to sien ollen Levenswannel toruch, wiel Robin sik swoor dormit deit, de Situatschoon to overwinnen. Ofschoonst se sik nu vull op ehr Loopbahn as Reportsche kunzentreern will verkiekt se sik in ehrn Kollegen Don Frank . Barney warrt gewohr, dat he Robin mit sien Verhollen na’t Splitten wehdoon hett un sett sik nu dorfor in, dat se un Don tosamen kamt. An’t Enn vun de Staffel kriggt Robin en Arbeitssteed in Chicago anboden, dat se na veel Nadenken wegen Don aflehnt. Se vertellt Don nix dorvun, de aver kriggt dorophen dat glieke Anbott un nimmt dat an. Dormit ennt jemehr Verbinnen un Robin is wedder alleen.

Ted geiht sien Steed as Professer an de Universitat an un hett dor en teemlich slechten Anfang. Mit de Tiet finnt he sik aver in sien ne’e Rull torecht un dropt sik mit een Studentin. Later stellt sik rut, dat se de Mitbewahnersche vun sien tokamen Fro is. As sien Mudder to’n tweeten mol heiraden deit, neiht he heemlich vun de Hochtietsfier ut un kofft sik en Huus. Dat Huus wiest sik as teemlich runnerkamen, liekers hollt Ted doran fast un entwickelt Infall, woans he dat utboen will. Dat is wohrhaftig dat Huus, woans in’t Johr 2030 de hele Geschicht vertellt warrt. Marshall versocht in de Twpschentiet Lily ieversuchtig to maken, um jemehr Mit’nanner wedder ne’en Pep to geven. Man, dorover kriegt se Striet, den se aver wedder bileggt. An’t Enn vun de Staffel besluut se tosamen, dat se en Kind hebben woolt.

Sosste Staffel [ annern | Bornkood annern ]

De Wunsch na Kinner blifft for Lily un Marshall toeerst apen, wat jem beide unseker maken deit. Se gaht dorophen na en Fackmann, Dr. Stangel, de just so utsutt as Barney.

Ted kriggt nu doch sien ollen Opdrag toruch, den ne’en Hooftsitt vun de Goliath National Bank uttogestalten. Vorsehn is dorfor en Boplatz, woneem dat Arcadian Hotel steiht, wat dorfor afreten warrn schall. Dorgegen sett sik de Aktivistsche Zoey in, mit de Ted grote Lasten kriggt. Liekers finnt de beiden tohopen, wobi se versookt, den Striet um dat Arcadian uttoblennen. Robin kummt in de Twuschentiet langsom over dat Splitten vun Don weg un blifft nu eerstmol alleen. De Staffel verraat bito vele Saken over Barney sien Kindheit. So finnt toeerst sien Halfbroder James sien Vadder un opletzt ok Barney sien egenen.

In de Mitt vun de Staffel blifft Marshall sien Vadder doot, wat em bannig daalsleiht. Er geiht toruch na Huus un leevt en poor Weken as’n Teenager bi sien Mudder. As he toruchkummt, beslutt he sik endlich um sien Wunsch to sorgen un sik for de Umwelt intosetten. He kunnigt dorum sien Arbeit bi de GNB un versocht as Afkaat bi en Naturschuulorganisatschoon unnertokamen. Zoey un Ted kunnt an’t Enn vun de Staffel den Striet um dat Arcadian Hotel nich mehr langer verdrangen un gaht opletzt wedder ut’nanner. Dat Hotel warrt afreten un de Sitt vun de GNB kann boet warrn. Lily finnt rut, dat se en Kind kriggt, un bi en Vorblenn warrt wiest, dat Barney inst heiraden deit. Wokeen blifft aver apen.

Sovente Staffel [ annern | Bornkood annern ]

Marshall un Lily warrt gewohr, dat se en Jungen kriegen warrt. Lila ehr Grootollern hebbt en Huus op Long Island , dat se Lily schenken doot. Na’n beten hen un her besluut se dor intotehn, dat jemehr Jung nich midden in de Stadt groot warrt. Marshall kriggt en Steed bi en Kanzlei for Umweltrecht. Robin besocht en Psychiater , de ehr hulpen schall ehr Lasten mit ehr Partnerschoppen to minnern. De beiden kamt mit de Tiet tosamen. Barney verkiekt sik in de anstannige Nora, mit de he tohopen kummt. Liekers dat beide wedder in faste Hannen sund, verleevt Barney un Robin en Nacht tosamen. Barney beennt dorophen sien Verbinnen mit Nora, as he hapt dat he wedder mit Robin tosamen kummt. Man Robin blifft bi ehrn froheren Psychiater Kevin . As he ehr en Heiraatsandrag maken deit, vertellt Robin em, dat se keen Kinner kriegen kann. Opletzt geiht dat mit jemehr Leev nich goot un ok se splitt sik wedder.

As Robin wedder alleen is, vertellt Ted ehr eenmol mehr, dat he ehr ehr jummer noch geern hett. Robin hett em woll ok geern, man as Frund un nich as Leevsten. Se tutt dorophen in en egene Wahnung, de se nu betahlen kann, vunwegen dat se en betere Arbeit hett. Um mit de verleden Tiet aftosluten, socht sik ok Ted en ne’e Wahnung. He overlett de frohere WG Marshal un Lily, de mit dat Leven op Long Islang nich tofreden sund un kuum noch Tiet hebbt for jemehr Frunnen. Barney slutt mit mit Robin af un fangt wat mit de Strippersche Quinn , de al gau bi em intehn deit. Ted overnimmt dorophen ehr Wahnung. As Quinn for Barney mit dat Strippen ophoort, maakt he ehr en Heiraatsandrag. Ted lopt sien frohere Bruut Victoria wedder over’n Weg un fangt wedder an um ehr to warven. Opletzt kummt Marshall un Lily jemehr Sohn Marvin op de Welt. An’t Enn warrt in en Vorschau wiest, dat Barney inst Robin heiraten deit.

