Uut Wikipedia, de vrye encyklopedy
n
Zunnesysteem
is n groep objekten dij om n bepoalde steern hin draaien.
In ons zunnesysteem draaien der 8 offisjele planeten om de
Zunne
:
Tot 2006 wuir
Pluto
ook as planeet zain. Noa n internatsjonoale konferensie in
Proag
wuir Pluto onthegen van zien titel as planeet, omdat er te veul verschilt van de aander planeten en der nog n hail inde planeten binnen dij op Pluto lieken. Der was dus n keus of man der n hail inde planeten bie deden, of aine minder. Veur de lestent is kozen.
Over t ontstoan van t zunnesysteem bestoan verschillende theorien. De theorie mit de maiste aanhang is de
spiroaltheorie
:
- Dou t
heelal
net vormd was en hail wat steerns al kompleet waren, draaide der n grode stofwolk om ozze zunne tou. Dizze platte, ronde
spiroal
draaide aal moar rond. Deur dizze
vrieven
ontstond n kracht woarmit de stofdailkes bie mekoar druk wuiren. Hierdeur ontstonden de keernen van de planeten en heur swoartekracht. Dizze swoartekracht trok de omliggende stofdailkes aan en vormde zo n planeet.
- De
vaste planeten
bestonden dou oet gleneg haite stovven as
magma
en
ieder
. Deur de kolle van t universum koelden zai of en vormden n korst/oppervlak.
n Andere theorie is de
botsenstheorie
:
- Deur t hierboven nuimde spiroalproces, wuiren allend leutje planeetkes vormd, ook wel bekend as
asteroiden
. Deur de swoartekracht van de
zunne
draaiden zai om de zunne hin. As dizze mit n andere asteroide botste, kwam der zo veul kracht vraai, dat baaide astroiden smolten en n keern vormden. Dizze keern trok andere asteroiden aan, dij ook in botsen kwam en smolt, enz.