Uut Wikipedia, de vrye encyklopedy
De
baltiske talen
binnet een subgrup binnen de
indo-europeeske
taalfamily
. Et antal spreakers wearldwyd wordt eskatted up so'n 7 miljoon.
De baltiske taalfamily had in et verleaden een grouter verspreidingsgebeed. De twey belangrykste noch leavende talen binnen disse grup binnet et
letsk
en et
litausk
, beide
oustbaltiske talen
dee esproaken wordet in de oavereynkumstige landen. Et
letgaalsk
hevt de status van officiele minderheidstaal in de letske provinsy
Letgallen
. De bekendste
westbaltiske
taal is et umstreaks 1700 uutestorven
oldpruussisk
.
Voaral et litausk is wat de
grammatika
angeyt een bysunder archaiske taal (under andere vanweagen et groute antal verbugingen), dee mid name starke oavereynkumsten vertoynt mid et
sanskrit
. Dit maakt et litausk ouk heyl geschikt as hulpmiddel by et rekonstrueren van et
proto-indo-europeesk
. Vergelyk de understande sinnen um een good beald te krygen:
Litausk
|
Oldpruussisk
|
Sanskrit
|
Neadersassisk
|
Dievas dav? dantis
|
Dewes does dantes
|
Devas adadat datas
|
God gav tanden
|
Dievas duos duonos
|
Dewes does geitka
|
Devas dat dhanas
|
God sal broud geaven
|
Vanweagen de starke oavereynkumsten tusken de baltiske en de
slaviske talen
wordde in et verleaden doar party taalkundigen so as
August Schleicher
en
Antoine Meillet
uutegan van een
baltoslaviske
protogrup binnen de indo-europeeske taalfamily of dialektgrup, war rund
3000 v. Chr
sowel de baltiske as de slaviske talen uut untstan sollen weasen. Dit idee is lykewels stark umstreaden.
- Sijs, Nicoline van der (1999). Taaltrots: Purisme in een veertigtal talen. Uitgeverij Contact, Amsterdam / Antwarpen