Achte Staffel [ annern | Bornkood annern ]

Anfang vun de Staffel kamt Ted un Victoria wedder tohopen, man Victoria foddert vun Ted, dat he sien Frundschop to Robin opgeven deit. Dat will Ted nicht doon un so geiht dat mit jem gau wedder vorbi. Later dropt he en junge Deern, de sik as Barney sien Halfsuster Carly rustellt. Barney will vun en Verbinnen nich recht wat weten, und kort later gifft Ted ehr wedder op. Dorna dropt he Jeanette , mit de he wat anfangt, ofschoonst sien Frunnen em dorvun afraat. As sik ruttell, hett se Ted al en Tiet lang nastellt. Se gaht wedder ut’nanner, as Jeanette dat ?Playbook“ finnt, dat Barney sien Machen bargt, Fronsluud rumtokriegen. Barney hett so doon, as harr he dat for Robin tonichten maakt. Jeanette verwoost Ted sien hele Wahnung, vunwegen dat se dacht, em hoort dat to.

Barney versocht Quinn gegenover geheem to hollen, dat he mit Robin tosamen weer. Ut Versehn warrt dat aver von Lily un Marshall vertellt. Barney sett nu vor jem en Ehverdrag op, den Quinn aver nich annimmt. Se maakt dorfor en egenen, den Barney aver nich akzepteert. Se kriegt sik in de Wull dorover, wat opletzt dorto fohrt, dat se ut’neen gaht. Barney hulpt kort later Robin un ehrn ne’en Frund Nick ut’nanner to bringen. He sulvst fangt denn wat mit Robin ehr Arbeitskolleegsche Patrice an un plannt ehr en Andrag to maken, wovun Robin nu wedder gor nicht andahn is. Man, dat hoort allens to en Plaan vun Barney, den he utklamusert hett um Robin toruch to kriegen. Also maakt he ehr den Andrag un Robin nimmt em an. Se tutt bi Barney in, ofschoonst se em toeerst dorto bringen wull, sien Wahnung to verkopen.

Lily un Marshall versookt for jemehrn Sohn en Oppassersche to finnen, wat nich so licht is. Opletzt maakt Lily ehr Vadder Mickey de Arbeit, ofschoonst de beiden dat eerst nich wullen. As sik rutstell, maakt he sien Saak goot. Unvermodens kriggt Lily en Anbott vun Zoey ehrn Ex-Mann, den ?Captain“, de en Beradersche for Kunstwarken bruukt. Dordor hett se jummer weniger Tiet for Marshall. De dorgegen vermiddelt en ollen Studienfrund en Vorstellen bi sien Arbeitssteed, dat aver nich goot lopt. Opletzt stellt sik rut, dat de dordor blots an Informatschonen kamen wull, to den Fall, den Marshall vertreden deit. Vor Gericht drapt se sik wedder.

Lily kriggt vun’n ?Captain“ den Opdrag mit em vor een Johr na Rom to tehn un dor for em to arbeiden. Dat lehnt se eerst af, um Marshall nich sien Loopbahn to vermasseln. Man, Marshall steiht achtern ehrn Droom un fraagt den ?Captain“, wat he sien Anboot nich noch mol maken wull. Eerst in’n drudden Anloop nimmt Lily de Opgaav an. An’t Enn boet sik heemlich Striet op: Marshall kriggt en Anbott, in New York as Richter to arbeiten. He hett nich veel Tiet to’n Overleggen un nimmt de Steed an ahn vorher mit Lily to snacken, woll in dat Weten, dat se denn nich na rom tehn kunnt. Ted plaant en Steed in Chicago antonehmen, um tokamen Arger un besehrte Gefohlen ut’n Weg to gahn, vunwegen dat he anners nich mit Robin afsluten kann. Opletzt warrt endlich wiest, wokeen de Mudder vun Ted sien Kinner is.

Neegte Staffel [ annern | Bornkood annern ]

De letzte Staffel speelt meist vullstannig an dat Wekenenn, as Barney un Robin jemehr Hochtiet stattfinnt un bargt en Reeg vun Toruchblennen. Dorbi warrt wiest, woans all vun Ted sien Frunnen na un na de Mudder drapen hebbt, noch vordem Ted ehr dropt: Se snackt Barney goot to, sik mit Robin to verlaven, slutt in de Bahn na den Hochtietsoort Frundschop mit Lily, nimmt Marshall in ehrn Bus mit na de Hochtiet un ruumt opletzt ok Robin ehr Twievel an de Hochtiet ut.

As Robin en Keed, de se vor Johren mol in’n Central Park vergraavt hett, nich wedder finnen kann, twievelt se an de Hochtiet. Ted markt, wo wichtig ehr dat is de Keed toruchtokriegen un maakt sett allns in, um ehr to finnen. Dat is sien Weg, over Robin wegtokamen. Lily is intwuschen over Telefon gewohr worrn, dat Marshall en Steed as Richter annahmen hett. Se is bannig gallig dorover, dat se vorher nicht fraagt worrn is un kriggt sik mit Marshall duchtig in de Hoor. De beiden versohnt sik aver wedder un Lily vertellt Marshall, dat se wedder in Kind kriggt. Butendem warrt de Grupp wies, dat Ted plannt, direkt na de Hochtiet na Chicago to gahn. He lett sien Plaan fallen, as he an’n Bahnhoff vun Farhampton Tracy drapen deit ? de tokamen Mudder vun sien Kinner.

In korte Form warrt dorvun vertellt, woans sik dat Leven wieter entwickeln deit: Tracy un Ted heiraat fief Johren later. Tracy ehr eerste grote Leev is an ehrn 21. Geboortsdag doodbleven, wat de glieke Dag weer, as Ted dat eerste mol Robin drapen hett un Marshall un Lily sik verlaavt harrn. Marshall lehnt de Steed as richter af und geiht mit Lily vor en Tiet na Italien , woneem se sik ehrn Droom wohr maakt. Later kriggt he noch mol de Mooglichkeit richter to warrn un nimmt de Steed denn an. Wieter in de Tokumst kannedeert he for en Steed an’n State Supreme Court un kriggt de Steed ok. Se teht in en grottere Wahnung, as se op jemehr drutt Kind toven doot.

