Borislav ?Bora“ Kosti? (* 24. Februar 1887 in Vr?ac , Banat , Oosterriek-Ungarn , huud Serbien ; † 3. November 1963 in Belgrad ) weer en beduudend jugoslaawsch Schachmeester .

Leven [ annern | Bornkood annern ]

Kosti? hett dat Schachspeel eerst mit 16 Johren lehrt. Wiels sien Studium in Wien un Budapest harr he sien eerst Erfolge. 1910 wunn he Wettkampe gegen Frank James Marshall (+1, =2) un Paul Saladin Leonhardt (+3 =1 ?1). Sein eerst internatschonal Turnier speel he 1911 in San Remo , wo he suck mit Dawid Przepiorka Platz 4 un 5 deelen dee. Sien nachst groot Turnier weer Karlsbad 1911, dor keem he aber over en deelten 19. Platz nich herut. Wiels den Eersten Weltkrieg is Kosti? nah Suudamerika oversiedelt un speel hooftsachlich Wettkampe gegen suudamerikaansch Meester. In Buenos Aires 1913 hett he Roland Ilia 6:0 slahn, in Rio de Janeiro Vilageza 8:1, in Santiago de Chile Martinez Lopez 7:0 un in Lima Fernandez Coriha 7:0. Vun 1915 bit 1919 hull he suck in de USA up. Ok dor is he up stark Speler drapen: In Frankfort / Kentucky 1916 wunn he en Wettkamp gegen Jackson Whipps Showalter mit 9,5:4,5 (+7 =5 ?2). 1918 wurr he bi en Turnier in New York Tweet achter den lateren Weltmeester Jose Raul Capablanca , aber noch vor Marshall un Oscar Chajes . 1919 weer he Capablanca in Havanna in en Wettkamp mit 0:5 unnerleegen. Nahdem de Krieg vorbi weer, kehr Kosti? toruch nah Europa . 1919 wurr he Tweet (achter Capablanca, aber vor Georg Alan Thomas un Frederick Dewhirst Yates ) in Hastings , 1920 deelt Tweet in Bromley , 1921 Eerst in Gyula un Hastings.

In de Johren 1924 bit 1926 hett Kosti? en Weltreis maakt, de he suck mit Simultan- un Blindschachvorfuhrungen betallen dee. He weer dorbi in Australien , Suudafrika , Indien , de Philippinen un anner exotische Lanner, um dor Schach to spielen. Tallriek Partien ut disse Tiet hemm suck erhollen.

As he weer in Europa weer, hett he ok weer an de beduudenst Turnieren deelnommen. In de Johren 1927 in London , 1931 in Prag , 1935 in Warschau un 1937 in Stockholm hett he Jugoslawien up Schacholympiaden vertreeden ^[1] , buterdem hett he ok an de inoffiziellen Schacholympiaden 1926 in Budapest un 1936 in Munchen (bi de he dat beste Eenzelergevnis an dat sosste Brett recken dee) deelnommen. ^[2] 1928 wunn he in Tren?ianske Teplice (vor Endre Steiner , Friedrich Samisch un Rudolf Spielmann ). 1935 wurr he bi de eerstmals utspeelt jugoslaawsch Meesterschap in Belgrad Eerst gemeensam mit Vasja Pirc . Sien grottsten Turniererfolg fier he 1938 in Ljubljana , as he vor Laszlo Szabo , Savielly Tartakower un Lajos Steiner wunn.

Nah dat Enn’n vun den Tweeten Weltkrieg , den he tietwies ok in Konzentratschonslager verbrocht hett, kunn he an de Vorkriegserfolge aber nich mehr anknutten. He nehm woll noch bit 1950 an eenig natschonalen Turnieren deel, harr dorbi aber nich vol Spood. 1962 hett he noch en Veteranenturnier in Zurich gemeensam mit Henry Grob wunnen.

Sien best historsch Elo-Tall weer 2706. De reck he in’n Mai 1921. To disse Tiet weer he de sossbeste Speler up de Welt. ^[3] . Vun de FIDE kreeg he 1950 den Titel Grootmeester tospraken.

Literatur [ annern | Bornkood annern ]

• Du?an Bu?an, Petar Trifunovi?, Aleksandar Bo?i?: Ambasador ?aha. Hronika o velemajstoru Bori Kosti?u , Belgrad 1966.
• Alfred Diel : Globetrotter des Schachspiels. In: Kaissiber Nr. 25 (2006), S. 56?57.

Weblinks [ annern | Bornkood annern ]

• Indrag bi chessgames.com (engelsch mit Bild

Enkeld Nahwiesen [ annern | Bornkood annern ]

1. ↑ Boris Kosti? sien Ergevnisse bi Schacholympiaden up olimpbase.org (engelsch)
2. ↑ Boris Kosti? sien Ergevnisse bi inoffiziellen Schacholympiaden up olimpbase.org (engelsch)
3. ↑ Borislav Kosti? sien historsch Elo-Zahl bi chessmetrics.com (engelsch)