Ferdinand IV. (* 8. September 1633 in Wien ; † 9. Juli 1654 in Wien), boren as Ferdinand Franz , ^[1] ut dat Huus Habsborg , weer vun 1653 bit 1654 roomsch-duutschen Konig un scholl dor Nafolger vun sien Vadder Ferdinand III. as Kaiser vun dat Hillge Roomsche Riek mit weern. Dor harr sien Vadder sik achter klemmt. Man he is al an Pocken sturven, as sien Vadder noch leben do. Al 1646 weer he Konig vun Bohmen wurrn un 1647 is he to'n Konig vun Ungarn un Kroatien maakt wurrn.

Leven [ annern | Bornkood annern ]

Erzhartog Ferdinand IV. weer de ollste Sohn vun Kaiser Ferdinand III. un den siene eerste Fro Maria Anna vun Spanien . He weer al bestimmt to sien Vadder sien Nafolger, as 1652 en Reeg vun Kurforsten an den Hoff na Prag kamen sund un mit den Kaiser afsnackt hefft, he scholl to'n roomsch-duutschen Konig wahlt weern. An'n 31. Mai 1653 weer dat so wiet un he is wahlt wurrn. An'n 18. Juni hett de Philipp vun Schonborn , Kurforst un Erzbischop vun Mainz , em in Regensborg kroont. Man al een Johr later is he an de Pocken sturven. Sien jungern Broder Leopold I. ruck denn an siene Stae na.

Ofschoonst he den Titel Roomschen Konig harrt hett, is he nie nich Herrscher vun dat Hillge Roomsche Riek ween. He weer de Kroonprinz , man he is al een Johr vor sien Vadder sturven, de em 1657 folgen do. Tolest is sien jungern Broder Leopold 1658 to'n Kaiser wahlt wurrn.

Dood [ annern | Bornkood annern ]

As Ferdinand an'n 9. Juli 1654 in Wien sturven weer, is siene Lieke noch an'n sulvigen Avend upsneden wurrn. Denn hefft se em inbalsemeert un up en Schaubett apentlich utstellt. Ok de Beker mit sien Hart weer up dat Schaubett utstellt. En Dag later is Klock 9 an'n Avend dat Hart in de Augustinerkarken bi de Hoffborg brocht wurrn. Dor is dat denn in en eenfache Fierstunne in de Loretokapell bisett wurrn. ^[2] Vunwegen dat Ferdinand de Madonna vun Loreto verehren do, harr he in sien Testament befahlen, sien Hart scholl in dusse Kapell begraven weern. Dor hett he den Anfang vun de Traditschoon mit maakt, dat ok de annern Habsborgers na em ehre Harten in en Urn dor begraven laten hefft. Dat Lief is na en poor Dage mit allerhand grootordige Troerfiern tolest in de Kapuzinergruft bisett wurrn.

Literatur [ annern | Bornkood annern ]

• Frank Huss: Der Wiener Kaiserhof. Eine Kulturgeschichte von Leopold I. bis Leopold II. Gernsbach: Katz 2008.
• Frank Huss: Verhinderte Herrscher. Vierzig tragische Kronprinzen und ihre Schicksale. Greiz: Konig 2011.

Belege [ annern | Bornkood annern ]

1. ↑ http://genealogy.euweb.cz/habsburg/habsburg4.html
2. ↑ Die Herzgruft der Habsburger , togrepen: 5. November 2011