Ted un Tracy jemehr Hochtiet finnt in Kreis vun de Frunnen statt. Blots Robin hett vun de Grupp Afstand nahmen, vunwegen dat ehr eh mit Barney na dree Johren tweigahn is. Se harr mit ehr Loopbahn as spoodrieke Feernsehreportersche to veel to dooon un weer to veel op Reisen. Barney fangt dorna wedder sien ool Leven an un schrifft en nee Playbook. Een Dag passeert dat, dat he bi sien sexuellen Aktivitaten en Fro en Kind maakt. Eerst twievelt he dull an sien ne’e Rull as Vadder, warrt aver vullstannig vun sien Gefohlen overlopen, as he sien lutte Dochter dat eerste mol in sien Arms nimmt.

Tracy warrt aver krank un blifft 2024 an en Krankheit dood, de nich wieter betekent warrt. Soss Johren later, as Ted mit sien Vertellen to Enn is, meent sien Kinner to em, dat jemehr Mudder in de hele Geschicht teemlich wenig vorkamen deit. Dorum vermoodt se, dat Ted jem egentlich nich vun jemehr Mudder vertelln wull, man veel mehr achtern rum rutfinnen wull, wat sien Kinner woll dormit kloor kamen deen, wenn he versoken de wedder mit Robin tosamen to kamen. Nadem de beiden Kinner em Moot maken doot, na de Johren allen noch mol sien Gluck to versoken, steiht he an’t Enn mit dat blaue Hoorn unner Robin ehr Finster, dat he ehr all bi jemehr eerst Drapen mitbrocht harr. Se lacht sik gegensietig an.

Figuren un Dorstellers [ annern | Bornkood annern ]

Hooftfiguren [ annern | Bornkood annern ]

Ted Mosby [ annern | Bornkood annern ]

Theodore ?Ted“ Evelyn Mosby is de Hooftfigur un Ik-Verteller vun de Reeg. He is vun Beroop Architekt , de in’n Verloop vun de Geschicht sien Arbeit verlutt, en egen Buro grunnt un later denn as Professer an de Columbia University arbeit. He sutt sik as de intellektuelle Deel vun de Frunnen, mag Literatur , Wien , Architektuur un schottischen Whisky . Butendem is he en Romantiker. He ziteert geern Bertolt Brecht un Pablo Neruda , warrt dorbi aver jummer wedder vun sien Frunnen unnerbroken. Ted un sien Suster Heather stammt ut Shaker Heights in de Neeg vun Cleveland in Ohio . Studeert hett he an de Wesleyan University in Connecticut , woneem he Marshall un Lily drapen hett. Mit jem tohopen is he na New York tagen.

He socht na sien Droomfro, de sien Intressen deelt, heiraden un twee Kinner hebben will. Sien Sook is aver nich eenfack. In de drudden Staffel dropt he Stella, de sien Heiraatsandrag anehmen deit, em denn aver vor’n Troaltar stahn lett, as se wedder mit ehrn Ex-Mann tohopen kummt. Sien latere Ehfro Tracy warrt eerst in de letzten Staffel vorstellt.

Marshall Eriksen [ annern | Bornkood annern ]

Marshall kummt ut St. Cloud in Minnesota , woneem he mit twee ollere Broder opwossen is. Sien Ollern sund Marvn Sr. un Judy. Siet sien Tiet op’t College is he mit Lily Aldrin tohopen. de he in’n Verloop vun de Reeg heiraden deit. An’t Enn hebbt de beiden dree Kinner. Ted is sien besten Frund, den he ok op’t College drapen hett. Se deelt sik to Anfang en Wahnung in New York. Egentlich wull Marshall Afkaat warrn, um gegen grote Kunzernen un for den Umweltschuul to strieden. Um Geld to verdenen nimmt he aver na sien Studium nimmt he en Steed bi de Goliath National Bank , de Barney for em kloor maakt. Af de sossten Staffel wesselt he denn eerst na de Umweltorganisatschoon NRDC , later in en Kanzlei, de sik for Umweltfragen insett. An’t Enn vun de Reeg warrt he Richter in hoge Steed.

Marshall is frundlich, weet um sien Verantwoorden un blifft jummer optimistisch . He is Fan vun de Football -Mannschaft Minnesota Vikings un vun’t Baseball -Team New York Mets . He is goot bi Brettspelen un fangt dat Freten an, wenn he suer is.

Robin Scherbatsky [ annern | Bornkood annern ]

Robin Charles Scherbatsky Jr. kummt ut Kanada . Se is kort vor Anfang vun de Geschicht na New York tagen, woneem se eerst as Narichtenspekersche for den oortlichen Senner ?Metro News 1“ arbeit. Later modereert se en Talkshow froh morgens un warrt den in’n Verloop vun de Reeg bekannt. Se overnimmt en Arbeit as Butenreportersche un Narichtensprekersche for World Wide News (WWN). In ehr Joogd weer Robin in Kanada en Kinner-Popstar unner den Naam Robin Sparkles . Ehr Naam hoort sik mehr na’n Jungen an. Dat kummt vun ehrn Vadder, de egentlich lever en Sohn hebben wull un sien Dochter dorum ok bit in de Pubertat as Jungen behannelt hett. Se hett sorum den Umgang mit Wapen lehrt, mag Ieshockey un Scotch Whisky, hett dorgegen aver nich veel for Kinner un Romantik over.

