buten un binnen
is dat Regional- un Lokalmagazin vun
Radio Bremen
for dat
Land Bremen
mit de Stader
Bremen
un
Bremerhoben
.
Dat Magazin kummt vun Radio Bremen, de apentlich-rechtliche Rundfunkanstalt for Bremen. Dat loppt jeden Dag avends halvig acht op
Radio Bremen TV
. Den annern Dag warrt dat morgens halvig olven op Radio Bremen TV un op
NDR-Feernsehn
noch wedder wiest. Dat Magazin wiest allens over dat polietsche un kulturelle Leven in dat Land Bremen. Moderators vun
buten un binnen
, de sik jede Week afwesseln doot, sund Michaela Herold, Mareike Schomerus, Andreas Neumann un Hans Jessen. Jessen hoort siet September 2006 dorto, nadem he vorher as Redaktor vun Radio Bremen in dat ARD-Hooftstadtstudio arbeidt hett. Bet Enn April 2006 hoor Andreas Hoetzel to de Moderatornkru. Vun Oktober 2003 bet September 2004 harr buten un binnen jede Week en ?Leed vun de Week“. To aktuelle un regionale Themen mook de Bremer Musiker Mark Scheibe, de tovor bi
Extra 3
as Pianist in’t Studio weer, satiersche Musikvideos.
De plattduutsche Naam vun dat Magazin,
buten un binnen
, is anlehnt an dat Motto vun de Bremer Koopluud
buten un binnen ? wagen un winnen
, dat upschreven steiht over dat Portal vun den
Schutting
an'n Bremer Marktplatz.