BBC Alba
is en digitalen Feernsehsenner, de op
Schottsch-Gaalsch
sennen deit. Bedreven warrt de Senner vun de
BBC
un
MG ALBA
. Freedag, den 19. September 2008, Klock 9 avends hett BBC Alba dat Sennen anfungen. De Senner hett en Budget vun 12,4 Millionen
britische Pund
(2008/2009).
De Senner hett jeden Dag en Programm vun bet to soven Stunnen. He is in ganz Grootbritannien over
Satellit
(
Sky Digital
un
Freesat
) to kriegen. In Tokumft schall de Senner ok over dat digitale Antennenfeernsehn (
Freeview
) in Schottland to kriegen wesen un ok op
Virgin
in’t
Kavelfeernsehn
lopen.
Dat gaalsche Programm op
BBC Two Scotland
schall eerstmal wiederlopen, tominnst bet BBC Alba ok over dat digitale Antennenfeernsehn to kriegen is.
BBC Alba wiest mit
An La
jeden Dag en gaalsch Narichten-Programm vun 30 Minuten. De Senner kunzentreert sik unner annern op schottschen Sport un deit veel vun
Football
,
Rugby
un
Shinty
berichten. Ok dat Europa-Magazin
Eorpa
un dat Kinner-Magazin
De a-nis?
, de vorher al op BBC Two Scotland lepen, warrt wiest.
De Senner hett veer Studios in Schottland, in
Stornoway
,
Glasgow
,
Inverness
un
Portree
.
