Republique de Cote d'Ivoire Reppubliek Ivoorkuste
Kaarte van Ivoorkuste
Informasie
Sproaken	Fraansk (offisjeel), Dioula , Baoule , Dan , Anyin en Cebaara Senufo en mear
Heufdstad	Yamoussoukro
Regeringsvorm	Republiek
Laand en inwonners
Oppervlakte - Water	322.463 km² 1,4%
Inwonners - Dichtheid	26.378.274 ( 2020 ) 81,8 inw./km²
Koordinaten	6° 51′ N , 5° 18′ W 6.85 -5.3 Koordinaoten: 7° N , 5° W
Oaverig
Volksleed	" L'Abidjanaise "
Munteenheid	West-Afrikaanse CFA frank ( (XOF) )
Tiedzone	GMT
Web | Kode | Tel.	.Ci | CI | 225

De Reppubliek Ivoorkuste , (De Regearing van Ivoorkuste hef gearne a'j t Republique de Cote d'Ivoire ? neumt), is n laand in West-Afrika . t Hef ne oppervlakte van 322.462 km² en ligt teegn Liberie , Guinea , Mali , Burkina Faso en Ghana an. Op t zuudn ligt t an de Golf van Guinea . In 1998 wonn dr in Ivoorkuste 15.366.672 ^[1] en wor eskatt op 20.717.068 in 2009 . ^[2] Leu oet Ivoorkuste neumt ze Ivoriaann .

Vuur at Ivoorkuste koloniseerd wor duur Europeaann, besteund t laand oet verskeaidene stoatn, zo as Gyaaman , t Kongriek , en Baoule . Dr warn twee Anyikeuninkriekn , Indenie en t Keuninkriek Sanwi , dee't vanof de kolonisasie tot an de onofhaankelikheaid van Fraankriek nog probeerdn um zelfstaandig te wordn. ^[3] n Verdrag van 1843 - 1844 maakn Ivoorkuste ne beskoarmeling van Fraankriek, en in 1893 wor t ne Fraanske kolonie, tiedns de Europese Wedloop um Afrika .

Op 7 augustus 1960 wor Ivoorkuste onofhaankelik. Van 1960 tot 1993 wor t laand leaidt duur Felix Houphouet-Boigny . t Oonderheuld nauwe baandn met de umlignde Afrikaanse laandn, en tegelieke ook met Europa, en dan vuural Fraankriek. Seend t eande van de regearing van Houphouet-Boigny is dr eenn stoatsgreep ewest in 1999 en nen Eersten Ivoriaansen Borgeroorlog , den't oetbreuk in 2002 . ^[4] Nen ofspraak tusken de regearing en de opstaandigen zorgen vuur vrea. ^[5]

Ivoorkuste is ne reppubliek met volle oetvoornde macht bie de Presideant. De wettelike heuwdstad is yamoussoukro en de grotste stad is de haawnstad Abidjan . t Laand is verdeeld in 19 strekn en 81 departemeantn. t Is n metlid van de Afrikaanse Unie , de Organisasie van Islamitiese Saamnwoarking , La Francophonie , de Latiense Unie , de Ekonomiese gemeenskop van West-Afrikaanse Stoatn en de Zuud-Atlantiese vrea- en saamnwoarkingszone .

De offisjele laandssproake is Fraansk , mer dr wordt zat aandere lokale sproakn sprokn, zo as t Baoule , Dioula , Dan , Anyin en Cebaara Senufo . De geleuwe met de meeste anhangers zeent Islam , Kristendom (Heuwdzakelik Rooms-Katholiek ) en verskeaidene inheemse geleuwe.

In de 60er en 70er joarn van t 20ste joarhoonderd boern Ivoorkuste good met koffie en Kakaoboonn . Mer duur ne krisis in de joarn '80 komn dr volle politieke en sosjale probleemn. De Ivoorkuste van t 21ste joarhoonderd mut t vuural hebn van de laandbouw.

Verwiezingn [ bewark | bronkode bewarken ]

1. ↑ Institut National de la Statistique, Bureau Technique Permanent du Recensement. Premiers resultats definitifs du RGPH-98 (Recensement General de la Population et de l’Habitation de 1998) . Abidjan, 2002.
2. ↑ The World Factbook . CIA Directorate of Intelligence . Bekekn op 8 augustus 2008. Skreewn op 24 July 2008.
3. ↑ Library of Congress. Library of Congress Country Studies . Bekekn op 11 april 2009. Skreewn in november 1988
4. ↑ Journal Officiel de la Republique de Cote d’Ivoire. Loi n° 2000-513 du 1er aout 2000 portant Constitution de la Republique de Cote d’Ivoire. Deel 42. 3 Augustus 2000. Bekekn op 7 augustus 2008. blz. 529?538
5. ↑ Presidency of the Republic of Cote d'Ivoire. Accord politique de Ouagadougou . Skreewn op 4 meart 2007. Bekekn op 7 augustus 2008.