Jacarta (an lhengua andonesia : Jakarta ) ye la capital i maior cidade de la Andonesia . Queda na ilha de Jaba i cunta cun cerca de 18,2 milhones de habitantes na sue aria metropolitana. Fui fundada an 1619 puls houlandeses cul nome de Batabia , junto a la alde jabanesa de Jacarta. Fui acupada puls angleses antre 1811 i 1814 . Tomou l nome atual an 1949 .

Storia [ eiditar | eiditar codigo-fuonte ]

Jacarta ampecou cumo un pequeinho porto junto a un monte al lhado de l riu Ciliwung ne l seclo XV. Alguns ouropeus falan dun poboado chamado Kalapa. Era l maior porto de l reino hindu de Sonda. La purmeira frota ouropeia fui pertuesa , i chegou a la zona an 1513 cun quatro nabios de Malaca , an busca dua rota para las speciaries i, an particular, pumienta . ^[1] L Reino de Sonda fizo un acordo de pac cun Pertual para permitir que an 1522 ls pertueses custruissen un porto cul oubjetibo de ls defender contra l oumiento de poder de l Sultanato de Demak de l centro de Jaba. ^[2] La cidade fui atacada por un moco guerreiro de nome Fatahillah , dirigente dun reino bezino, i depuis, an 22 de Junio de 1527 mudou de nome, de Kalapa para Jayakarta . ^[2]

Ls houlandeses chegorun la Jacarta an finales de l seclo XVI i an 1619 las fuorcas de la Cumpanha Houlandesa de las Indias Ourientales , deregidas por Jan Pieterszon Coen cunquistorun la cidade. Renomeorun-na cumo Batabia . Las ouportunidades comerciales atrairan para la Ansulindia , subretodo, eimigrantes chineses. Las tensones crecirun quando l goberno quelonial restringiu la eimigracon chinesa atrabec de deportacones. An 9 de Outubre de 1740, 5000 chineses furun massacrados i ne l anho seguinte, ls habitantes chineses furun trasladados para Glodok, fuora de las muralhas de la cidade. ^[3] An 1818 cumpletou-se l Koningsplein , hoije Praca Merdeka , i Kebayoran Baru que fui la redadeira zona residencial houlandesa custruida. ^[3]

Finalmente ls japoneses acuporun-na an 1942 , chamando-la cul atual nome. Depuis de la acupacon ls fui stabelecido l purmeiro gobierno republicano an 1950 cun capital an Jacarta. ^[3] L persidente de la fundacon de la Andonesia, Sukarno , prebia Jacarta cumo ua grande cidade anternacional. Por essa rezon anstigou grandes porjetos financiados pul goberno. Ls porjetos ancluian an Jacarta ua grande abenida (Jalan Sudirman), menumientos cumo l Monumen Nasional , ls percipales houteles, i un nuobo eideficio pa l parlamiento.

An 1966 Jacarta fui declarada cumo "ctrito capital" ( Daerah khusus ibukota ), i antoce oubtubo ua cundicon aprossimadamente eiquibalente a la dun stado o porbincia. ^[4]

Geografie [ eiditar | eiditar codigo-fuonte ]

Jacarta queda na cuosta noroeste de la ilha de Jaba, junto al riu Ciliwung na baia de Jacarta , que ye ua antrada de l mar de Jaba . La parte norte de Jacarta assenta subre ua tierra praina, aprossimadamente a uito metros arriba de l nible de l mar, l que cuntribui para que se formen las habituales inundacones. La zona sul de la cidade ye mais muntanhosa. Hai cerca de 13 rius que corren an Jacarta, subretodo de las partes muntanhosas de l sul de la cidade pa l norte i mar de Jaba. L riu mais amportante ye l Ciliwung, que debede la urbe an dues zonas: este i oeste. Jacarta lhemita geograficamente cula porbincia de Jaba Oucidental la lheste i cun Banten la oeste.

