Ишуткинэнь Николай

Ишуткинэнь Николай
Ишуткинэнь Николай
чачома чись	панжиковонь 28 чи 1954
Чачома тарка	Симкина веле , Покш Килейбуе , Мордовиянь Автономной Советэнь Социалистической Республикась [d] , Российянь Советэнь Федеративной Социалистической Республикась [d] , Советэнь Вейсэндявкс [d] ;
Кулома чись	якшамковонь 12 чи 2021 (66 иеть)
Мастор	Россия Мастор ;
Важодема ёрокчизе	валморозей , куляньсёрмадей , сёрмадей , редактор
	Ишуткинэнь Николай

Ишуткинэнь Николай ( руз. Николай Иванович Ишуткин ) ( панжиковонь 28 чи 1954 ие Покш Килейбуесэ Симкина велесэ ) ? эрзянь ^[2] содавикс валморозей, прозань ды кулянь сёрмадей, прявт-редактор ≪Чилисема≫ ковставксонть ^[3](2021 день видс).

Эстедензэ [ витнемс | витнемс лисьмапрянть ]

Николай Ишуткин чачсь Покш Килейбуеень Симкина велесэ, кона ашти Сура леенть эйстэ а пек васоло. Тетясь валморозеенть ульнесь тонавтыцякс, авазо вейсхозсо важодицякс. Куншка школань прядомадо мейле тонавтнесь Н.П. Огарёвонь лемсэ Мордовской прявтуниверситетэнь филологиянь факультетсэ. Тосо тонавтнемстэ ушодсь сёрмадомань а шожда кинть лангс: кучнесь тешкставкст ды сёрмадовкст кулялопас. 1973 иестэ лиссть васень валморонзо (≪Од пора≫ ды ≪Килейне≫) ≪Сятко≫ ковставксо. Тень редизь ≪Эрзянь правдань≫ сестэнь прявттнэ ды университетэнь прядомадо мейле тердизь важодеме редакцияв.

Кулялопасо кеменде ламо иень перть важодемадо мейле ладизь ≪Чилисема≫ (сестэ сон ульнесь ≪Пионерэнь вайгель≫) эйкакшонь ковкставксонь прявт редакторокс. Покш тевенть тензэ савсь ушодомс, ловт, чаво таркасто.

1995 иестэ совавтозель Россиянь Сёрмадеень Пурнавксос. 1999 иестэ тензэ максови ≪Мордовия Республикань культурань заслуженной важодиця≫ покш лемесь.

Николай Иванович Ишуткин ламо важоди одтнэнь марто, эрси ушодыця литераторонь эрьва иень семинаронь секциянь прявтокс, якси кода Мордовиянь, истя сонзэ томбале аштиця эрзянь велетневаяк, вешни од лемть. Суоми-угрань раськеютконь сёрмадеень ассоциациянь правлениянь член, кочказь Россиянь суоми-угрань кулянь-сёрмадеень вейсэндявксонь секретариатс ^[4].

Шкинемазо [ витнемс | витнемс лисьмапрянть ]

Эрзянь кельсэ [ витнемс | витнемс лисьмапрянть ]

≪Тештине≫ (вейсэнь пурнавкс, 1982 ие)
≪Маней васолкст≫ (вейсэнь пурнавкс, 1987 ие)
Валскень теште: Стихотвореният. ? Саранск: Мордовской книжной издательствась, 1989. ? 48 с.
≪А сёпсынь арсемам ды мелем≫ (вейсэнь пурнавкс,1993 ие)
Тештень мастор: Стихть, пародият. ? Саранск: Мордовской книжной издательствась, 1994. ? 71 с. Пейзаж души: Стихи. ? Мордов. кн. изд-во, 1998. ? 55 с.
Вармань кандовкст: Эрямосто саезь ёвтнемат, пародият. ? Саранск: Мордовской книжной издательствась, 2004. ? 176 с.
Пейделькань кужине: Стихть, нурька морынеть, стихсэ содамоёвкст. ? Саранск: ≪Книга≫ издательствань кудось, 2007. ? 80 с.
≪Сёксень кизэнь паламо ? Поцелуй бабьего лета≫: Стихть. ? Саранск: Россиянь литфондонь Мордовиянь региононь отделениясь, 2009. ? 304 с.

Рузонь кельсэ [ витнемс | витнемс лисьмапрянть ]

≪Калейдоскоп≫ (башка пусмо, 1989 ие)
≪Пейзаж души≫ ( башка пусмо, рузонь кельс ютавтыцяст А. Громыхин ды сонсь авторось, 1998 ие)

Ванмо [ витнемс | витнемс лисьмапрянть ]

Творческий вечер Ишуткина Н. И. (эрз.) , (руз.)

Лисьмапрят [ витнемс лисьмапрянть ]

↑ На 67 году жизни скончался поэт и журналист, председатель Союза писателей, заслуженный работник культуры Республики Николай Ишуткин (руз.)
↑ Время и события. 2014: библиографический указатель / Нац. б-ка им. А.С. Пушкина Респ. Мордовия; [сост. А.Н. Маланьчева]. ? Саранск, 2013. ? 148 с. (руз.)
↑ ЦГПБ им. Н.А. Некрасова День эрзянского языка (руз.)
↑ ≪Чилисема≫ ковставксось №5, 2011 ие. лоп. 18 (эрз.)

[_68e370a806725d0f-1] На 67 году жизни скончался поэт и журналист, председатель Союза писателей, заслуженный работник культуры Республики Николай Ишуткин (руз.)

[Время_и_события._2014-2] Время и события. 2014: библиографический указатель / Нац. б-ка им. А.С. Пушкина Респ. Мордовия; [сост. А.Н. Маланьчева]. ? Саранск, 2013. ? 148 с. (руз.)

[ЦГПБ_им._Н.А._Некрасова-3] ЦГПБ им. Н.А. Некрасова День эрзянского языка (руз.)

[«Чилисема»-4] ≪Чилисема≫ ковставксось №5, 2011 ие. лоп. 18 (эрз.)

[1]

[2]

[3]

[4]