Se is over de Tiet vun de Geschicht eerst mit Ted un later mit Barney tohopen, den se 2013 heiraden deit. De Eh geiht aver in de Bruch na dree Johren, vunwegen dat Robin wegen ehr Arbeit veel reisen deit un kuum Tiet for Barney hett. So tutt se sik ok vun de annern Frunnen toruch. 2030, soss Johren na’n Doot vun sien Fro Tracy, versocht Ted noch mol sien Gluck mit ehr, nadem sien Kinner em goot tosnackt hebbt.

Barney Stinson [ annern | Bornkood annern ]

Barney jachtert jummerto de Fronsluud achteran, liekers is he keen Minsch, de lang bi jem blieven mugg. He overleggt sik jummers ne’e Tricks, mit de he Fronsluud rumkriegen deit, un hett jem al daal schreven in sien ?Playbook“. De Kneipe besocht he blots, um dor ne’e Fronsluud for en One-Night-Stand to drapen, wat ok faken klappt. Sien Kennteken is, dat he jummer Antog na Maat dragen deit, man ok sonst hett he bannig veel Talente. He leegt veel Weert op Frundschop ? vor allen to sien mannliche Frunnen. He hett sogors en Book, woneem he Regeln for den Umgang fastleggt hett, den so noomten ?Bro-Kodex“, de he aver sulvst ok breken deit, as he mit Robin in’t Bett lannt. Mit Robin is he langere Tiet tohopen, later ok mit Nora un mit de Strippersche Quinn. Robin heiraat he opletzt, ofschoonst de Eh blots dree Johren holen deit. 2010 hett Barney en ?perfekte Week“, wat fur em beduut, dat he jeden Dag mit en annere Fro in’t Bett weer. 2019, nadem sien Eh mit Robin wedder scheedt is, maakt he den perfekten Maand. Man dorbi maakt he een vun de Fronsluud en Kind, de em later sien Dochter to Welt bringt.

Barney is de Sohn vun Loretta Stinson, de froher ok veel mit verschedene Mannsluud wat harr. He hett en swarten Halfbroder, de homosexuell is, heiraten deit un Kinner adopteert hett. Se sund beide ahn Vadder opwossen, finnt jem aver in’n Verloop vun de Reeg. Barney hett en nich nau defineerte Arbeit bi de Muddersellschop vun de Goliath National Bank , woneem he veel Geld verdeent. Dordor kann he sik vele Saken leisten. Ok Barney drinkt geern schottischen Whisky. En vun sine grottsten Hobbys na de Fronsluud is Laser Tag .

Lily Aldrin [ annern | Bornkood annern ]

Lily hett Marshall in jemehr College-Wahnheim drapen un is gau mit em tosamen kamen. To Anfang vun de eersten Staffel sunbd se al negen Johr en Poor. Vorher harr se en anneren Frund, de Scooter noomt warrt. An’t Enn vun Staffel Een neiht Lily aver ut na San Francisco , woneem se en Kunststipendium opnehmen deit. De Maleree hett ehr al jummer an’t Hart legen, man se kummt wedder Marshall toruch un heiraat em later denn ok. Von Beroop is se Kinnergoornsche, bito maalt se aver wieter un gifft den Droom nich op, inst vun de Maleree leven to kunnen. In de achten Staffel warrt se Kunst-Beradersche vun’n Captain , for den se later ok for en Tiet na Italien tutt.

In’n Verloop vun de Geschicht warrt Lily de beste Frundin vun Robin. Bedudene Egenoorden vun ehr sund ehr Koopsucht un dat se keen Geheemnissen for sik behollen kann. Vun ehr Kindheit her hett se Lasten dormit, ehrn Vadder eernst to nehmen, man dat warrt mit de Tiet beter. Ok mit de Leevwies vun Marshall sien Familie kummt se nich jummer goot torecht. Mit Marshall kriggt se in’n Verloop vun de Reeg en Kind ? ehrn Sohn Marvin W. Jr. ?, dorover rut kamt noch twee wietere Kinner.

Nevenfiguren [ annern | Bornkood annern ]

Tracy McConnell [ annern | Bornkood annern ]

Tracy warrt eerst in de letzten Dubbelfolg vun de Reeg vorstellt. Vorher warrt blots jummer vun ?De Mudder“ snackt. En en frohere Episood seggt Ted sien Kinner mit en Smustern, dat jemehr Mudder en Strippersche is, de Tracy hett. Dorut is al vorher to sluten, dat de Mudder Tracy heet. Tyypsche Egenorden oder Teken vun ehr sund ehr gele Regenschirm un dat se Bassgitarr in en Musikgrupp speelt. Se harr en Frund, de an ehrn eenuntwintigsten Geboortsdag dood bleven is. Se lehnt dorum ok den Andrag vun ehrn aktuellen Frund af un verlett em, kort vordem se Ted drapen deit. Lily, Robin, Marshall un Barney drapt ehr all al vor Ted, man ahn dat gegensietig to weten. Jeeden vun jem hulpt se in en sunnere Situatschoon. Ted sulvst dropt se bewusst eerst na de Hochtietsfier vun Barney un Robin, op de se mit ehr Grupp Musik maakt hett, as beide op’n Bahnhoff Farhampton op’n Tog toovt. Wegen ehr lett Ted sien plaante Steed in Chicago susen un blifft in New York. Se verloovt sik, kriegt twee Kinner un heiraat opletzt. An’t Enn vun de Folg stellt sik aver rut, dat se in’t Johr 2024 an en swore Krnakheit dood bleven is.

Penny Mosby [ annern | Bornkood annern ]

Penny is de Dochter vun Ted Mosby un Tracy McConnell. Se warrt ruchweg 2015 boren. Ehr Rull speelt in de Rahmengeschicht, in de sik de Kinner anhoort, woans Ted jemehr Mudder darpen hett. 2030 is se de Hooftgrund, dat Ted noch mol versocht, um Robin to warven.