Las Mil Ilhas (Kepulauana Seribu, an andonesio), que son ua parte de la region admenistratiba de Jacarta, stan situadas na baia de Jacarta. Las 105 ilhas que las forman stenden-se al lhongo de 45 km la norte de la cidade, ambora la ilha mais prossima steia solo a uns quilometros de tierra firme.

Trasporte [ eiditar | eiditar codigo-fuonte ]

Hai caminos de fierro durante to Jacarta; antretanto, son zadequadas an fornecer l trasporte pa ls cidadanos de Jacarta. An horas de pico, l numaro de ls passageiros passa simplesmente la capacidade. Las trilhas de la camino de fierro lhigan Jacarta a sues cidades metropolitanas: Depok i Bogor al sul, Tangerang i Serpong al oeste, i Bekasi , Karawang , i Cikampek al lheste. Las percipales stacones ferrobiarias son Gambir , Jatinegara , Pasar Senen , Manggarai , Tanah Abang i Jakarta Kota .

Las lhinhas de carreira lhieban menos que meia-hora para atrabessar ua rota que normalmente lheba de mais de l que ua hora durante horas de pico. La custrucon de ls segundos i terceiros corredores de carreira fui treminada an 2006 , serbindo a la rota de Pulogadung la Kalideres . La lhinha de carreira que sirbe zde Blok M ate Jacarta Kota ye ouperacional zde janeiro 2004 .

Anque de la persenca de muitas stradas anchas, Jacarta sofree cul cungestionamiento debido al trafego pesado, specialmente centro comercial de la cidade. Para reduzir ls cungestionamientos, alguas stradas percipales an Jacarta tenen ua lhei "tres nun" durante las horas de pico, antroduzidas purmeiramente an 1992 , proibindo menos de tres passageiros por carro an detreminadas stradas. An 2005 , esta lhei tamien passou a baler na strada de Gatot Subroto.

Esto apersentou ua ouportunidade eiquenomica para aqueilhes que tenen solamente dues pessonas ne l carro, un "joki" (que quier dezir "jockey") queluobra para aqueilhes que quieren biajar pul trecho anterditado. Esto custa atualmente an torno de 5000 rupias , i hai muitos joqueis na antradas de ls trechos anterditados.

Las stradas de Jacarta son notablemiente coincidas pul cumportamiento andeceplinado de l cundutor; las lheis de la strada son quebradas cun ampunidade i la policia lhocal nun ye mui rigida. Las lhinhas de la stradas son ccunsideradas puls motoristas i nun ye ancomun ber carros biajando na contra- mano. Para alha desso, an anhos recentes l numaro de las motocicletas nas rues ten crecido sponencialmente. L mar de pequeinhas motocicletas de 100-200c, cria muita poluicon ne l aire i muita poluicon sonora , sendo essa ua de las pragas de Jacarta.

Ua strada sterior de l anielho agora sta sendo custruida i ye an parte ouperacional de Cilincing - Cakung - Pasar Rebo - Pondok Pinang - Daan Mogot - Cengkareng . Ua strada de pedagio coneta Jacarta al Aeroporto Anternacional de Soekarno-Hatta ne l norte de Jacarta. Ye lhigado tamien atrabec de la strada de pedagio l porto de Merak i Tangerang al oeste i l Bekasi, Cibitung i Karawang , Purwakarta i Bandung al lheste.

Dues lhinhas de l Monotrilho de Jacarta stan sob la custrucon: la lhinha berde serbindo Semanggi-Strada Casablanca-Kuningan-Semanggi i la lhinha azul serbindo Kampung Melayu-Strada Casablanca-Tanah Abang-Roxy. Para alha, hai uas prainos para dues lhinhas de l sistema de metro (MRT), cun ua lhinha norte-sul antre Kota i Lhebak Bulus, cun lhigacones a ambas las lhinhas de l monotrilho; i ua lhinha lheste-oeste, que lhiga cula lhinha norte-sul na stacon de Sawah Besar. L porjeto atual, que ampecou an 2005 , fui parado debido a ua falta de ls fondos i de l sou feturo permanece ancierto.

Refrencias [ eiditar | eiditar codigo-fuonte ]