't Zuudwest-Noord-Dreents (ok Stellingwarfs enuumd) is ien van de dialectgroepen die as ze binnen 't Dreents onderscheidt (waorbi'j 't Dreents wordt eziene as 't gehiel van Nedersaksische dialecten binnen Drenthe ).

Verspreiding [ bewark | bronkode bewarken ]

't Zuudwest-Noord-Dreents praot ze ien 't grootste diel van de gemiente Westerveld , kleine stokken van de gemientes Midden-Drenthe en Noorderveld en een smalle strepe van de gemiente Moppelt . 't Gebied omvat dizze plaetsen:

Ien de Friese gemientes Weststellingwarf en Ooststellingwarf en de Oaveriesselse gemiente Stienwiekerlaand praot ze vorms van 't Nedersaksisch die as, samen mit 't Zuudwest-Noord-Dreents, Stellingwarfs enuumd wordt.

Kenmaarken [ bewark | bronkode bewarken ]

De 'ae'-klaank [ bewark | bronkode bewarken ]

Ien 't Zuudwest-Noord-Dreents gebruukt ze de klaank ae (langrekte ee) ien bepaolde woorden, waor ze ien 't noorden van Drenthe ao zegt en ien de rest van 't zuden aa . Een paer sjibbolets bint: Mit de bokkewaegen hen De Smilde jaegen en 't Waeter klaetert tegen de glaezen det 't zo daevert . Toch bint d'r - zoas ien de aandere Nedersaksische dialecten - veule woorden mit de ao -klaank, zoas gaon, staon, raod, taofel, vraoge .

Waarkwoordsuutgangen [ bewark | bronkode bewarken ]

Ien de Smildes ien de gemiente Midden-Drenthe is de waarkwoordsvervoeging zoas ien de Stellingwarven en Stienwiekerlaand: gien Saksisch ienhiedsmeervold op -t , mar -en ( wi'j, ie, zi'j jaegen ) en -en bi'j de twiede persoon enkelvold ( ie jaegen ). Et voltooid dielwoord hef daor gien e- ( hef jeugen ). Ien 't grootste diel van 't Zuudwest-Noord-Dreentse taelgebied gebruukt ze 't Saksisch ienhiedsmeervold wal ( wi'j, ie, zi'j jaegt ), en he'j -t bi'j de twiede persoon enkelvold ( ie jaegt ). 't Voltooid dielwoord hef daor een e- ( hef ejeugen, ejacht ).

Bronnen [ bewark | bronkode bewarken ]

• Darwinkel, Abel, Jan Germs en H. Slot (2005), Moi! Taalgids Drenthe , Assen: In Boekvorm Uitgevers bv