Luke Mosby [ annern | Bornkood annern ]

Luke is de Sohn vun Ted un Tracy un dormit de jungere Broder vun Penny. Luke is na Luke Skywalker ut dat Star-Wars -Universum utsocht. Ok Luke snackt sien Vadder goot to, dat he dat noch mol mit Robin versoken schall.

Marvin W. Eriksen [ annern | Bornkood annern ]

Marvin is dat eerste Kind vun Lily un Marshall, dat an’t Enn vun de sovten Staffel boren warrt. Dat Marshall noch rechtietig to de Geboort bi Lily wesen kann, hett he Barney to verdanken, de dorum den Tweetnaam bestimmten droff. He wahlt den Utdruck ?Waitforit“ (in de hoochduutsche Faten ?Warte noch“), wat Barney sien leevsten Sprook is.

Victoria [ annern | Bornkood annern ]

Victoria is en Konditersche , de in de Reeg tweemol mit Ted tohopen is. Ehr Nanaam warrt nich vertellt. Se drapt sik dat eerste mol op en Hochtiet, woneem se de Torten maakt hett. As se mit Ted tosamen is, kriggt se en Stipendium for en Studium in Duutschland, dat se annehmen deit. Eerst blievt se topohen, man dat is gau to Enn as Ted mit Robin in’t Bett lannt. Se fangt dorophen wat mit Klaus an, den se in Duutschland drapen hett. Se mellt sik fief Johr lang nich bi Ted, kriggt en Andrag vun Klaus un will em heiraden. Dor en Tofall dropt se Ted wedder un geiht binah mit em fromd, ofschoonst se al verloovt is. Se heiraat Klaus denn doch nich un kummt wedder mit Ted tohopen. De maakt ehr ok en Andrag, man Victoria will em blots heiraden, wenn he sien Frundschop mit Robin opgeven deit. Se is bang, dat Ted wedder Gefohlen for Robin kriegen deit un ehr sitten lett. Dorop mag sik Ted aver nich inlaten, un so gaht se wedder ut’neen.

Stella Zinman [ annern | Bornkood annern ]

Stella Zinman is en Dermatoloogsche ,l de Ted drapen deit as he sik en Tattoo wegmaken laten will. Se leevt scheedt vun ehrn Ehmann Tony un hett en Dochter, Lucy, mit de se in New Jersey wahnt. Ted finnt ehr intressant un fraagt, wat se sik mit em drapen will. Se seggt em foorts af, vunwegen dat se blangen ehr Arbeit un ehr Dochter keen Tiet hett. Ted lett nich aver locker un arrangeert en Twee-Minuten-Date, um ehr to wiesen, dat he dat eernst mit eher meent. Dorophen lett se sik op em in. De beiden sund ’n Tiet lang tohopen, as Ted ehr en Andrag maken deit, den se annimmt. Man, an’n Dag vun de Hochtiet lett he em doch sitten, vunwegen dat se wedder mit ehrn Ex-Mann tohopen kummt.

Zoey Pierson [ annern | Bornkood annern ]

Zoey is en Aktivistin, de sik for’t Wohren vun en oolt Hotel insetten deit, dat afreten warrn schall. De Grund is de Neebo vun den Firmensitt vun de Goliath National Bank , mit den Ted beopdraagt is. He finnt Zoey attraktiv, un se em woll ok, ofschoonst de de Fro vun ?den Captain“ is. Ofschoonst se sik in jemehrn Striet over den GNB-Neebo nich eenig warrn kunnt, lett se ehrn Mann sitten un fangt wat mit Ted an. Se frunnt sik dorpohen ok mit den Rest vun de Grupp an un kummt mit Ted tohopen. Disse Verbinnen geiht opletzt aver doch in de Bruch, as Ted sik bi en offiziell Anhoren vor den Neebo insetten deit, wiel Zoey um jeedeen Pries dat Hotel schulen will.

Quinn Garvey [ annern | Bornkood annern ]

Quinn Garvey is en Strippersche , de in’t Lusty Leopard arbeiten deit. Se kummt to de Frunnen, as se for ehr Frundin un Barney for ted mitkummt. Quinn vertellt Ted aver, dat Barney bi ehr nich lannen kann. Eerst later markt Barney, dat se as Strippersche in sien Stammlokal arbeit. AS Barney dat gewohr warrt, verkiekt he sik in ehr un socht ehr Opmarksomkeit. Se nutt se Gelegenheit un nimmt em dorfor veel Geld af. As se sik later in en Cafe weddersehn doot, stellt Quinn fast, dat se ok wat for Barney over hett un dat ehr Verhollen nich recht weer. Se warrt en Poor, teht tosamen un verlooft sik ok. Man bi’t Opsetten vun en Ehverdrag stellt se fast, dat se keen Vertroen to’nanner hebbt un gaht wedder ut’nanner. Se duukt later noch mal bi Barney sien Junggesellenafscheed op.

Nora [ annern | Bornkood annern ]

Nora is en Kolleegsche vun Robin bi ?World Wide News“, de Barney over ehr kennen lehrt. Nora hett en klore Ansicht, wat se vun en Kerl will: se socht en ehrliche, faste Verbinnen. Barney versocht eerst, so as jummer mit ehr to spelen, hett denn aver doch wohre Gefohlen for ehr. He vertellt ehr vun sien Afsichten, um ehr de Wohrheit to seggen, wat ehr teemlich tosetten deit. Later markt Barney aver, dat he ehr jummer noch geern hett un ropt ehr an. He vertellt ehr, dat em dat leed deit un dat he dat nu eernst mit ehr meent. He deit allens, um ehr toruch to winnen, man jummer Verbinnen hollt nich lang, vunwegen dat Barney an sik doch wat for Robin fohlt.

Ranjit Singh [ annern | Bornkood annern ]

Ranjit is en Taxifohrer ut Bangladesch , de Ted, Lilly, Marshall, Robin un Barney faken dor de Stadt fohren deit, wenn se op’n Swutsch gaht. Mit de Tiet warrt Ranjit jummer mehr jemehr Chauffeur . An’t Enn vun de Reeg kann he sik dor go’en Aktienhannel en egene Limosienfirma leisten.

