Diederich Georg Babst
(*
24. Juli
1741
in
Swerin
; †
21. April
1800
) weer en plattduutschen Schriever.
Babst weer op de Doomschool in Swerin un denn op’t Gymnasium in
Lubeck
, denn vun wegen den
Sovenjohrigen Krieg
muss siene Familie ut Swerin rut. He hett Juristeree in
Rostock
studeert un as Prokerator un Notar an Gericht arbeidt. Sien eerst plattduutsch Wark weer
De Rekrut
, de 1788 anonym rutkeem un in den en Suldot in Brefen an siene Greth den Intog vun Hertog
Friedrich Franz I.
vun Meckelborg in Rostock schillert. Sien grottst Wark weer dat Book
Allerhant snaksche Saken tum Tietverdriew
, in dat he dat Leven in de Stadt Rostock in 86 Riemels beschrieven dee. Anners as bi
Johann Heinrich Voss
, mit den tohoop he to de eersten hoor, de wedder
Plattduutsch
in de Literatur bruukt hebbt, is sien Wark noch veel duller vun de Spraak vun dat eenfache Volk praagt.
1812 hett sien Sohn 46 Riemels vun sien Vader mit en plattduutsch
Ingang
vun em sulvst nee rutgeven un dat Book
Uhterlesene Pladdutsche Gedichte
noomt. De Utgaav vun Stiller 1843 bringt 56 vun siene Riemels.
1820 hett
Goethe
em sogor enen groten ?Natur- und Nationaldichter“ noomt. Nich blots as Dichter warrt he good ansehn, dat is ok sien Verdeenst, Kunn vun dat Leven un Fiern in de ole Rostocker Tiet to geven, de ans al lang vergeten wesen weer.
- Allerhant snaksche Saken tum Tietverdriew.
Muller, Rostock 1788/90
- Uhterlesene Pladdutsche Gedichte.
Muller, Rostock 1812
- Allerhant snaksche Saken tum Tietverdriew.
Stiller, Rostock 1843
- De Intog, den unser Herr Herzog Friederich Franz mit sine lewe Fru Gemahlin Louise to Rostock gehollen, in dree Schriewels von ehnem Recruten an sine Greth up den Lande.
Muller, Rostock 1788
as Jurist op Hoochduutsch rutgeven:
- Repertorium des grundgesetzlichen neuen Rostockschen Erb-Vertrages