Australie , offisieel t Gemenebest van Australie, is n laand op t zudelik halfrond dat besteet oet et grootste stukke laand van t Australiese wealddeel en wieters oet t eilaand Tasmanie en nen besten trop kleinere eilaanden in de Indiese en Grote oceanen. Naoberlaanden bunt Indonesie , Oost-Timor en Papoea Ni'j Guinea in t noarden, de Solomon Eilanden , Vanuatu en Ni'j Kalledonie in t noardoosten en Ni'j-Zeelaand in t zuudoosten.

In et laand wont zo'n 22 miljoen leu, de meesten in de grote staeden kort bi'j zee. De heufdstad is Canberra . Sydney is de greutste stad van t laand. 't Eilaand Tasmanie , ten zuudoosten van t Australiese kontinent, is ontdekt deur den Grunninger Abel Tasman .

Veurdat Europeanen in t laand gingen wonnen op t ende van de 18e eeuwe, wonden der al zon 40000 joar leu, eurspronkelike Australiers (Australian Aborigines), dee't bi'j mekare zo'n 250 verskillende sproaken hadden.