Peppino dint'o 1977
Giuseppe Impastato,
ditto
Peppino
(
Cinisi
,
5 'e jennaro
1948
-
Cinisi
,
9 'e majo
1978
), fuje nu giurnalista, attivista e pueta
siciliano
.
Nascette 'a na famiglia 'e mafiuse ('o pate
Luigi
fuje mannato o cunfino all'ebbreca 'e Musullino, 'o zio e ati pariente pure erano mafiuse e 'o cainato d'o pate era 'o boss d'a
mafia
Cesare Manzella, acciso cu na' giulietta 'mbuttunata 'e tritolo 'o
1963
).
Quanno era guaglione se scuntraje ch'o pate ca 'o cacciaje 'e casa, e accussi accummenciaje n’attivita politico-culturale contro 'a mafia. 'O 1965 facette 'o giornale
L’Idea socialista
e trasette int'o
PSIUP
e accummenciaje a fa parte, comm'a diriggente, all'attivita d'e gruppe 'e
Nuova Sinistra
.
S'aunette e lotte d'e zappature ca evano avuto 'e tterre cunfiscate p'a costruzione d'a terza pista ell’aeroporto 'e Paliermo. 'O
1975
mettette assieme 'o gruppo Musica e Cultura, ca faceva cineforum, musica, triato, discussione, ecc.; 'o 1976 arapette
Radio Aut
, na radio libera a spese soje, addo accummenciaje a sbrevugna' 'e malefatte e 'e malaffare d'e mafiuse 'e Cinisi e Terrasini, primma 'e tutte d'o capomafia
Gaetano Badalamenti
, ca era nu capintesta d'o traffico internazionale 'e droga, pecche cummannava pure int'all'aeroporto. 'A trasmissiona ca avette cchiu pubblico fuje Onda pazza, addo se sfuttevano mafiuse e gente 'e guverno. 'O
1978
se appresentaje all'elezione int'a lista 'e
Democrazia Proletaria
p'o Comune.
Murette acciso int'a nottata 'ntra l’8 e 'o
9 'e majo
d'o 1978, int'a
campagna elettorale
, cu na carica 'e tritolo piazzata sotto a isso n'copp e binarie d'o treno. 'A ggente 'e Cinisi 'o votajeno e fuje eletto o
Cunziglio comunale
.
'E giurnaliste, 'e gguardie e 'e giudice dicetteno ca era stato 'n "atto terroristico" addo' isso fuje l’attentatore ca era rummaso acciso cu 'e manne soje; po' se truvaje pure na lettera 'e tanto tiempo primma addo' se puteva pensa' ca se vuleva accidere. 'Ell'assassinio o, comme se vulette fa credere, l'incidente, nun se ne parlaje assaje pure pecche int'a chilli juorne fuje acciso pure
Aldo Moro
.
L'anno appriesso a morte 'e Peppino fuje organizzata d'o Centro siciliano di documentazione cu Democrazia Proletaria, 'a primma manifestazione taliana contr'a mafia.