Heinrich Louis d’Arrest (* 13. August 1822 in Berlin ; † 14. Juni 1875 in Kopenhagen ) weer en duutsch - daansch Astronom , de in Duutschland un Kopenhagen warkt hett. He hett mehrere Kometen , den Asteroiden (76) Freia as ok 342 Deep-Sky -Objekte opdeckt. Dorover herut weer he Mitopdecker vun den Planeten Neptun . He is vor allen dor sien Forschungen over Asteroiden un Kometen bekannt wurrn, he weer aber ok wesentlich an dat Entslooteln vun Galaxienhopen bedeeligt.

Herkunft [ annern | Bornkood annern ]

Heinrich Louis d’Arrest sien Vorfohren weern franzoosch Hugenotten , de 1685 nah Upheven vun den Edikt vun Nantes nah Duutschland flucht weern. Sien Vader weer Rechnungsraat vun de Franzoosch Kolonie Louis d'Arrest .

Leven [ annern | Bornkood annern ]

D’Arrest studeer Mathematik an de Universitat Berlin . In disse Tiet nehm he astronoomsch Bereeknungen un Himmelsbeobachtungen vor. An’ 9. Juli 1844 hett he en Kometen beobacht, de sien Opdecken aber den Franzosen Mauvais tospraaken wurrn, de den Kometen twee Daag vordem wohrnommen harr. An' 28. Dezember 1844 hett d’Arrest denn en wiederen Kometen opdeckt.

1845 wurr he Assistent vun Johann Franz Encke an de Berliner Steernwacht . Gemeensam mit Johann Gottfried Galle hett he an' 23. September 1846 den Planeten Neptun opdeckt. Galle un d’Arrest hemm den Himmel systematisch nah de Angaven vun den Franzosen Urbain Leverrier dorsocht, de de Positschoon vun den Planeten anhand vun Bahnstorungen vun den Uranus bereekent harr.

1848 is d’Arrest to de Steernwacht vun de Universitat Leipzig in Pleißenburg wesselt. Hier fung he mit en systemaatsch Positschonsbestimmung vun neblig Objekten an. 1850 wurr he to'n Ehrendokter vun de Philosophischen Fakultat vun de Universitat Leipzig nommt, 1851 habiliteer he suck hier. An' 28. Juni 1851 hett he den perioodschen Kometen 6P/d’Arrest opdeckt. In' glieker Johr hett he en Afhanneln over de Bahnen vun Luttplaneten herutbrocht. In dat Frohjohr 1852 wurr he, um en Weggang nah Washington, D.C. to verhinnern, to'n außerordentlichen Perfesser vun de Astronomie nommt. D’Arrest hett dat Uprichten vun en nee Steernwacht in dat Leipziger Johannistal up den Weg brocht un fordert.

In' September 1857 hett d’Arrest Leipzig verlaaten un wurr ordentlich Perfesser for Astronomie an der Universitat Kopenhagen . Mit dat Feernrohr vun de Kopenhagener Sternwacht, dat en en Apenwiet vun 27,5 cm harr, hett he sien Beobachtung vun neblig Objekte fortsett un hett mehrere hunnert Galaxien , Sternhopen un Gasnevel opdeckt. Sien Beobachtungen hett he in dat 1867 rutbrocht Wark Siderum Nebulosorum Observationes Havnienses tosommenfaat. An' 21. Oktober 1862 hett he den Asteroiden (76) Freia opdeckt.

For de Fackwelt beduutsamer weer sien Utforschen vun den Coma-Galaxienhoopen , den he 1861 bit 1867 dor systematisch anleggt Beobachtungen analyseeren dee. Dat Kopenhagener Feernrohr harr en for disse Zwecke ideal Gesichtsfeld . Etwa 30 Johr later hett Max Wolf disse Forschungen dor in Heidelbarg upnommen, deep in den Ruum recken Fotografien vun den Coma-Hoopen erganzt.

D’Arrest hett in sien letzt Levensjohren stark unner Hypochondrie leeden. He is in dat Oller vun 52 Johren an Hartverseggen storven.

For sien Leistungen kreeg he tallriek Utteknungen un Ehrungen (1875 Goldmedaille vun de Royal Astronomical Society ). He weer Liddmaat vun de Akademie vun de Wetenschapen vun Daanmark , Sweden , Sankt Petersburg un Munchen , de britisch Royal Astronomical Society un Rddter vun de daansch Dannebrog-Orden .

To sien Gedenken wurrn de Maandkrater D’Arrest , de Krater D’Arrest up den Marsmaand Phobos as ok de Asteroid (9133) d’Arrest nommt.

Familie [ annern | Bornkood annern ]

An' 4. November 1851 hett he in Leipzig de Dochter vun den Astronomen un Mathematiker August Ferdinand Mobius , Auguste Emilie Mobius (* 19. Oktober 1822 in Leipzig; † 28. Dezember 1897 in Kopenhagen) heiraadt, mit de he en Dochter (Doris Sophie, * 5. Marz 1853) un en Sohn (Louis, * 31. Marz 1855) harr.

Literatur [ annern | Bornkood annern ]

• Ernst Zinner: d’Arrest, Heinrich Louis. In: Neue Deutsche Biographie (NDB). Band 1, Duncker & Humblot, Berlin 1953, ISBN 3-428-00182-6 , S. 398
  • Zweites Supplementheft zur Vierteljahrsschrift der astronomischen Gesellschaft, Jahrgang IV, S.1 , Nahroop

Weblenken [ annern | Bornkood annern ]

Heinrich Louis d’Arrest . Mehr Biller, Videos oder Audiodateien to’t Thema gifft dat bi Wikimedia Commons .

• Warken vun H. L. d’Arrest in dat Astrophysics Data System
• J.C. Adams: Address, Delivered by the President, Professor Adams, on presenting the Gold Medal of the Society to Professor Heinrich D'Arrest. Monthly Notices of the Royal Astronomical Society, Vol. 35 (1875), pp. 265?276 (Laudatio to'n Anlaat vun dat Verleehn vun de Goldmedaille, engelsch)
• N.N.: D’Arrest. Astronomical register, Vol. 13 (1875), pp. 207?208. (Nahrooop, engelsch)
• N.N.: Heinrich Louis D’Arrest Monthly Notices of the Royal Astronomical Society, Vol. 36 (1876), p. 155. (Nahroop, engelsch)
• Martin Schneider: Heinrich Louis d’Arrest In: Sachsische Biografie. Herutgeven vun dat Institut fur Sachsische Geschichte und Volkskunde.