Fausto Coppi

Fausto Coppi (* 15. September 1919 in Castellania ; † 2. Januar 1960 in Tortona ) weer en italieensch Radrennfohrer un dreefak Weltmeester. Coppi, de ?il Campionissimo“ (?Weltmeester vun de Weltmeester“) nommt wurr, weer en vun de spoodrieksten un popularsten Radfohrer in de Historie. He wunn tweemal de Tour de France un fievmal den Giro d’Italia .

Radsport-Loopbahn [ annern | Bornkood annern ]

Sien eersten grooten Spood harr Coppi all 1940, as he mit man blots 21 Johren eerstmals de Giro d’Italia wunn. Dorbi hett he vun dat Unnerstutten dor sien dormalig Teamkollegen Gino Bartali profiteert, de een Johr vorher den Giro wunnen harr. 1942 hett Coppi en neen Stunnweltrekord (45,871 km) upstellt, de 14 Johr lang Bestand hemm sull, bit Jacques Anquetil hum 1956 verbetert hett. Later hett Coppi ingestahn, bi disse Rekordfohrt mit Amphetaminen dopt ween to hemm. ^[1] Sien volversprekend Karriere wurr dor den Tweeten Weltkrieg unnerbraken. Eerst 1946 kunn he weer Rennen fohren. Dat keem dornah to en Siegesserie, de eerst vun Eddy Merckx overdrapen wurrn kunn.

Tweemal, 1949 un 1952, wunn Coppi as eerst Rennfohrer dat begehrte ?Double“, also nah’nanner de Gesamtwertung vun den Giro d’Italia un Tour de France in een Johr. Fiev mal wunn de ?Campionissimo“ den Giro. Gemeensam mit Alfredo Binda un Eddy Merckx hollt he dormit den Rekord. Fausto Coppi dominier aber ok de swoorsten Eendagsrennen, ok wenn he in‘ Sprint nich ganz so stark weer. He wunn fievmal de Lombardei-Rundfohrt , dreemal Mailand?Sanremo un eenmal Paris?Roubaix . Dorto wurr he 1953 Straten-Weltmeester. In dat sulvig Johr wurr he vun de Verantwortlichen vun de Tour de France nich inlaaden, dor se bang weern, dat dat apenlich Interesse an de Tour bi Coppi sien Dominanz toruchgahn kunn.

Rivalitat mit Bartali [ annern | Bornkood annern ]

De aktiv Tiet vun Fausto Coppi wurrd as Anfang vun de ?golden Tiet vun den Radsports “ betekent. En wichtig Faktor for disse Inschatzung stellt de Konkurrenz vun Coppi mit den fiev Johr olleren Gino Bartali dor. Mit Bartali un Coppi sund de beid woll grottsten italieensch Radrennfohrer vun hor Tiet upnanner drapen ? un dat entwickel suck de beruhmte Rivalitat in de Radsporthistorie, un de riesig italieensch Fangemeend deel suck in de Lager vun de ?Bartalisten“ un de ?Coppisten“.

Privates un Dood vor de Tiet [ annern | Bornkood annern ]

Coppi sien Loopbahn weer aber ok vun Schicksalsslaag praagt: 1951 is sien jungere Broer Serse , ok Radrennfohrer, nah en Storrt to Dood kommen, un ok sien beid Susters sund jung an Johren storven. Fausto sulvst hett suck in sien Karriere ok talllos Knakenbrook un swoor Verletzungen totrucken.

1953 wurr publik, dat Coppi sien Ehefru verlaaten harr, um mit de ebenfalls verheiraadt Giulia Occhini, de so nommt ?dama bianca“, tosommen to leven. In dat Italien vun de 1950er Johren weer disse Liaison, ut de en Sohn, Faustino, stamm, en Schandaal. Sulvst de Paapst hett apenlich fordert, dat Coppi weer to sien Fru toruchkehren sull. Beid wurrn wegen Ehebrook un, wiel se suck wiegert hebbt, de Beziehung to beenden, to Bewahrungsstraaf veroordeelt. Enn‘ 1959 hett suck Fausto Coppi bi en Rennen in dat afrikaansch Obervolta mit Malaria anstaken. Nah sien Ruckkehr nah Italien is de Krankheit utbraken, de Erreger wurr in dat Krankenhuus eerst nich erkannt un Coppi is doran mit blots 40 Johren storven.