Karl Heinrich Marx ( Treviri , 5 majo 1818 ? Londra , 14 marzo 1883 ), spisso talianizzato comme Carlo Enrico Marx, fuje nu felosofo , ecunumista , storeco , suciologo , pulitologo , scienziato , screttore , pueta , juornalista e ppuliteco turesco .

Nasciuto dinto na famiglia 'e riggene giureja relativamente agiata d''a crassa media, Marx sturiaje a ll'Auniversita 'e Bonn e a ll'Auniversita Humboldt 'e Berlino, nnizianno a nteressarse e opinione felosofeche d''e giuvane hegeliane. Aroppo 'a laurea cuntribuette a Gazzetta renana , juornale radecale 'e Culonia. Trasferitosi a Pparigge dint''o 1843, cuntinuaje a ffateca pe ddevierse juornale radecale e ncuntraje ammice e ssusteniture mpurtante, ntra cui Friedrich Engels, cu ccui prubbecaje 'o Manefesto d''o Partito Cummunista dint''o 1848. Esiliato da Franza dint''o 1849 a ccausa d''e idee puliteche suje e pp''o suppuorto suo a ll'arrevuote d''o 1848 , Marx se trasfiere cu 'a mugliera Jenny von Westphalen e 'e figlie primma a Bruxelles e ppoi a Llondra . Cca cuntinuaje a ffateca comme juornalista p''o juornale anglo-mmerecano New York Tribune e a approfonni 'e sturie suje ncoppa ll'ecunomia puliteca, arrivanno accussi a elabbora 'a teoria ecunomeca sua ca avesse avuto a essere esposta ne 'O Capetale , 'e cui Marx riuscette a pprubbeca sulamente 'o primmo volume dint''o 1867. 'E succiessive dduje volume fossene state prubbecate postume 'a Engels (1885 e 1894) e 'a versione cumpleta d''e Teorie ncopp''o plusvalore 'a Karl Kautsky (1905-1910).