Uut Wikipedia, de vrye encyklopedy
Et
konvenant neadersassisk
(officiele neaderlandsktalige titel:
Convenant inzake de Nederlandse erkenning van de regionale Nedersaksische taal
) is een politik instrument uut 2018 voar erkenning en stimulering van de
neadersassiske taal
in
Neaderland
.
Et konvenant wordden up 10 oktober 2018 in et pervinsyhuus in
Zwolle
underteykend doar et
Ministery van Binnenlandske Saken
, de pervinsys
Gronning
,
Freeskland
,
Drente
,
Oaveryssel
en
Gelderland
, en de Fryske gemeyndes
Ouststellingwarv
en
Weststellingwarv
.
Et konvenant
"erkent de regionale taal neadersassisk as een weasenlik, vulwaerdig en sulvstandig underdeyl van de taalsystematik binnen Neaderland"
. De partyen geavt an um hoar in te spannen en in de mande te warken um et neadersassisk te beholden en et gebruuk dervan te bevorderen. Dit is alleynig neet rechterlik ofdwingbar.
In de tekst wordt benadrukt dat et konvenant neet bedoold is voar de totstandkoaming van nye verplichtings, mar voar bevordering van de taal doar 'de neadersassiske oaverheiden'. De minister van binnenlandske saken kan darby een anvullende rulle spoalen.
Et konvenant lopt voar unbepalde tyd, en de warking dervan wordt binnen twae jar na inwarkingtreading bekeaken.
Et neadersassisk was in 1998 al erkend under et
europeesk handvast voar streaktalen of minderheidstalen
. De taal is erkend under deyl II van et handvast, wat minder verplichtings tot behold en bevordering van de taal inholdt as deyl III (wat bevoarbeyld up et Freesk van toupassing is). Jarenlang hebbet de neadersassiske pervinsiale oaverheiden elobbyd by de ryksoaverheid voar erkenninge under deyl III, mar dar is et neet van ekoamen, voaral uut angst voar varregande verplichtings.
In plaatse darvan is der et
konvenant neadersassisk
ekoamen. Eyne van de bedingings is dat et behold en de bevordering van de taal neet tot nye wet- en regelgeaving mag leiden. Et konvenant wes up de moagelikheden dey der al bint under de hudige wetgeaving; de Wet up et primaire underwys bevoarbeyld steyt et al to umme les te geaven in een regionale taal of streaktaal war dey een levende taal is.