Vun
Hartslappde
oder in'e Fackspraak
Hartinsuffizienz
warrt snackt, wenn dat
Hart
nich richtig arbeiden deit un dat nich schafft, dat
Blood
, wat dat Lief bruken deit, dorhen to pumpen, wo dat henmutt, ohn, datt de Druck in de
Vorhove
hooch geiht.
[1]
[2]
De Begreep
Hartslappde
passt nich ganz akraat to dat, wat hier vorliggen deit. Denn bi Hartslappde hannelt sik dat nich bloß dor um, datt dat Hart vunwegen sien Krankheit nich mehr richtig pumpen kann (
systoolsche Hartinsuffizienz
) oder datt de
Hartmuskel
man af is. Nee, dat kann ok angahn, datt dat Hart woll good pumpen kann, un de Hartkamer warrt leifig leddig pumpt, man achternah klappt dat mit dat Upfullen nich, vunwegen dat de Hartmuskeln nich loslaat un Bott geevt (
Diastoolsche Hartinsuffienz
).
En akute, swaare Hartslappde warrt towielen
Hartverseggen
nommt. Sunnerlich up
Dodenschiene
bi de
Liekenschau
warrt dusse Begreep faken bruukt, ofschoonst nich kloor fastleggt is, wat he akraat beduden deit. Kritikers meent,
Hartverseggen
stunn sunnerlich vundeswegen faken as Grund up'n Dodenschien, wiel amenn bi jedeen Doden dat Hart mol uphoort hett, to slahn. De Krankheit, de den Dood wurklich brocht hett, warrt avers faken gor nich groot unnersocht.
- ↑
Felix Anschutz:
Herzinsuffizienz
, Aesopus-Verlag, Basel und Wiesbaden 1984, 164 Seiten,
ISBN 3-87949-095-3
.
- ↑
Felix Anschutz:
Die chronische Herzinsuffizienz
, Aesopus Verlag,
Basel
1988, 172 Seiten,
ISBN 3-905031-12-4
.