Wat passeert is [ annern | Bornkood annern ]

• 3. Mai : De osmaansche Armee kummt mit 200.000 Man un 300 Kanonen in Belgrad an. Den Winter harr se in Edirne tobrocht. Sultan Mehmet IV. gifft dat Boverst Kummando an sien Grootwesir Kara Mustafa Pascha. Later in Stuhlweißenburg (Szekesfehervar / Ungarn ) warrt bekannt geven: Dat schall nu na Wien to gahn
• 7. Juli : Vun den Stroom Raab ut kaamt de tataarschen Vortruppen mit 40.000 Mann bit na Petronell , wat 40 km in'n Oosten vun Wien liggt. Na dusse Gefechten neiht Kaiser Leopold I. mit siene Familie ut un geiht na Linz . Graaf Ernst Rudiger von Starhemberg stellt sik an de Spitz vun de Truppen in de Hooftstadt.
• 14. Juli : De Hooftarmee vun dat Osmaansche Riek langt mit 300.000 Mann in Wien an. Dat gifft knapp 10.000 Mann, de de Stadt verdeffendeern konnt.
• 15. Juli : Wien lehnt de Kapitulatschoon af. Vun nu af an warrt de Stadt to'n tweeten Mol in ehre Geschicht (na 1529 ) belagert. Eerst later slutt sik de Kaiser mit Polen , Bayern un Sassen tohopen.
• 15. August : De poolsche Konig Jan Sobieski geiht mit siene Armee vun Krakau ut los un maakt sik up’n Weg na Wien .
• 12. September : Unner den poolschen Konig Jan Sobieski slaht de Bundsgenoten vun den Kaiser de Osmanen bi de Slacht an'n Kahlenberg . Wien is dormit reddt, de Torken mutt aftrecken.
• 25. Dezember : De Osmaansche Sultan Mehmet IV. lett den Boversten Befehlhebber vun de torkschen Truppen vor Wien, den Grootwesir Kara Mustafa Pascha de Luft afkniepen. He meent, de weer dor Schuld an, dat ut dat Innehmen vun Wien nix wurrn is.

Boren [ annern | Bornkood annern ]

• 23. Januar : Christoph Graupner , duutsch Komponist († 1760 )

Storven [ annern | Bornkood annern ]

• 19. Marz : Thomas Killigrew , engelsch Dramatiker un Theatermanager (* 1612 )
• 22. Oktober : Philips Angel (van Middelburg) , nedderlannsch Maler (* 1616 )