n Stofzoeger is n apperaat woermet o-j t hoes kloar maakn koant. t Woarket vake met nen stoarkn elektromotor, den at ne grote sentrifugaalpoompe andrif. t Stof wordt dan in nen buul op evongn, of in nen bakn an de binnkaante van de mesiene slingerd.

Um en noabie 1900 wor n stofzoeger al oet eveundn, mear t doerdn nog tot ongevear 1960 tot ongevear iederene dr ene har. Doarvuur wordn kleedn aait of eveagnd, of boetn oet eklopt met nen matnklopper .

Herbert Booth [ bewark | bronkode bewarken ]

Herbert Booth (1871-1955) vreug zik of woerumme at de leu aait prebeerdn t smear vort te bloazn. Hee bedach det t volle makliker was um t op te zoegn en direkt in n toetn te doon. In 1900 maakn'e n eersn stofzoeger: de Booth Machine . Det was n deer van ne mesiene den't wal 50 kilo weug. Ze kreegn radkes oonder en wordn vuurt etrokn duur pearde . Zo gung t dan de huuze langs. t Apparaat bleef boetn en de slange gung duur t veanster noar binn. Dr was twee man neudig um t deenk te bedeenn. Eene um t hoes te doon, n aandern um de mesiene te bedeenn. Dit was vanzelf onmeundig priezig, dus allene rieke leu en bedriewe konn zonne buurte betaaln.

Latere oetveendings [ bewark | bronkode bewarken ]

t Eerste neet-elektrise model wor in 1869 ontworpn duur Ives W. McGaffey oet Chicago . Dit woarkn duur in nen learnen bal te kniepn, woerduur de locht de slange in ezeugn wor.
n Eerstn elektrisen was de hoover oet 1907, den oet eveundn wor duur n Amerikaansn Hoover Suction Sweeper Company. Den van Booth weug ongevear 50 kilo, terwiel at disn "nog mear" 20 kilo weug. t Deenk was feailik neet slim geweeld. t Bedrief mos dr met langs de duurn goan veantn um t deenk an te priezn. Hierduur sleug n stofzoeger ook oawer noar Europa . In Nederlaand wor'e machtig geweeld. In de joarn '30 har Nederlaand noar verhouding mear stofzoegers as Amerika.
Vanzelf kwamn dr de leste joarn nog lichtere modeln, wat zinne populariteit dee toonemn. n Bekeand soort stofzoeger is n krommeldief . Den is maklik in de haande te hooldn en bestemd vuur kleaine zoegbuurtn.
Seend 2000 beent dr ook stofzoegers dee-t zelfstandig n kamer roond goat. Disse woarket op nen accu , zodet ze neet zo hard zoegnt.

Neersassies [ bewark | bronkode bewarken ]

Zowal in Nederlaanse as in Duutse Neersassiese sproakgebeed is t woord huulbessem (met variaantn in oetspraoke en skriefwieze) bekeand. Dr beent dr volle dee dit woord ofwiest, umdet t neet echt gebroekt zol wordn, of umdet t allenig bestoan zol um skik te hebn met t Neersassies. ^{[1] [2]}

• Achterhooks :
  • stofzoeger
  • hoelbessem , huulbessem
• Dreents :
  • stofzoeger
  • hoelbessem
• Grunnegs : motzoeger
• Platduuts :
  • stofzoeger
  • hoelbessen
  • zoegbessen
• Stellingwarfs :
  • stofzoeger
• Tweants :
  • stofzoeger
  • huulbezem , -bessem
  • blearbessem
• Veluws : stofzuger , stofzoeger
• Sallaans : stofzoeger

Rifferenties [ bewark | bronkode bewarken ]

1. ↑ Olive heur blog: 'huulbessem' in Gelderlaand
2. ↑ Plattdutsk bi d'Arbeid oaver 'Huulbessem'