An fisica,
materia
(ben de l latin
materia
, sustancia fisica) ye qualquier cousa que ten massa, acupa spacio (fisica) i sta sujeita la inercia. La materia ye aqueilho que eisiste, aqueilho que forma las cousas i que puode ser oubserbado cumo tal; ye siempre custituida de particulas eilementares cun massa no-nula (cumo ls atomos, i an scala menor, ls protones, neutrons i eiletrones).
De acordo culas ccubiertas de la fisica de l seclo XX, tamien puode-se definir materia cumo einergie bibrando an baixa frequencia. La cuncepcon de materia an ouposicon la einergie, que perduraba na Fisica zde la Eidade Media, perdiu un pouco de l sentido cula ccubierta (anunciada an teorie por Albert Einstein) de que la materia era ua forma de einergie.
Puoden eisistir tres stados de agregacon de la materia, que barian cunforme la temperatura i la presson las quales se submete un cuorpo: l stado
solido
, que ye quando las particulas eilementares se ancontran fuortemente ligadas, i l cuorpo ten tanto forma quanto belume defenidos; l stado
liquido
, ne l qual las particulas eilementares stan ounidas mas fracamente de l que ne l stado solido, i ne l qual l cuorpo ten solo belume defenido; i l stado
gazoso
, ne l qual las particulas eilementares ancontran-se fracamente ligadas, nun tenendo l cuorpo nin forma nin belume definidos.
Para alha de l tres percipales stados de agregacon de la materia, hai mas dous outros stados. Fisicos de l final de l seclo XX demunstrorun que eisiste un quarto stado, l
plasma
, ne l qual las moleculas ya nun eisisten mas i ls atomos ancontran-se zagregados an sous cumponentes. La temperaturas superiores a 1.000.000 °C, todas las sustancias ancontran-se ne l stado de plasma. An 1925, Albert Einstein, juntamente a un fisico andiano de nome Satyendra Nath Bose, prebiu que habie un quinto stado de la materia, que solo se manifestarie an temperaturas baixissemas, prossimas de l zero abseluto, balor ate anton ampossible de ser atingido, que eiquibale la -273,16 °C. L zero abseluto serie eisatamente la temperatura dun cuorpo ne l qual todos ls atomos tubissen parado de se mobimentar. L quinto stado de la materia recebiu l nome de
Cundensado Bose-Einstein
.
Eisisten dous tipos de propiadades, las propiadades girales que stan persentes an todos ls tipos de materia i las propiadades specificas que ctinguen las sustancias.
- Stenson
, andica l spacio acupado pul cuorpo.
- Ampenetrablidade
, cunceito de adonde stubir un cuorpo nun puode star outro.
- Moblidade
, poder acupar sucessibamente defrentes posicones ne l spacio.
- Cumpressiblidade
, poder deminuir de belume sob acon de outras fuorcas.
- Eilasticidade
, poder de boltar a tomar la forma oureginal ne l momiento de dessipacon de todas las fuorcas que le furun aplicadas.
- Inercia
, un cuorpo nun puode alterar por si l sou stado de repouso o de mobimento, l qual se abalua pula massa.
- Ponderablidade
, un cuorpo quando sujeito a un campo grabitacional, abalua-se pul peso.
- Dibesiblidade
, poder de se debedir an particulas menores que la oureginal.
- Anctrutiblidade
, la materia ye anctrutible, solo puode ser trasformada o rearranjada.
- Einergie
, La materia ye pura einergie, an sue intima strutura atomica, eilha ye un eideficio de fuorcas.
Na
filosofie
(houmanas), la materia ye oubjeto de studos de la
ontologie
, la deciplina que se preocupa an respunder basicamente a la pregunta: "Que eisiste?" La materia ye defenida an alguns sistemas filosoficos cumo manifestacon de la rialidade, an ouposicon a la eideia.
Modelo:Sboco-fisica
Modelo:Eilemientos de la Natureza