Dorstellers un Synchronisatschoon [ annern | Bornkood annern ]

De duutsche Synchronisatschoon is dor de Synchroonfirma Scalamedia GmbH in Munchen unner de Dialoogregie vun Norbert Steinke entstahn.

Rullennaam	Schauspeler(sche)	Episoden	Synchroonstimm
Ool Ted Mosby (Verteller)	Bob Saget	1.01-9.24	Christian Tramitz
Theodore ?Ted“ Evelyn Mosby	Josh Radnor	1.01-9.24	Martin Halm
Marshall Eriksen	Jason Segel	1.01-9.24	Hubertus von Lerchenfeld
Robin Charles Scherbatsky Jr.	Cobie Smulders	1.01-9.24	Christine Stichler
Barney Stinson	Neil Patrick Harris	1.01-9.24	Philipp Moog
Lily Aldrin	Alyson Hannigan	1.01-9.24	Angela Wiederhut
Tracy McConnell (de Mudder)	Cristin Milioti	8.24-9.24	Annina Braunmiller
Penny, Ted sien Dochter	Lyndsy Fonseca	1.01-9.24	Farina Brock
Luke, Ted sien Sohn	David Henrie	1.01-9.24	Tim Schwarzmaier
Ranjit (Chauffor)	Marshall Manesh	1.01-9.22	Claus Brockmeyer
Carl (Weert in’n Pub)	Joe Nieves	1.01-2.14; 4.13-9.21	Patrick Schroder
Judy Eriksen (Marshall sien Mudder)	Suzie Plakson	1.09?9.20	Christina Hoeltel (Staffel 1-5) Marion Hartmann (Staffel 6-9)
Marvin Eriksen Sr. (Marshall sien Vadder)	Bill Fagerbakke	1.09; 4.19-8.02; 9.17	Ekkehardt Belle
Victoria	Ashley Williams	1.12-1.18; 7.02-8.05; 9.17	Stefanie von Lerchenfeld
Sandy Rivers (Journalist)	Alexis Denisof	1.18-1.22; 6.13-8.11; 9.21	Matthias Klie
James Stinson (Barney sien Broder)	Wayne Brady	2.10; 3.10; 6.02-7.11; 9.01-9.22	Stefan Gunther
Stella Zinman	Sarah Chalke	3.13-4.23; 9.17	Tatjana Pokorny
Robin Charles Scherbatsky Sr. (Robin ehr Vadder)	Eric Braeden (4.06) Ray Wise	4.06 6.14; 7.06; 8.13; 8.23; 9.18; 9.22	Reinhard Brock (Staffel 4-8) Christoph Jablonka (Staffel 9)
Loretta Stinson (Barney sien Mudder)	Frances Conroy	4.15; 6.02-9.22	Marion Hartmann
Cindy	Rachel Bilson	5.12; 6.01; 8.13; 9.16	Marieke Oeffinger
Zoey Pierson	Jennifer Morrison	6.05-6.24; 9.21	Kathrin Gaube
De ?Kaptein“	Kyle MacLachlan	6.08-6.17; 8.17-8.23; 9.20	Pierre Peters-Arnolds
Nora	Nazanin Boniadi	6.16-7.10; 9.14	Laura Maire
Jerome ?Jerry“ Whitaker (Barney sien Vadder)	John Lithgow	6.19; 6.21; 9.10; 9.22	Reinhard Brock (Staffel 6) Leon Rainer (Staffel 9)
Quinn Garvey	Becki Newton	7.16-8.22	Shandra Schadt
Patrice	Ellen D. Williams	7.04-8.12; 9.04; 9.18; 9.22	Andrea Wick
Wendy (Bedenen in’n Pub)	Charlene Amoia	1.04-6.17	Andrea Wick
Mickey Aldrin (Lily ehr Vadder)	Chris Elliott	5.09; 6.14; 7.07-7.23; 8.03; 8.12; 9.20	Gudo Hoegel
Linus (Barmann Farhampton Inn)	Robert Belushi	9.02-9.20	Simon Pearce
Kevin (Psychiater)	Kal Penn	7.04-7.16; 9.21	Pascal Breuer

Vele Rullen sund mit Schauspelers besett worrn, de vorher in Regen vun Joss Whedon (Utfinner vun Buffy the Vampire Slayer ) speelt hebbt. Craig Thomas meen dorto, dat he un ok Carter Bays grote Buffy -Fans sund ^[1] . Dorto tellt Alyson Hannigan as ok ehr Ehmann Alexis Denisof un wieter to’n Bispeel Tom Lenk , Amy Acker , Harry Groener , Seth Green oder Morena Baccarin .Annere Gastrullen weern mit Schauspelers besett, de tosamen mit Jason Segel in de Reeg Freaks and Geeks to sehn weern. Dorto tellt Martin Starr , Busy Philipps un Samm Levine .

In de Reeg weern vele bekannte Gaststars to sehn. Dat weern unner annern Models as Heidi Klum un Adriana Lima , Moderaters as Bob Barker , Maury Povich , Jim Nantz un Regis Philbin , Schauspelers as Jane Seymour , Katie Holmes , Kyle MacLachlan , Jorge Garcia , Lindsay Price un William Zabka oder Singers as Enrique Iglesias , Britney Spears , Jennifer Lopez , Katy Perry un Nicole Scherzinger oder Sportlers so as Mike Tyson . De beiden Dreihbookschrievers Carter Bays un Craig Thomas sund in Episood 1.21 as Nootfallsanitaters to sehn.

