En Akronym ( greeksch ακρων?μιο , vun ?κρο?, akros - de Topp, de Rand un ?νυμο?, onymos - de Naam ) is en Afkorten , de as egen Woort utspraken warrt, bi de de Bookstaven also nich enkelt spraken warrt. Bispelen sund NATO for N orth A tlantic T reaty O rganization (Organisatschoon vun den Noordatlantikverdrag) oder de DAX for D eutscher A ktieninde x (Duutsch Aktienindex).

En Sunnerfoorm is dat Apronym , wat en Akronym is, dat en Woort billt, dat al existeert (to'n Bispeel de elektroonsche Stuerverkloren ELSTER ( El ektronische St euer er klarung), wobi Elster ok dat hoochduutsche Woort for Heckster is). De Schrievwies vun Akronymen besteiht mehrst ut en Reeg vun Grootbookstaven, de de Anfangsbookstaven vun de Bestanddelen betekent, ut de sik dat Akronym tosamensett. In en poor Fall hett sik mit de Tied ok en luttschrevene Schrievwies rutbillt, de de vun normale Woor gliekt (to'n Bispeel Radar oder Aids ). Wiels Akronymen (anners as de mehrsten Afkorten) ahn afsluten Punkt schreven warrt, is in disse Fall nich to erkennen, dat dat Kunstwoor sund.