Кшуманцянь Пиргуж
чачома чись	сундерьковонь 19 чи 1940 ( 1940-11-19 ) (83 иеть)
Чачома тарка	Ташто Кшуманця , Большеигнатовское сельское поселение [d] , Покш Игнадбуе , Мордовиянь Автономной Советэнь Социалистической Республикась [d] , Российянь Советэнь Федеративной Социалистической Республикась [d] , Советэнь Вейсэндявкс [d]
Мастор	Советэнь Вейсэндявкс [d]   Россия Мастор
Важодема ёрокчизе	математиксь , вейсэндявксонь теиця
казнеть ды медальть
Кшуманцянь Пиргуж

Кшуманцянь Пиргуж ( руз. Мусалёв Григорий Дмитриевич ; 1940 иень сундерьковонь 19 чи )  ? эрзянь раськень ванстыця, кочказь Инязоро (1999 ? 2019), праваньванстыця. Эрзянь келень идема вейсэндявксонть Ветикуронть прявт (1998 ? 2019).

Эрямопингензэ [ витнемс | витнемс лисьмапрянть ]

Григорий Дмитриевич чачсь 1940 иень сундерьковонь 19 чи Ташто Кшуманця Покшигнадбуесэ , Мордовиясо . Сон ? сех вишкинька колмо лялянзо ютксо. Тетязо, Дмитрий Степанович (1912-1943 ии.), 1941 иень даволковсто саизь Якстере Армияв, теде мейле понгсь торпингев. Ульнесь Сталинградонь тюремасонть. Маштовсь 1943 иень даволковсто Харьковонь ало.

Авазо Григорий Дмитриевичень, Екатерина Алексеевна (1911-2005 ии.), торпингень шкасто ды пенсияв лисеманзо шкас важодсь вейсхозсо.

Григорий Дмитриевич 1958 и. прядызе Покшигнадбуень куншка школанть. Теде мейле Григорий важодсь лаборантокс тесте, школасо. 1959-1962 ии. ульнесь армиясо.

1962 и. Григорий Дмитриевич кармась тонавтнеме физико-математической факультетсэ Н.П.Огарев лемсэ МГУ, конань прядомодо мейле тоска жо важодсь математикекс-программистэкс.

Вейсэндявксонь важодемазо [ витнемс | витнемс лисьмапрянть ]

1980-це иетнень прядомсто ульнесь эрзянь раськень ойме-ёжонь кепедстямосо. Комсь иеде седе ламо ульнесь Эрзянь келень идема вейсэндявксонть Ветикуронть прявтокс ( 1998 - 2019 ), кона басня канешь Анатолий Рябовонь ^[1] лемензэ. Григорий Дмитриевич ульнесь вейкесь ламотнень эйстэ кие кармась тешкстамо Эрзянь келень чинть (1993 иестэ) Саран ошсо, те покшчинть карась ютавтомо ламо торкала, ды обмомасторгаяк.

Григорий Мусалёв одс одомтызе 1999 иестэ ≪Раськень Озкс≫ эрзянь покш коенть ютавтоманзо Мордовиясо. Сон Чукалвелесэ ютавтневиль XVII пинге стэ.

Григорий Мусалев ? анокстыця ды ютавтыця эрьва иень ≪ Велень озкс ≫ покшчинть. Ютавтневи сон омбоце медьковонь шлямочистэ 1990 иестэ саезь Ташто Кшуманцясо .

1994 иестэ кармась лездамо нолдамс ды сравтнемс ≪Эрзянь Мастор≫ кулялопанть эрзятнень юткова.

Мусалев ульнесь мелень путыцякс Саран ошсо Пургаз Инязоронтень кеврунгонть путомадонть. Ансяк ламоиень ярмаконь пурнамось тев эзь максо ? пурназь ярмактне ульнесть ёмавтозь.

Эрьва чинь важодемазо ? ломанень марто вастнемась ды кортамось эрянь келенть эрямодонть кудосо, школасо, ушосо ды важодемасо. Эрзянь раськестэнь кучозь ломань 6-це Суоми-грань раськетнень весемирэнь инекужосонть (2012 ие) ^[2] .

Григорий Дмитриевич ламо сёрмадовксонь анокстыця, косо сон видите корты вишка раскетнень аламгавтомадонть, келень а тонавтомадонть. Ламоксть пштистэ корты эрзятнень ^[3] рузыявтомадо.

Не вастома тевтнень коряс сонзэ ламоксть лепштясть вийкирдитне. Мордовиянь прессасо ламоксть сёрмалесть пштить ≪очков ваявтыця≫ сёрмадовкст Мусалёвдо ^[4] .

Казнеть [ витнемс | витнемс лисьмапрянть ]

* 5 степэнь Хрёст Ванькс Мариянь Масторонь Орденэнть кавалер ^[5] ( руз. Орден Креста Земли Марии , эст. Maarjamaa Risti teenetemark ). Казненть максозь Эстэнь Масторонь Президентэнть Томас  Х. Ильвес пельде.

* ≪ Ине эрзя ≫ (2015 ие, Эрзянь келень идем фондось).

Лисьмапрят [ витнемс лисьмапрянть ]