Produkschoon [ annern | Bornkood annern ]

Den Infall for de Reeg How I Met Your Mother keem vun de beiden Dreihbookschrievers Craig Thomas un Carter Bays, de al beide for David Letterman un American Dad arbeit harrn. De Reeg besteiht ut negen Staffeln, de all bit Marz 2014 utstrahlt worrn sund. De beiden eersten Staffeln harrn tweeuntwintig Folgen, de drudde blots twintig. Dat hung dormit tohopen, dat de drudde Staffel na olven Folgen unnerbroken worrn is vunwegen den Streik vun de Schrievers . In’n Marz 2008 sund na en Poos vun dree Maanden, wietere negen Folgen dreiht worrn. De annern Staffeln dorna harrn jeedeen veeruntwintig Folgen.

Bi den grottsten Deel vun de Episoden weer Pamela Fryman Speelbaassche, de vorher al an Regen as Two and a Half Men un Frasier bedeeligt weer. How I Met Your Mother is in de Studios vun de 20th Century Fox in Los Angeles dreiht worrn. De Geschicht sulvst speelt grottstendeels in New York City .

Anners as bi tyypsche Sitcoms is How I Met Your Mother nich vor Tokiekers dreiht worrn. De Dreihtiet for een Folg hett hier ok um un bi dree Daag duert, wiel normalerwies ruchweg dree Stunnen for een Episood ansett warrt. Dat kummt vun de velen Toruchblennen un unnerscheedliche Oord, woneem de Geschicht spelen deit. Dat weer vor Publikum veel to opwannig wesen. Man, meist jede fardige snedene Folg is denn vor Tokiekers weist worrn. Dat Lachen weer opnahmen un in de Toonspoor rinsneden, so dat ok in de Originalfaten Lacher to horen sund. ^[2]

De beiden Hooftdorstellersches Alyson Hannigan un Cobie Smulders hebbt beide in’n Verloop vun de veersten Staffel en Kind kregen. Dat weer bi beide nich in’t Dreihbook schreven, so dat de Kinnerbuuk dor Kledaasch, Saken oder Opnahmen vun dicht bi, versteken weer. Hannigan kunn dorum ok de letzten Folgen vun de veerten Staffel nich mehr mitspelen. For disse Tiet weer ehr Rull ut dat Dreihbook rutschreven. Dat Enn vun de Staffel is aver al froher afdreiht worrn, so dat Lily dorbi wesen kunn. Hannigan hett wiel de sovten Staffel noch mol en Kind kregen, ditmol weer dat ok as Deel vun de Geschicht in’t Dreihbook schreven. ^[3]

De Feernsehreeg is in de USA to’n eersten mol an’n 19. September 2005 op CBS sennt worrn. In de USA harr de Reeg in’n Dorsnitt twuschen 8,2 un 10,5 Millionen Tokiekers. In Duutschland is de Reeg op ProSieben toeerst utstrahlt worrn. Dat weer an’n 13. September 2008. Hier legen de Tokiekertallen in’n Dorsnitt twuschen en halve Million bi de eersten dree Staffeln un annerthalf Millionen bi de Staffeln dorna.

As Titelmusik is dat Leed ?Hey Beautiful“ vun de Grupp The Solids bruukt worrn, bi de de Schrievers Carter Bays un Craig Thomas Liddmaten sund.

Kritik [ annern | Bornkood annern ]

• In’n Branchendeenst Variety weer de Feernsehreeg utermatig good besnackt. Dorbi weer sunners Neil Patrick Harris in de Rull vun Barney loovt un dat Kunzept as klook opboet rutstellt. ^[4]

• De evangelikale Mediendeenst vun Focus on the Family stor sik doran, dat sik de Inholt vun de Reeg to dull um Sex un Alkohol dreiht.

• Der Spiegel schreev to’n Start in Duutschland, dat de Reeg de schonsten Egenschoppen vun de beiden modernen Sitcom-Klassikers Friends un Seinfeld tohopenbringen de. ^[5]

Dat Enn vun de Reeg is unner de Fans man ok in de Fackpresse op grote Kritik stott, vunwege dat Ted denn sien Fro finnt, de aver en ppor Johren later doot blifft ^{[6] [7] [8]} . Liekers geev dat aver ok Loov ^[9] . Wat vor allen kritiseert weer, weer dat de hele Reeg dorvun vertellt, woans Ted sien tokamen Fro drapen deit, een denn aver blots dor en lutte Informatschoon blangento wies warrt, dat just disse Fro al siet soss Johren doot is. Wgen disse Kritik besloten de Produzenten op DVD an alternatiev Enn to maken, bi dat de Mudder nich doot bleven is ^[10] .

Utteken [ annern | Bornkood annern ]

De Feernsehreeg is so spoodriek wesen, dat se for wiet mehr as hunnert Film- un Feernsehpriesen nomineert worrn is, dorunner ok twee mol for den Golden Globe (beide mol Neil Patrick Harris as Best Nevendorsteller). Uttekent weer die Reeg mit fiefuntwintig Priesen, dorunner:

• 2006: de Primetime Emmy in de Kategorie Best Kameramann in en Multi-Kamera-Reeg for Chris La Fountaine
• 2006: de Primetime Emmy in de Kategorie Best Kameramann in en Multi-Kamera-Reeg for Chris La Fountaine
• 2008: de Primetime Emmy in de Kategorie Best Szenenbild in en Multi-Kamera-Reeg for Steve Olson un Susan Mina Eschelbach
• 2008: de OFTA Television Award in de Kategorie Best Nevendorsteller in en Kummediereeg for Neil Patrick Harris
• 2008: de OFTA Television Award in de Kategorie Best Gastdorstellersche in en Kummediereeg for Sarah Chalke
• 2009: de Primetime Emmy in de Kategorie Best Szenenbild in en Multi-Kamera-Reeg for Steve Olson un Susan Mina Eschelbach
• 2009: de OFTA Television Award in de Kategorie Best Nevendorsteller in en Kummediereeg for Neil Patrick Harris
• 2011: de Critics’ Choice TV Award in de Kategorie Best Nevendorsteller in en Kummediereeg for Neil Patrick Harris
• 2012: de Jupiter Award in de Kategorie Beste internatschonale Feernsehreeg
• 2012: de People’s Choice Award in de Kategorie Favorite Network TV Comedy
• 2013: de BMI TV Music Award for Carter Bays un Craig Thomas

Spin-off [ annern | Bornkood annern ]

In’n Oktober 2013 keem to’n eersten mol de Infall op, en Aflegger to de Reeg to maken mit den Titel How I Met Your Dad . En Maand later geev de Senner CBS bekannt, dat en Pilotfolg in Opdrag geven worrn weer. Disse Spin-off schull de Geschicht vun en annere Grupp vun Frunnen in New York ut de Sicht vun en Fro vertellen, de op de Sook na en Ehmann un Vadder vun ehr Kinner is ^[11] . In’n Mai 2014 weer vun CBS to hoorn, dat keen wietere Folgen for How I Met Your Dad bestellt warrn schulln. Wohrschienlich wegen Bedenken to den Inholt vun de Pilotfolg ^[12] .

In’n Dezember 2016 weer kunnig maakt, dat Isaac Aptaker un Elizabeth Berger as Dreihbookschrievers an de Reeg How I Met Your Father arbeiten doot un ok as Exekutiv-Produzenten insett sund. Carter Bays , Craig Thomas un Emily Spivey hulpen jem dorbi ^[13] . Ok disse Plann is aver wedder instellt worrn.

De drudde Versook for en Spin-off weer an’n 8. August 2017 ankunnigt. Dorna schall Alison Bennett den Opdrag to hebben, de Reeg to schrieven mit Bays un Thomas as Executive-Produzenten ^[14] .

Anners wat [ annern | Bornkood annern ]

• In de Episood Blitzgiving in Staffel soss schall Steve oder ?De Blitz“ mehrere Tallen na sien Wahl seggen. He wahlt 4, 8, 15, 16, 23 un 42 ut. Speelt warrt de Rull vun Jorge Garcia , de in de Feernsehreeg Lost as Hugo ?Hurley“ Reyes to sehn is un dor jummer wedder mit de glieken Tallenreeg in Verbinnen brocht warrt.

• De letzte Szeen, in de de Kinner jemehrn Vadder kloor maken doot, dat sik sien Vertellen de hele Tiet um sien Leev to Robin dreiht hett, is al acht Johren vorher wiel de tweeten Staffel opnahmen worrn. De Grund weer, dat de beiden Dorstellers vun de Kinner an’t Enn vun de Reeg al to oolt utsehn harrn ^[15]

• For de Reeg weern toeerst blots acht Staffeln plaant. Wegen de hogen Inschalttallen is de neegte dorto kamen. De Verdraag vun de Schrievers un Schauspelers lopen dorum egentlich al 2013 ut, un de Geschicht weer an sik ok blots for dissen Duer utleggt ^[16] .

Borns [ annern | Bornkood annern ]

1. ↑ William S. Paley TV Fest: How I Met Your Mother op IGN.com (Webarchiv) , afropen an’n 14. Mai 2018
2. ↑ http://featuresblogs.chicagotribune.com/entertainment_tv/2007/01/how_i_met_your_.html
3. ↑ Alyson Hannigan perfekt schwanger , op gala.de; afropen an’n 15. Mai 2018.
4. ↑ Brian Lowry: How I Met Your Mother op Variety.com vun’n 18. Mai 2005 (Webarchiv); afropen an’n 15. Mai 2018
5. ↑ Christian Buß : Meister des miesen Timings , Spiegel, 12. September 2008 (afropen an’n 16. Februar 2012)
6. ↑ ?How I met your mother“-Finale? So enttauschend! . In: focus.de . 28. August 2014, afropen an’n 29. August 2014
7. ↑ Sarah Stendel: Liebe HIMYM-Macher, war das euer Ernst? . In: stern.de . 28. August 2014, afropen an’n 29. August 2014
8. ↑ Christina Kuhnel: Ach, Ted ? ich hatte dir ein anderes Ende gegonnt! . In: t-online.de . 29. August 2014, afropen an’n 29. August 2014
9. ↑ Jurgen Schmieder: Zeit fur die Richtige . In: sueddeutsche.de . 1. April 2014, afropen an’n 29. August 2014
10. ↑ Bernd Michael Krannich: How I Met Your Mother: Alternatives Serienende auf DVD . In: serienjunkies.de . 5. April 2014, afropen an’n 29. August 2014
11. ↑ Nellie Andreeva: ‘How I Met Your Mother’ Spinoff Officially A Go At CBS With Pilot Order op Deadline.com vun’n 15. November 2013; afropen an’n 16. November 2013
12. ↑ Matthias Kohlmaier: Dad wird nicht gesucht , Sueddeutsche.de, 14. Mai 2014; afropen an’n 4. Juni 2014
13. ↑ Deadline: New ‘How I Met Your Mother’ Dad Spinoff In Works With ‘This Is Us’ Writing Duo vun’n 14. Dezember 2016; afropen an’n 15. Mai 2018
14. ↑ Nellie Andreeva: ‘How I Met Your Father’: Alison Bennett Tapped To Write New ‘HIMYM’ Spinoff vun’n 11. August 2017; afropen an’n 15. Mai 2018
15. ↑ Kinder waren sonst zu alt: "How I Met Your Mother"-Ende schon vor Jahren gedreht op rp-online.de vun’n 20. Januar 2014; afropen an’n 15. Mai 2018
16. ↑ How I Met Your Mother: CBS verhandelt um 9. Staffel Christian Junklewitz op serienjunkies.de vun’n 16. Juli 2012; afropen an’n 15. Mai 2018

Weblenken [ annern | Bornkood annern ]

• How I Met Your Mother in de Internet Movie Database (engelsch)
• Offizielle HIMYM- Websteed vun CBS
• Episodenguide op serienjunkies.de